الخط الاحمر

[سعيد عوده الحويطي]

هذه القصيدة اهداء للدكتور عثمان العبدالله

سلام تسليم (ن) على طيب نيه=تحية الاسلام هي خير مبداي
تحية (ن) على النقا جرهديه=يشهد عليها اللي عليم بخفاياي
لدكتورنا عثمان مني هديه=مع باقة ورود المحبه هداياي
بعد السلام وبعد رد التحيه=ارجوك يا دكتور تسمع لشكواي
عندي على همس القوافي قضيه=الخط الاحمر ساير دوم وياي
دايم بتوقيعك ينبه عليه=عدم تفاعلكم يعرضك لاقصاي
وانا اقول يادكتور صبرك شويه=اسمع كلامي وانت بعدين لك راي
انا بدوى زراع وعندي رعيه=في قرية مافيه نت ولا فاي
اسهر مع دلالي بجنب الوريه=وزعت وقتي بين زرعي ومعزاي
عمري بعد ستين زايد شويه=والنت وعلومه جديده بدنياي
توي عرفت حروفه الابجديه= والفيس وتويتر وقوقل وياهاي
والمنتدى والله عزيز عليه=هو منفذي للعالم اللي حويلاي
ومشاركاتي فيه ماهي رديه=امر صفحاته واشارك اخواياي
واحيان تقصيري على حسن نيه=تحداني ضروفي على غير مشهاي
ماني بشاكي نقص ولا ضعف فيه=ولا عمري اطلب فضل من غير مولاي
ماغير شرهات الخوي بخويه=والله يعلم ماتكنه نواياي

[داعي الشوق]

هههههههه

صح لساانك
و طاب حالك
و فالك يا بو توفيق ،،

و الله يستر من الخط الاحمر 😎

ولاهنت يالشاعر و صح لسانك مدد

[ساهر الليل]

طيب طيب ياراعي البراري

صح لسانك وحرفك وننتظر رد العود عليك

قصيده وافيه وتفاصيل ممله بظروف شاعرنا

تقبل تحياتي ومروري

[الطائر المهاجر]

ههههههههههههههههههههههههه

صح لسانك
ومعذور
واذا انت شايب فأنا اكبر منك
تحياتي

[سعيد عوده الحويطي]

شكرا الكل من تفاعل معي واعذورني في التقصير

[منيع]

حياك الله ياسعيد الحويطي
العذر عند كرام الناس مقبول
كل الشكر لكم
تحياتي

[الراقي]

امتعتنا بهذه الرائعه
صح السانك الوف

دمت بمودة

[الفهيد]

رائعه وهطول عذب
صح لسانك
مليون في مليون
تقديري واحترامي

[الطامي]

الحويطي
صح السانك
ابدعت مع الخط الاحمر
الله يخارجنا منه

[عبدالإله]

صَح الساْنك
مُصَافحةً كُلها جزله

الْتَّقْدِيْر وَالاحْتِرَام لك