بصمة الابهام

[ماجد الراشد الهيري]

جـنّــت جــنــونــي وأنـتــهـت بـي جـنــونـك=واللـّـي مــجــنــّنـي أنا كـيـف أجنّــنــــك
أذا طــيــور الـــورق غــــنـــّت لــحــونـــك=والله لأجــيــــب الـــعــــّزفـه اللّي تلـحّـنـك
هــلّـــي عـــلي وأمــطـــري لـي مـزونـك=لاتـبـتــعــــد ياشــوق مـنــّي وأنا مــنـــك
الله وأكــبـــر كــيــف تـضـحـك سـنــونـــك=هـــذي وحــدهــا ياحـبـيـبــــي تـفــنـّــنك
بـسـمـــة ثـغــر وأشــواق فـيـهـا شجونك=بحـزن وفــرح مـــدري أنا كيف ألـّونـك
جـســمـك ربــيـع الــعـمـر يظهــر ليـونك=خـفــّي الـمـشــي لا صـار قـلـبي يطمّـنك
ودي أحــاكــي بالـمـحـبّــه فـــنـــــونــك=لــيـت اللـقـّى ياشـــوق يــوصــل أمـاكنك
لك بـصــمـــة الأبـهـام فـيـهــا ظــنونك=واللّــي عـلــى طـيـف الـمـحبـــّه يـثــمّـنك
ليـتـــك تــشــــوف اللّـي حياته بدونك= عـــلى جـــديـــد الشـعـــر أجلس أدوّنــــك
أرســم قـلـوب وسـهـمها مـن عيونك=أعـجـــز أنا مـــدري أنا كــيــف أكــــــوّنك
خـــلاص حــدّي فـــي كلامي جفونك=أرجـــوك تـقـبـل عـزفـتـــي لــــو أدنـــدنـك

شعر\ماجد الراشد الهيري

[ماجد الراشد الهيري]

اتمنى ان ترقى لذائقتكم الشعريه اخوكم
الــــــهــــيـــــري

[الطامي]

جنّت جنوني وأنتهت بي جنونـك
واللّي مجنّني أنا كيـف أجنّنـك
أذا طيور الورق غنّـت لحونـك
والله لأجيب العّزفه اللّي تلحّنـك
هلّي علي وأمطري لـي مزونـك
لاتبتعد ياشوق منّي وأنـا منـك
،،،،،،،،،،،،،،،،،،،،،،،،،،
الهيري
صح السانك
والله مدري وش مجننك ياخوك هههههههههههههههه
الله يعينك يالهواوي
شكرا ولاهنت

[سناعيس]

صح لسانك ياماجد
وبيض الله وجهك
والله يكفينا وياك شر الجنون
لاهنت

تحياتي

[عرق الماس]

ليـتـك تـشـوف الـلّــي حـيـاتـه بـدونـك ـ عـلـى جـديـد الشـعـر أجـلـس أدوّنــك

الله..الله..يا الهيري..
رائعة جزلة من جزل..
تستحق العودة إليها..
تسلم يدك شاعرنا..

[عبدالعزيز العمار]

الله الله ياماجد

صح فكرك وقلبك

رائع ومبدع وجزل في طرحك

تحياتي لك ولهطولك الفاخر الجميل

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[عرق الماس]

صح لسانك وبارك الله فيك
قصيده جزله من جزل
اقبل ودي واحترامي

[بنت العز]

صح لسانك مليوون

قصيدة جزلة من شاعر جزل

سلمت ودام حرفك

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك