الحب في قلبي

[الطائر المهاجر]

الحب في قلبـي تعلت مبانيه= والكره أشيله يوم أشوف الإهانـه
والحقد ما عرفه ولا نيب ادانيه = حتـى ولو حسيت منك اللعانـه
حبيبتي ما ظن جـرحي تداويــه = ما دام حبـك انكشف في اوانـه
ركضك ورا هالوقت تبغي شهاويه = مخـدوعة به ما عرفتـي دفانـه
يا خادعـة قلبـي بدورٍ لعبتيـه = مكشوف لعبك للعقـل والفطانـه
يا خادعة نفسك ترى الحب ما آبيه = صعبٍ عليّ آثـق بحبـك أمانـه
يا ما نصحت بكل راي وتوجيـه =واثـر النصيحة مصـدر للمهانـه
مثلك كثيرٍ انخـدع في هقاويـه =يطرد سرابٍ وانتهى به مكانـه
حبٍ يبي المكسب فلا نيب شاريـه =حب المصالح فـوق رمل كيانـه
يا سرع ما ينهـار باعـلا مبانيه = لـو هو تأخـر ينتهي به زمانـه
شطبت حبك ما آبى أي طاريــه =ومن لا يحسّب خاسر في رهانـه
شوفي حبيبٍ غير بالمكر تشريه =واشوف حبٍ حافــظٍ للأمانـه

[الأموره]

الله ،، الله

صح لسانك ملايين ،،

الف شكر لك يالشاعر ،،

دمت برعاية الخالق ،،

[صعبة المنال]

صح لسااانك

صعووب

[نفحات حساسة]

يعطيك العافيه .. ولا هنت يالشاعر
تحياتى..

[ملكة الشرق]

الله كم هي جميله هذا القصيده
وكم هي راقية الكلمات
وعذبة المعاني
صح الله لسانك شاعرنا القدير
احترامي

[الطامي]

صح السانك
رائعة جدا
ولاهنت

[منيع]

اكثر من رائعه
تسلم ياقيس
تحياتي لكم