عطني مثل او حكمة واعطيك بيت او اثنين

[الطائر المهاجر]

هنا فرصة للجميع من منسوبي الفطاحلة ، لإبداء مقدرتهم
في النظم او استخدام الذاكرة من محفوظاتهم الشعرية
الموضوع يتلخص في أن واحد يجيب مثل او حكمة بالشعبي
او الفصيح ، ومن يدخل بعده ينظمها في بيت او اثنين
واذا لم يكن شاعرا فيورد ما يتذكره من بيت او اثنين عن نفس الهدف
من المثل او الحكمة ، ثم يضع مثل او حكمة للذي بعده ... وهكذا
للي بعدي:
الى حجت البقر على قرونها

[سناعيس]

مشرفنا الفاضل
فكره ممتازة

مايتفق شعب تدخل به أمريكا=لين البقر على قرونه يحجي

ماطار طير وارتفع الا كما طار وقع

[الطائر المهاجر]

قد استخدمت هذا المثل في قصيدة
يابـوش لا تفـرح بذيبٍٍ ختلتوه = لـو كان في وعيّه فتك بالجنودي
ان غرّتك قوّتْك واللي وصلتوه = ما طار طير إلاّ وقع في خمودي
في يـوم تتفكك ولو ما قبلتوه = وتبدا رجوع لماضيـات العهودي

طيب : عدو جدك مايعود لك صديق

[ابو أنس]

ما قد ذكر للذيب عهد(ن) وميثاق=لو هو بسط للسايمه زل وبساط
عدو اهلك أيضا عدوك ولو راق=لابد ينبض عرقه بدم واخلاط

كلن عليه من زمانه واتسف

[الطائر المهاجر]

كل عليه من الزمن خطو واكف = وانا عليّه من زماني تواكيف
وان قالوا ان الحظ للحر ناكف= فانا حظيظي مايجي لي على الكيف

لايلدغ المؤمن من جحر مرتين

[سناعيس]

أنا اشهد انا من عنا السوق كدرين=سوق به الهامور هو الحرامي
مايلدغ المؤمن من الجحر ثنتين=وللي بعيد عنه بلغ سلامي

ما أردى من المربوط الا المنفلت

[ابو أنس]

قالوا لنا في السوق مبدا ومنطق=دوّر ومثلك باخص ويعرف الزين
لقيت انا المربوط أخي مطلق=ياقرد حظ اللي مسك كل الاثنين

من قررصته الحيه خاف من الحبل

[الطائر المهاجر]

من تذكر لدغة الحيه صغير = جنب الطرقه اذا شاف الحبل


عنز لو طارت

[ابو أنس]

بعض العرب مخّه كما الصخر يابس=الى انحفر به خط ماانزاح او راح
يقول عنز اقول شف له جناحين=يقول عنز ولو كفخ في الفضا ساح

القرد في عين امه غزال

[نسناس الهوى]

اعشق نديمي وان غدا شين الاوصاف = فالقرد في عين المربيّ غزال ِ

" اللي مايعرف الصقر يشويه "