راس الافعى ومجلس الأمن

[الطائر المهاجر]

راس الافعى في وشنطن وذيلها في تلّ ابيب = ماخذٍ راحته يلدغ من يشوفه او يمرّه
ومن شكى للراس فعله قال مسكين وحبيب = انت مخطي وانت مجرم وانت من فيه المضرّه
ذيل طيّب ما يهاجم من بعيد ولا قريب = كل من حوله حقود وللبحر ينوي يجرّه
حاكمٍ متحكّمٍ في مجلس الأمن العجيب = لو بغى ينظر بجرم الذيل "بالفيتو" يفرّه
كلش إلا الذيل لايمكن يمسّ بغير طيب = ومن يحاول شاف مالا يمكن بيومٍ يسرّه
لكن المشكل بعضنا قرّب الراس المريب= واثقٍ به رغم علمه ما خفى من كيد شرّه
راس مجرم لو تخبّى خلف إعلامٍ رهيب = صوّره في ثوب منقذ في جميع الكون طرّه
كل همه نهب ثروه وكيف يثأر للصليب= ولا لقى منهو يعدله كود يصحى لو لمرّه
لو تبسّم للشيوخ من الحقد واخذ نصيب = كم لدغ من شيخ قومٍ كان في الماضي يبرّه
حيّة الدولار تطرب والدماء تشخب شخيب= اخطبوط الكون مصاص الدما ببحره وبرّه
اسألوا بغداد تحكي والفلوجه في نحيب = واسألوا الأفغان والصومال كلٍ ذاق مرّه
وناظروها اليوم ترقص تلبس الثوب القشيب= من شِوا اطفال غزّه تحتسي نخب المسرّه
كل هذا الكون ادرك انه الخصم الحريب = إلا من لازال فهمه قاصرٍ واصبح يغرّه
جامد الإحساس صامت ما نطق لو هو خطيب = ولو تحرك حسّ صخره ما تحرك فيه ذرّه
خادرٍ مثل الشياه اللي تراقب زول ذيب= تحسبنه ما يشوف ولا عرف للشاة جرّه
ولو رمى بعض القشور بدربها ماهو غريب= كود تلهى باجترار اللي رمى حتى تثرّه
ولو تقدّم له ضناها وتعتقد انه صحيب= ما يخليها ولو هو داله بفرّه وكرّه
من سلك درب التبطّح مالقى له من مجيب = ومن نطق بالحق كلمه.. فارسٍ لله دّره
كل شمسٍ ما تطوّل تنتهي وقت المغيب = وكل ليلٍ لو يطوّل يعقبه للفجر طرّه

[داعي الشوق]

صح لسانك يالطائر المهاجر

قصيدة رائعة في الوصف و التصوير

و الفكرة

سلمت وصح لسانك

تحيتي و تقديري

،،،،،،،

[عذب القوافي]

صح لسانك أبوعبدالله

والله يكفيني الغرب وفريخه تل أبيب أهل الريب

تقديري لشعورك النبيل

مودتي ,,,,,

[منيع]

هِيَ الأُمُـورُ كَمَـا شَاهَدتُهـا دُوَلٌ= مَـنْ سَـرَّهُ زَمَـن سَاءَتـهُ أَزمَـانُ

شاعر حكيم
لافض فوك
تحياتي

[مبروك بن ماضي]

شاعرنا العلم / د 0عثمان العبدالله
بكل معاني الاعجاب أحيي فيك هذا البوح الصادق ..
والذي ارتقى للمراتب العليا من الإبداع والجزاله
والتعبير بحرفنةٌ شاعرية عن حال الامه ومكر اعداءها
وماتلاقيه من ظلم سافر ولدغات متتاليه من هذة الافعى
حضورك له بصمته الخاصة والمميزه
وشعرك يستحق الوقوف والتأمل...
تقبل قوافل تحياتي واحترامي ،

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع جداااا
من شاعر جزل
لله درك يابو عبدالله
تسلم ويسلم فكرك يالغالي
تحياتي
أخــــوك
س / ص

[مجدي صالح المبارك]

الشاعر الكريم ( الطائر المهاجر ) ابياتك تطفو على الورق وكلماتك تعانق الألق اشكر لك هذا الحس المتألق والشعر المتأنق , تقبل مروري المتواضع ودمت بكل خير.

[محمد عبدالله البدراني]

العزيز الغالي الطائر المهاجر سلمه الله


مليون مليون صح السانك وعلا شانك


ياسلام عليك


قلت واجزلت


الله الله

من سلك درب التبطّح مالقى له مـن مجيـب
ومن نطـق بالحـق كلمـه فـارسٍ لله دّره


عزالله صحيح


بيض الله وجهك يابو عبدالله

ولاهنت



تحيتي

[الـزلـزال]

كل همه نهب ثروه وكيـف يثـأر للصليـب=ولا لقى منهو يعدله كود يصحـى لـو لمـرّه
لو تبسّم للشيوخ من الحقـد واخـذ نصيـب=كم لدغ من شيخ قومٍ كان في الماضي يبـرّه

الطائر المهاجر


قصيده محكمه كالعاده


شاهدنا فيها حقائق موجعه أختلتط بالجزاله والأتقان

حلقت بنا في سماء الحقائق الأليمه

مبدع ومتقن لكل ماتطرحه غالينا

صح لسانك ملايين ملايين

تقبل فائق تحياتي

[رفيعة الشان]

كل شمسٍ ما تطوّل تنتهـي وقـت المغيـب
وكل ليلٍ لـو يطـوّل يعقبـه للفجـر طـرّه


مع الاندفاع الكبير فالقصيدة

تبقى بصمة الحكمة واضحة

قصيدة جزلة وواقعية

صح الله لسانك مليوون

لااهنت