بقايا حلم،،،

[جهاد الشعلان]

السلام عليكم ورحمة اللَّہ وبركاته

اقدم لكم هذة المتواضعة اتمنى ان تحوز على رضاكم

تعرّض طاري الفرقى على قلب الشقى يختال
وهيّم في متاهات الغرام وفي سباريته

وانا ياقلبي الظامي على المارد قصير حبال
ولْاني بالغ الجمّه وطاف الليل ما امسيته

سريته من غياب الشمس وعيني تسبر الامال
إلين انفجّ لي صبحٍ ياليتي ماتحريته

جثيت (ا)من التعب وألهث وقلبي يعتريه وجال
وقمت استرجع الماضي وقيد العين فكّيته

وشفت بعيني الثملا حمامٍ يسكن الاطلال
نشدته ع مّن (ا)بقلبي يشرّف ذكره وصيته

عن الغالي.. وش علومه.. عساه (ا)بمنزله نزّال
وجاوبني حمام الدار .. وقال امخلّيٍ بيته

شحذت الهمّة (إ)لداره وشفت بعيني الاقفال
وقمت انثر على بابة بقايا حلْمٍ اغديته




جهاد بن عبدالعزيز بن عبدالله الشعلان

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

[جهاد الشعلان]

المشاركة الأصلية كتبت بواسطة الطائر المهاجر

صح لسانك يالقرم
جزل ومتمكن
لاهنت
تحياتي وودي

صح بدنك استاذي

وشهادة اعتز فيها

حياك اللَّہ

[داعي الشوق]

صح لسانك مليون يا بو عبدالعزيز

ابيات جزله في معانيها و مغانيها

و شاعرها جزل
امتعت و ابدعت و دام ابداعك

ولاهنت

[منيع]

جزل ومبدع
شكرا لك
تحياتي

[جهاد الشعلان]

المشاركة الأصلية كتبت بواسطة داعي الشوق

صح لسانك مليون يا بو عبدالعزيز

ابيات جزله في معانيها و مغانيها

و شاعرها جزل
امتعت و ابدعت و دام ابداعك

ولاهنت

ياهلا وغلا بأخوي سعود

صح بدنك وشهادة اعتز بها جعلك سالم

لاندمت شاعرنا المبدع

حياك الله

[جهاد الشعلان]

المشاركة الأصلية كتبت بواسطة منيع

جزل ومبدع
شكرا لك
تحياتي

ياهلا بك اخوي منيع

تشرفت بتواجدك في صفحتي المتواضعه

حياك الله

[عبدالإله]

صح السانك أستمتعت بكل حروفها
لك مني كل الإعجاب والإشادة
تقبل تحيتي لك

[ساهر الليل]

صح لسانك اخوي جهاد

قصيده جميله ورائعه

بروعت حضورك الجميل

لاهنت يا شاعرنا ودام المدد

تقبل تحياتي

[الورداني]

روعة الإبداع وقوة السبك
صح لسانك
ولاهان راسك
تقبل اطيب التحيه