بيني وبين الحظ ...في تداول (بالصوت)

[الطائر المهاجر]

بيني وبين الحظ وقفة تحدي = عيا يجاملني وانا ما قويته
لا من رجيته قال حدك وحدي = انت السبب فاللي بنفسك جنيته
حتى بحظي الواسطه ما تعدي= ولو قلت تكفى ما كأني نخيته
يا حظ ياحظ الردى والتردي = وش لك على قلبي بجورك كويته
اخذت مني ما جمعته بكدي = وهدمت حلم في خيالي بنيته
واليوم اعيش الغبن والحزن مدي = مثل المسبه في طريق مشيته
الشمس زلت والعمر ما يهدي= والشيب لاح بعارضي ما اهتويته
وجدي عليها وجد من قال وجدي= يرجع "تداول" قبل عام شريته
اصبر على ماصار لو باح سدي=وا شكي على من حجت الناس بيته
فالحظ لا منّه بداك بتحدي = ماهوب رجال اذا اخطى وطيته
اصبر عليه ولو بدا يوم نكدي= لابد ما يضحك بيوم نسيته

وجدي عليها وجد من قال وجـدي
يرجع "تداول" قبـل عـام شريتـه

صح لسانك

ولاهان راسك يالغالي

[منيع]

مافات مات ولابها اليوم نقدي=واللي مضى حكمته راح ورميته
دكتور نفسي لاتقول اه كبدي=بعيادتك ياكم مريض شفيته

[أم ريما]

لا من رجيته قـال حـدك وحـدي
انت السبب فاللي بنفسـك جنيتـه
حتى بحظي الواسطه مـا تعـدي
ولو قلت تكفى مـا كأنـي نخيتـه


صح لسانك

والله يعوض عليك وعلى كل خسران

قصيده معبره وجميله

تحياتي لك

[نجم الإبداع]

الحظ عاثر قام ضدك وضدي = والقلب مايسمع لو انك نهيته
لو باح بين الناس سدك وسدي= مافادت الشكوى لزيد وكميته
ياصاحبي ماعندك اليوم عندي=سهم المصافي مانفع لو خذيته
اصبر على بلواك ياسيف هندي= هذا هو المقسوم وانا رضيته


صح لسانك وفكرك يابو عبدالله


تقبل مروري
وردي
وودي

فالحـظ لا منّـه بـداك بتـحـدي
ماهوب رجال اذا اخطـى وطيتـه
اصبر عليه ولو بدا يـوم نكـدي
لابد مـا يضحـك بيـوم نسيتـه

استاذي القدير ..صاحب الحرف العذب >ابو عبداللهـ
صح لانك عدد بلا مدد

اشهد انك ابدعت في هالقصيده ..

سلمت ولاهنت..

دمت بخير
شيـخـ القوم ــة

الله الله
يا بو عبدالله

يعنى
جت على قول الشاعر

كل ماطقيت فى ارض وتد
من رداة الحظ تطلع لى صفاه


صح لسانك
والله يزينه
واعتلا شانك
ولاهنت

دمت بود

صح لسانك مليووون

فضلااا

سجل اعجاابي

[ابو زياد]

صح لسانك يابوعبدالله
حاضر دائمآ وبجزالة

[صالح سعود]

بيني وبين الحـظ وقفـة تحـدي
عيا يجاملنـي وانـا مـا قويتـه



عثمان العبدالله


والله انا اللي ما اجاملك










عز الله انك شاعر العثمانيات



بصدق


صح لسانك على الابداع الغير عادي