جمعت لك ديوان عمري في كتاب ...

[نواف السعداني]

	(( ديوان عـمـري )) هـذا أنا جــمـعـت لك ديـوان عــمــري في كـتاب منذ شــرقت شـمـسي وليد إلـين مـوتي بالغــروب ما هي قـصيدة حزن ولا كلمات في لحظة عتاب لكــنهـا رحـــلة أســى داخـــل دهـــالـيز القــلـوب وجيت أنا صـرخة وليد احـســب لي الدنيـا رحـاب ولا دريت إني اســـم على الحــياة أنا امـحـســـوب ومن عـرفـتني وأنا طـفل(ن) من الآهــات شــاب لين انكســر عوده وهو مثل الشجـر واقـف نصوب قـزرت هالعـمـر بشـــقا منهـوش أنا من كل ناب ويا كثرها أنياب(ن) علي اتحدتني لأقصى الدروب واللي نهش عظمي أنا ناب(ن) بفك أهـل وقـراب حـســافه عـروني وأنا لبـســـتهـم مـلـبـوس ثـوب حــزمتهم خـصـري وهـم ياما طــعـنوني بالجـناب والهــم تناولـني بعــد من كـل صـوب وكل صـوب اقرب عضـيد(ن) للأسف بايعـني ابرخـص التراب بايعـــني للـي انثـروا قــدري مـع عــج الهـــبوب وخفت أنا حتى غديت امشي وسـط عـتم الضباب ضيعـت احسـبني طـليق ايدين والقاني امقضـوب ماعـمـري اخــترت الدروب ولا بعـــد فـكـيت بـاب قادوني لدروب الهـلاك امغـمغـم العــين امغـصـوب لو جـابهـوني بشــينهم ماخـفـت من قـص الرقـاب لكنهــم بي اغــــدروا وأنـا على أمـــري امـغــلوب مبيـوع أنا في بيعـة(ن) بيعـة بدون أدنى حـســاب لكـن على النيـه أنـا ســــمـيتها حــــكم امـكــتـوب رحـمـت حالي وعـشـت عـمر اداري هم الاغتراب نوب(ن) أنا اجـهش بكا واضحـك بوجـه الدنيـا نوب شــكـيت هـمي لخــالقي إلـين جـــرح الهـم طـــاب وطــاب لي بنيـان بيـت من الصــبر بانيـه طـــوب رغـم إنهـم ياما قـسـوا ودي لهـم لين الحـسـاب كنت ألتمـس عـذر(ن) لهـم رجـا لغـفـران الذنـوب قلبي يســامحهـم ولـو يـعــيـش حــالة اضــطـراب بالراحه افــديهم واظــل اســتر لهـم أكـبر عــيوب لكـن بقـلبي هالقـهـــر اتجــاوز احــدود العـــتاب على اللي اعـطــيته عـمـر وبالآخـر طــلع كـذوب خـسـران كل عـمـري ولو فـــايز أنا برحـلة أيـاب طـلعـت خـسارات العـمر أكبر من حـساب الذنوب هو ذاق شهـدي وارتوى ثم اعـتبرني من سـراب وأنا اللي في رغبة رضى كنت احترق شمعة وأذوب وذاب عـمـري وهـو مـا عـمـره تعـذب من غـياب ولا درى إن الزهــر مـيّت على وجهـي شـحــوب وش بيني وبينك بعـد تسـقيني خـوف(ن) وارتياب لين ارتوى ياسي هموم(ن) من مطر غيم الهروب وصرت أنا صيد(ن) سهل تنهـشـني أنياب الذياب وأنا اللي لي قلب(ن) نقي ولاني ابشخص(ن) لعـوب خـليتني محـتاج حــب اشـحــده لــو مـن كـل بـاب احـسـن عليه بالـوفــا وأنـا اللي اســـتغـفـر وأتـوب يارب أنا مـظــلوم حــيل ودعــوتي ابتســـتجــاب لكـن دعــيتك اســقـني عـذب المـسـامح كوب كوب يا عـلني اروى ارتيـاح من بعــد ظــمـي العــذاب والنور يشـرق بالعـيون اللي زمن عـنها امحجــوب شــــعــر نواف بن يوســف الســعـداني

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[داعي الشوق]

صح لسانك يا نواف

و الحمد لله على السلامه

قصيدة جزله

و أكثر من رائعه

تستحق صدر المكان

لاهنت يا مبدع و صح لسانك مدد

مع خالص تحياتي لك

,,,,,,,,,,,,,,

[عبدالمحسن الرحمه]

صح السانك رائعة كاروعة حضورك الراقي تسلم

[عبدالإله]

صح فكرك

و صح بيانك

ودام حرفك ..

و صح السانك

مع تحيتي لك

[حي الضمير]

صح لسانك مدد شاعرنا
قصيده رائعه
وابدعت يامميز

[عاشقة السحاب]

شــكـيت هـمي لخــالقي إلـين جـــرح الهـم طـــاب
وطــاب لي بنيـان بيـت من الصــبر بانيـه طـــوب

منتهى الروعه
صح نبضك وفكرك

[الطامي]

نواف
صح السانك
رائعة جدا
لاهنت اخي

[منيع]

كل الروعة والابداع
تحياتي لكم

[نواف السعداني]

المشاركة الأصلية كتبت بواسطة الطائر المهاجر

جزله من راس جزل
صح لسانك واعتلى شأنك
ولاهنت
تحيتي واحترامي

صح بدنك وقلبك دكتور عثمان
وهذه شهادة اعتز بها استاذي ..