![]() |
رقم المشاركة : 1 | ||
|
مسجاله بطريقة لفت نظر من الأخ الشاعر محمد ال عمران ورد اسمي فيها
قالت سرحنا قلت يالله علي ويـن=قالت بحر قلت البحـر مـا احبـه قلبي يحب السيـح والبـر يازيـن=وجمر الغضا لاقمت بيـدك تشبـه وادلال صفر(ن) كل ابوهن رسالين=وفنجال اشقر في يمينـك نصبـه اهلا هلابك مرحابابـك وسهليـن=الجو هـادي واقشـر الهـم كبـه عطني اعلومك وابتهج يريش العين=ونب العلوم اللي من الـراس نبـه في منزل (ن) مابه ازحام وقوانين=لابـه مـرور ولا بريـك ومطبـه من فوق جيب (ن) ركبوله بواليـن=يقدح اجنوطه فوق ظلع (ن) يربـه ورفارفه هيبه من ايسـار ويميـن=كنه سفيـه تنطـح امـواج غبـه البر والله فـي عيونـي بساتيـن=بر(ن) نحبه لـو امحولـه تذبـه اعشق جمال الباديـه والبداويـن=وانا بدوي مافي البدو من مسبـه اكرام حنا من ارجال (ن)كريميـن=وارجالنا عنـد الطلـب مستهبـه البر راحـه وارتيـاح ورياحيـن=لاذعذع النسناس مـع كـل هبـه وحنا بجو البـر مثـل السلاطيـن=أمن وامـان وحالـة(ن) مستتبـه والبدو عشاق البنـات المزاييـن=عشق (ن) يذكر كل عبد(ن) بربـه محلا سهرنا يـوم كنـا مقيميـن=نقطف من اثمار الهوي والمحبـه بحر العيون الناعسـات المفاتيـن=يرمي عشاشيق الهوي وسط غبـه هذاك يالطامي ودادي من اسنيـن=مزيون يامنصور لحـد(ن) يسبـه والحمد لله كمل الشـرع والديـن=مابين فرض وسنة (ن) مستحبـه وكان ردي عليه كما هو ادناه :
يامحمد ال عمران من وين لاوين = وش جابني في قصتك والمحبه
قالت وقلت وكلكم حب غاوين = غاوين يعني حب مالقي طبه قالت بحر والسيف معشوق للزين = والا انت شفك بر تبغي المهبه ان كان شف اللي يحبون هو دين = فدينٍ عليك اتبعه كنك مسبه تتبع رضاهم لو على السيف ماشين = وسنارتك باليد ترمي وتشبّه كنك عليمٍ بالبحر والبحر وين = لاكن تماشي شف خلك وحُبه والا بيدك تشيل احجار ثنتين = وترمي على ساقي البحر واتّنبه وسوالف ذربه مع الزين ياعين = بطاش البحر كنك بمرباع جبُه شف الحضاره ياولد والسلاطين = ماعاد به برٍ ولابه مشبّه طاش وبحر واسواق ان كان توحين = وارقام ترمي بالمخابي بعُبِه ياخوك يامحمد ترى الوقت وقتين = وقت لكم والوقت الاخر قضبِه لازم نسايرهم على الزين والشين = نكسب مودتهم والاخر نكبٌه حن وقتنا قفى مع العمر يالسِين = واقفى برفق ايامها المشلهبه ان كان شفك شب ضوء بمقامين = مقام ليل وصبح مزين مشبه ودلال رسلانٍ جنبها غوارين = وافراد من تمر الحساء من مغبه مع جيب شاس سايقه ذو شماطين = قد مرمر الدنيا ووقته لعبه يضوي الا من راح بالليل ثلثين = يقضي ويمشي مادرى كون ربه ملاوعه حبٍ حقيقي من سنين = محجورة والا طموح مِشِبّه وانا ترى مثلك وغيري كثيرين = دامت بخير وبمنها مستتبه مايستوي شف الحضاره وبعارين = اختار بين اللي تريده وذبه |
||
![]() |
![]() |
رقم المشاركة : 2 | ||
|
صح لساااااااااااااااااانك يا بو محمد |
||
![]() |
![]() |
رقم المشاركة : 3 | ||
|
روعه وطيبه صحت الالسن |
||
![]() |
![]() |
رقم المشاركة : 4 | ||
|
الله الله عليك يامنصور |
||
![]() |
![]() |
رقم المشاركة : 5 | ||
|
داعي |
||
![]() |
![]() |
رقم المشاركة : 6 | ||
|
الشيبي |
||
![]() |
![]() |
رقم المشاركة : 7 | ||
|
فلاح |
||
![]() |
![]() |
رقم المشاركة : 8 | ||
|
صحت السنتكم شعرائنا المبدعين |
||
![]() |
![]() |
رقم المشاركة : 9 | ||
|
صح السانكم ولاهنتواااااااااااااا |
||
![]() |
![]() |
رقم المشاركة : 10 | ||
|
عبيرالورد |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الشاعر محمد العبدالله الأسود المري | الطامي | رواد الشعر النبطي المعاصر | 18 | 02-09-2013 09:29 AM |
(لا تتركيني)القصة كاملة مدموجه | ذيب السنافي | منتدى الشعر والخواطر بالفصيح | 40 | 10-01-2009 10:32 PM |
محمد بن عمار ونايف الثبيتي | الطائر المهاجر | ساحة المحاورات | 32 | 27-04-2006 01:12 PM |