لا صرت تقضم مثل حبة شعيره

[الطائر المهاجر]

لا صرت تقضم مثل حبة شعيره = تهضم وتذمم مالقت أي تقدير
بعالم غريبٍ في نفوسٍ صغيره = فارفع مناحيها وحط التدابير
فالوقت غير الوقت في كل سيره= والخلق غير الخلق مبدا وتفكير
تكشف معادنها بلحظه قصيره = واللي بظنك ماس تلقاه قصدير
لا خلق يمنعها ولا ادناة غيره = كل ما تبي جاه ووجاه ودنانير
تخونها اهدافها لو ستيره = وتدري بها في كل ورد ومصادير
والضب لامنه فقد للبصيره = تلسعه حيه لين ما يحس تخدير
يطرد وراها مثل فاقد بعيره = حتى يطيح بجفرةٍ دون تحذير
مكسور لكن ما تفيد الجبيره = ويحس في جواه وخز المسامير
وتبدا تصرف في حياته تديره = وهو يتنازل لين ينصى الدحادير
ياكل بنفسه في حياة حسيره = ولو ثار دمّر مثل نار واعاصير
يشيل جرحه ف الليالي العسيره= يخشى على غيره من ادناة تأثير
غلطتك يالشاطر تراها خطيره = من لاتوقع طاح ما عيّن الخير
اما تقبل فانت راع الجريره = والاّ تفل الجنح بالكون كالطير
وشكوى لغير الله بوقت الهجيره= تحرقك زود ولا ترد المقادير

[صعبة المنال]

غلطتك يالشاطر تراها خطيـره
من لاتوقع طاح ما عيّن الخيـر

الله الله يا الطائر
كتبت فاجزلت

صح نبضك وفكرك

صعووووب

[احمد القاسم]

صح لسانك واعتلى شانك يابو عبدالله

ابدعت وامتعت

قصيده جزله من شاعر جزل

لاهنت

[الطامي]

الطائر
صح السانك ملايين
رائع وهادفه
شكرال ك

[عبدالعزيز العمار]

صح لسانك يابوعبدالله

شاعر جزل وصاحب تجربه طويله بالحياة

لاهنت ودام لنا حرفك الرائع

تحياتي وتقديري

[عبدالعزيز البليهد]

صح كلك يالعود

اثريه صحيح يقولون لاكبر الرجال يمشي ويطفي اللمبات

وكل حديثه نصايح وحكمه

[منيع]

اكثر من رائعة
تسلم يادكتور
تحياتي لكم

[داعي الشوق]

صح لسانك مليووووووووون

ولاهنت يا دكتور

قصيدة جزلة و حكيمة من حكيم

تقديري لك

وصح لسانك

[حوريه]

قصيده رائعه من شاعر حكيم
صح لسانك مدد
ودام حرفك

[نجم الإبداع]

ياسلام يابو عبدالله

جزله طيبه

صح قلبك

تقديري