راح ريف العمر والقلب متوازي

[فواز الغسلان]

راح ريـف العـمـر والقلب متـوازي=ماحـصـل ياخذ من الماضي دروسه
لا هـقـيـتـه تاب عن طرد الجوازي=تفضحه وسـط العرب كـثـرة هجوسه
عـقـب ريــمٍ صـوتـهـا ماهـو نشازي=وعـيـنـهـا تجـمـع مـع الكحلة نعوسه
الـردايـف ضـامـتــه والـنـهـد نازي=والـشـفـايـف تـسـحـر العاقل وروسه
هي سـبـب جرحٍ بوسط الجوف لازي=قام يلعـب بالـضـمـايـر تـقـل سـوسـه
عـقـب مـاهـو بالـمـجـالس مايرازي=حاسته واصـبـح بوسط الناس حوسه
وقـام يـزبـن بالـخـلا روس النوازي=مـرقـبٍ راع الـهـوى يغـلـي جلوسه
تقـل مطـلـوبٍ عـقـب ذبـح ومـغازي=من رجـالٍ يـقـطـع المـعـلـوق مـوسه
او سجـيـنٍ يـنـتـظـر وقـت النـجـازي=عقب عـشـر سنيـن في ظلمة حبوسه
او عـظـيـظٍ يـنـتـظــر دم الـبـرازي=وطـعـنـة المغلوث تكمن في ضروسه
مـثـل ابـن لـعـبون وقبور الحجازي=يـوم يـدفــن وسـطـهـا جـثـة عـروسه
ودسـت لـلـي بالـخـلا حـاز امـتيازي=اشـهـبٍ غـطـى عـلـى شـهرة جموسه
الـدبـل جـاهـز ونـور اللـيـت غـازي=مـن يـسـوقــه بالـوعــر وده يـبـوسـه
لانـخـيـتــه طــار لو دربــه عــزازي=وان دعـست البنص ماصاحت تروسـه
ولو يـطـول الـدرب ماجـاه اهـتزازي=مثل صوت الـبـنـت في ناعم حسـوسه
صار تـشـغـيـلـه بـريـمـوت وجـهازي=وهـو يـصـون الـزيـت بالدرب ويقوسه
والـدبـل بالـصـبـع لاشـفــت الغرازي=يـشـبـه الـسـرحـان فـي عـالي طعوسه
جــامــعٍ قــوه وتـصـمـيــم وطـرازي=ولا يجـيـه الـلـي يـبـي يجـلـب تـيـوسه
اشـهــد ان الجـيـب لـمـاع الـقــزازي=يستـحـق الـقـاف فـي صـافـي طـروسه
صوب شـيـخٍ مامـشـى درب المخـازي=شـايـعٍ طـيـبــه قـبـل تـكـثـر فـلـوسـه
يـوم شـفــت الطـبـع بـيـن الناس بازي=والـمـراجـل بـيـنـهـم غـابـت شـمـوسه
كنت احـسـب الـنـاس فـي طيبة مكازي=يـوم حــط الـشــاة لـــذيــابٍ فـروســه
جـيـت بـيــتٍ مـايـبـي خـتــم وجوازي=عـنـد نـاسٍ تـطـربــك طـيـبـة نـفــوسه
الصـمـيـخ الـلـي يـسـدون اعـتـيـازي=عـنـد ابوناصـر عـسـى تكـثـر جـنـوسه
ماقـعـد يضحـك على المـكسـور هـازي=ولو يـشـوف الـشـوك بـدروبـه يـدوسـه
طـيـبـهـم مـاهــو هــروج ولا مـجـازي=وبـذرة اهـل الطـيـب تظهر في غروسه
شـمــعـة الـغـفـران بالـنـامـوس فـازي=ربــي الـلـي رافــعٍ بـالـطـيــب روسـه

[داعي الشوق]

قصيدة قمة في الجمال

و رائعة في الإبداع

تصوير جميل مع سرد في الفكرة و المعنى

و بشكل إنسيابي متناسق

صح لسانك مدد بلا عدد يا بن غسلان

مع التقدير لك

[عدنان كريزم]

الله الله


قافيه صعبه لكن اتقنتها يا رائع



صح لسانك ولا هنت

[الطامي]

الغسلان
صح السانك ملايين
ومجار اخي من الشر
شكرا لك

[عالي مستواها]

الله الله

شاعريه متوشحه بفكر فذ

وكلمات احسسنا معها بلذة المعنى

لا فض فوك

بيض الله وجهك ولاهنت على هالقصيد الطيب

يعطيك 1000 عافيه

تقبل مروري

[منصور بن ملك]

اهنيك يالعسلان قد لي وانا ادور قصايد راقيه بس انا اعترض في حاجه ماعتقد ان الجيب ينفعك مثل لومعك بهبهاني تسعه وسبعين جمس كان عطا القصيده اكثر قوه وكان حسيت بصوته داخل القصيده يرج القلب اقول رح بعيد قصيدتك عاديه انت والكبسوله انتبه لاينقلب بك في احد لفات القصيده تمانياتي لك انت وابو ناصر بدوام الصحه

[منيع]

ياسلام عليك
ابداع متواصل
وشعر في منتهى الروعه والجوده
بارك الله فيكم
تحياتي

[همس الورد]

صح لسااااانك

و صح بدنك

و اعتلا شانك

احسااااس رائع

لا هنت

[عبدالله مذكر العقيلي]

سلمت ودمت

قصيده جزله من راس جزل

بيض الله وجهك

وصح لسانك

[ام العمده]

صح لسانك واعتلا شانك

لاهنت

دمت بخير