قلبي معك يا قرت العين دايم

[عبدالمحسن الرحمه]

قلبي معك يا قرت العين دايم=ما غبتي عني يا حياتي ثواني
شوقي تبعكم كنّه الطير حايم=دايم يخاويكم بأية مكاني
أضم أنا حبك وأنا فيك هايم=نقشت أنا حبك بعوج المحاني
عفت الهنا من بعدكم والعزايم=سهران لين الفجر بيّن وحاني
لو كنت جالس أو مع الناس قايم=منسى أمل عمري وشمعة زماني
المشكلة ياناس لاصرت نايم=جاني حبيب القلب سيد الغواني
جاني وانا قلبي من الشوق صايم=وضميتها ياروح روحي وحناني
تدرين جوّي عمّه الحزن دايم=وتدرين بعدك يا حياتي كواني
فجأة صحية أثري بلا حلام عايم=مع عمري ياللي راح عني ونساني
سألت أنا القمره ونجم النعايم=عن غاية المقصود حبه طواني
مسكين قلبي ذاق كود الهزايم=من بعد فرقا الزين صافي الثماني
يا وجد قلبي لا قبل الليل غايم=برقه أسى بين خوافي كياني
الهجر يذبحني وصدك ظلايم=حرام تلعب بي زماني رماني
جسمي نحيل ٍما بقا به عزايم=كله سبايب من بحبه بلاني
حبك أسرني صرت ضمن الغنايم=في بحر حبك يا حياتي ٍأعاني
أعاني ياعمري هموم ٍ عظايم=وأعاني من ضيقه وكثر الأماني
بعدك وصدك من كبار الجرايم=ما تعذر اللي من فراقك يعاني
أن كان حبك سامه اليوم سايم=ما بيع حبك بالخفاء والبياني
حسي يقول انك مع اهل النمايم=أكذبه واقول عقلي كفاني
خليتني يا زين عدّة قسايم=قسم ٍ يعاني فراق وقسم ٍ براني
ما تدري اني يا حسين الوسايم=دايم أفكر بك ولا فيه ثاني
من بعدكم والله ماسمع بلايم=أبقى على حب ٍ صعيب ٍ حداني

[عمر ال شيبي]

صح لسانك عذبه من عذب

[داعي الشوق]

صح لساااااااااااانك مليووووووووووووووون يا عبدالمحسن

و الله يعين قلبك صايم من الشوق و انت برمضان

لاهنت يا مبدع

و صح لسانك

[حوريه]

أضـم أنــا حـبـك وأنــا فـيـك هـايـم
نقشـت أنـا حبـك بـعـوج المحـانـي
**
يـا وجـد قلبـي لا قبـل الليـل غـايـم
بـرقـه أســى بـيـن خـوافـي كيـانـي

قصيده كلها روعه
صح قلبك ياعبدالمحسن
وننتظر المزيد ........
دمت مبدعا وشاعرا فذا
تحيتي لك

[الـزلـزال]

عبدالمحسن العمر

بوح مميز ورائع وجميل
من شاعر متميز ورائع في كل حالاته
أبدعت وأمتعت شاعرنا حماك الله وسلمك
دمت بخير وحب ودام لنا حرفك
صح لسانك ملايين ملايين
ولك فائق تحياتي وتقديري

[عبدالعزيز العمار]

صح لسانك ياعبدالمحسن

رائع وجزل كالعاده في طرحك

لاهنت ولاهان حرفك الجياش

تحياتي لك

[الطائر المهاجر]

سلمت
ولاهنت
وصح الله لسانك
تحياتي

[عبدالله الشويمان]

بيض الله وجهك يا اخ عبدالمحسن

نص جزل لا هنت لا هنت

دمت بخير وصحه وسلامه

[منيع]

ابيات رائعة
شكرا لكم
تحياتي

[الطامي]

العمر
صح السانك ملايين
رائعة جدا
لاهنت اخي