شيــطان شعــري..

[بندر الشاطري]

الســـــــلام عليكم ورحمة الله وبركاته..

الله يسعدلي مسا كل موجود .. ويسعد مسا كل من كان غايب

اخواني الفطاحله اسمحولي بأن انقل لكم بعض الزلازل اللتي يحدثها الشعر عندما

تبتعد نفسي عنه .. ولكن سرعان ماترضخ له نفسي بتأثير العلاقه القويه بينهما ..

هي ابيات قليله ولكن تعتبر ثوره عابره لاعادة المياه لمجاريهاا..

\\
\\\
\\\\\

يامتعب(ن)ضغـط الزنـاد وشارتـك ماهـي بعـيـد=يامجهد(ن)نفسك عليها وهـي فـي حـدود الحمـا
البارحـه يـوم انفلـت شيـطـان شـعـري ياعبـيـد=كنـت احسـب انـه مرتـوي واثـره متعبـه الظمـا
حلـيـم لـكـن لا انتـهـض تـقـول صــدام المجـيـد=فتـرة رمـد فـي نظـرتـه ماوصـلـت حــد العـمـى
والحين مـن بعـد القحـط مالـه دوا غيـر الشديـد=يـخـايـل طـيــور القـصـيـد ولا تسـاوتـلـه رمـــا
الله يجيـب الشـارده فـي حضـرت الـحـر العنـيـد=حتـى تنومـس خاطـره مــن بـعـد مـاهـو احتـمـا
يعـنـي حيـاتـك يالبـطـل والا مـمـاتـك يالشـهـيـد=ماهي سـوات الباشـه اللـي رجعـوه اهـل ضرمـا
واقول من شعر(ن)نهج في خاطره سلم(ن)جديد=الطـيـر مهـمـا يعتـلـي لابــد مــن فـوقــه سـمــا

\\
\\\
\\\\\


وسلامتكم ..

اتمنى ان تكون اتت بما يريده الشعر من الشاعر ..

أخــــوكم\ بندر الشـــاطري

[ماجد الزيد]

يامجهد(ن)نفسك عليها وهي فـي حـدود الحمـا

تسجيل حضور ولي عودة

[مبروك بن ماضي]

صح لسانك
اخي الشاعر / بندر الشاطري

لاهان راسك قصيدة جميله

سلمت وسلم شعرك

دمت بخير

[الخنساء]

صح لسانك اخى الشاعر بندر

لاهان راسك قصيدة رائعة

سلمت وسلم شعرك

دمت بخير

[بارق السيف]

واقول من شعر(ن)نهج في خاطره سلم(ن)جديد
.............................. .......................الطير مهما يعتلـي لابـد مـن فوقـه سمـا

صح لسانك يا ابن العم

أبدعت .. قصيده رائعة ومعبره

تسلم .. لا هنت

بانتظار جديدك وإبداعك

ودي واحترامي

[عذب القوافي]

صح لسانك أخي بندر

سررت بمروري

تقديري,,,,,,

[صوت الإحساس]

قليله لكن مدويه


صح صح صح لسااانك


ولله درك عودة من اوسع ابواب الجمال




صادق الود

الغالي الشاعر :بندر الشاطري


أبيات في غاية الجمال .... قصيدة متكامله

متناغمة ومتباعدة الاطراف

والحين من بعـد القحـط مالـه دوا غيـر الشديـد
يخـايـل طـيـور القـصـيـد ولا تسـاوتـلـه رمـــا
الله يجيـب الشـارده فـي حضـرت الحـر العنيـد
حتـى تنومـس خاطـره مـن بعـد مـاهـو احتـمـا



كفووووو وصح لسانك

[رفيعة الشان]

الطـيـر مهـمـا يعتـلـي لابــد مــن فـوقــه سـمــا


الطير مهما يعتلي لابد من فووووقه ســــــــما

الأخ الشااطري

صح الله لسانك مليـــون

[هندي العتيبي]

بندر الشاطري


تسلم على هاالقصيده الجميله

الله يجيـب الشـارده فـي حضـرت الحـر العنيـد
حتـى تنومـس خاطـره مـن بعـد مـاهـو احتـمـا