محاورة شقر بيني وبين ابو هاشم

نجم الإبداع · 19-12-2006, 07:13 AM

هذه محاوره بيني وبين اخي ابو هاشم( الغمر)
وددت اطلاعكم عليها

البدع
ياراعي المعرفه لاهنت ياسيف شابي
مجار ماجاه من فعل الصدى مايشوبه
ان كان ودك بشعر الشقر للّعب شي بي
ماني بعنتر ولا لي من حكايات شيبوب
من كثر ماشوف بالدنيا مالاهوال شيبيت
اهل الردى بين خلق الله دايم يشبون
متخالفين القلوب وقصرهم شي بوبه

الرد
الله لقلبٌ من افراق المحبين شابي
خصوص منهم غريرٌ ياعرب ما يشوبه
وانا حسبت ان قلب ابن آدمي مايشيبي
حتي دريت ان له قفلٌ وفتحٌ وشي بوب
وان شيّب القلب في باقي عظايه ياشيب ايت
صحيح ناسٌ بليا اقلوب دايم يشبون
واللي معه قلبٌ ياخي آحبته شيبوا به

2
البدع
يالغمر ماضرني مداح والي وشا بي
كم عاقلٌ راح واهله للمعادي وشوا به
شيبك ذهب يافتى واليوم باوريك شيبي
بين القوافي لقيت الشقر بالعرف شيبوب
له نور زاهي وله صورٌ وثيقٌ وشي بيت
عالي قوامه واشوف البعض حوله يشبون
وجاز مايكل بجنب الشقر لاشي بوبه

الرد
للعز قصرٌ منيفٌ ما رقاْ كل شابي
واللي معه وهمه ابعمره فقلّه يشوبه
كم واحدٌ طاح حنّه ما بيعرف يشيبي
فلا هو ابشرب مايٌ من كظامه وشيبوب
والمطلق ايقول لاعلى قمة القصر شيبيت
ما همني اهل السيوف اللي من امسي يشبون
ولا تلفّت للحاسد ولاشي يبوبه

تحياتي للجميع

الطائر المهاجر · 19-12-2006, 11:27 PM

محاورة من العيار الثقيل من فارسين لايشق لهما غبار
تأملت وحاولت التعلم ، لكن هذا يتطلب ثروة لغوية
لاتتوفر لجي مثلما توفرت للشاعرين الكبيرين
أخي فلاح
صح لسانك وبيض الله وجهك
على امتاعنا بهذا النوع من المحاورة
تحياتي الطيبة

نجم الإبداع · 19-01-2007, 10:27 AM

استاذنا ابو عبدالله
كما تعلم فان الكلمه العربيه لها عدة معاني واتجاهات
وهذه الصفه استطاع شعراء الشقر ان يصوروها
في عدة قوالب كما ترى
ولست باعرف منك ف هذا المجال
ولكنني احببت اطلاعك والاخوان على هذ النوع المهمل
على الساحات الشعبيه

تشرفت بمرورك وردك

لاعدمتك