محمد الفيحاني

[الطائر المهاجر]

الشاعر القطري الكبير محمد بن جاسم بن محمد بن عبدالوهاب الفيحاني السبيعي ، من قبيلة الفياحين وهم فرع من فخذ الروبة من الذكور من قبيلة سبيع ، سمي على اسم جده محمد بن عبدالوهاب وعُرف به فلا يذكره أحد بإسم محمد بن جاسم . ولد الشاعر الكبير في بلدة الفويرط على الساحل الشمالي الشرقي لقطر في عام 1907م الوافق 1325 هـ أحب الفيحاني بكل جوارحه وخلجات نفسه إبنة خاله حباً عذرياً صادقاً عفيفاً شريفاً لا تشوبه شائبه ولا تقرب منه أدنى ريبه وكانت إحدى فواضل نساء عصرها حسناً وخلقاً ، وأطلق عليها في شعره أسم مستعار وهو (( مي )) وعاش قصة حب مؤثرة تناقلها الرواة الى يومنا هذا وكان حبه لمي منذ يفاعته وشبابه المبكر وما يدل على ذلك إحدى أبياته الشعريه حين قال :

بليت بحبها طفل فطيمـه =من أول شبتي وأول صبايا

واسمها مي كإسم مستعار :

قصت حبالك من عقب وصلها مي =واستبعدت من عقب ماهي قريبه
ومن المحبه مابقى عندها شي= صارت عقب ذيك الصداقه حريبه
ولاهقيت يعود لي ذلك الفي =هيهات مرجوع القمر عن مغيبه
الا ان تعود عصور شداد ولوي=والا الصبا يرجع لعودٍ وشيبه

وقرر الزواج منها ولكن تقاليد الأسره لم تسمح له بذلك لوجود ابن عم لها خطبها لنفسه ، وله الأولوية عليه حسب العادات والتقاليد يقول في إحدى أشهر قصائده وهي رساله الى مي أسماها:

(أمانتكم لها)

شبعنا من عناهم وارتوينا =وعند رسوم منزلهم بكينا
وعقب فراقهم شـــنّا وحنّا =وحنّــينا وثم انّـا عــــــوينـا

ويشد به العشق والحب والهيام فيقول لمن لا يعرف مابه ولايقدر ماهو فيه من أسى الشوق واللوعه

وهذا الحب بالزفرات يشوي ألا=ياويـــــــلكـم ياعاشـــقينـا
يلين من المحبه كل قاسـي =ولو قلبه حجر يازي طحينا

وقوله

تعالوا وعزوني أخواني من الهوى=بمن قص وصلي يوم زمت زوايمه
تولعت مع مي على الياْ لامها =على حسبة العشرين بالعد قايمه
بلاني هواها واتبلاني وهالني=حالت على جيشي وناير هزايمه
انا منك يامي على الروح خايف=لاوين وأنتي في عذابي مدايمه
سلبتي فؤادي بين الأضلاع وأنقلع=مهيم مع من كان هايم وهايمه

وله :

يا الله يا عاللم خفا كل مضمور =يا من على عرشه إله السما صار
يا خالق الظلمة ويا خالق النور =ويا خالق الجنة ويا خالق النار
يا حي يا باعث جثى كل مقبور =ومعيد للفنا منشر ومحشار

ثم يقول: ايضاً مؤكداً إيمانه العميق بالله وقدره ورسله:

سبحانه المنذر عباده بمأمور =ومن لا يؤاخذ قبل تبليغ وأنذار
أمنت به وبما مع الحمد والشور =وأدو القضا وأمنت بالرسل الأبرار

يا الله يا منزل تبارك وتنزيل =يا حاكم بالخلق يا خير قايل
جامع كتب موسى وداود وإنجيل =عيسى بقرانك وخير الدلايل
يا ناصر موسى ومجزي هل الفيل =ومبيد بالطغيان خلقه الأوايل
سبحان من يجر الأقدار ويزيل =يا من بحكمته السموات شايل
أشهد على أنك مبرم الكوم ومديل =وأشهد على أنك باقي غير زايل
أمنت بك وبكل ما جاب جبريل =وإن كل مخلوق إلى الله أيل

مرض الشاعر الفيحاني مرض شديد وشحب لونه وغامت عيناه وأصبح من يراه ينكره ولا يعرفه من شدة ما أصابه فأحس بقرب نهايته فظهر ذلك واضحاً في قصائده حينما أوصى حافر القبر أن يوسع اللحد ويجعل بينه وبين التراب حاجزاً ، وأن يضع له شواهد ليظهر ويعرف بين الناس أنه قبر من قتله الحب بسبب صدقه وإخلاصه .. وكانت آخر قصائده مذبوح الوديد حيث قال فيها :

وأن من الأبعاد موصي المقبرا =يحفرونه لي وموقـــن بالوعـــــيـد
يالزيمي قـول للـي يحفــــــــرا =يوسع الملحد على شان اللحيد

كانت وفاته في يوم الجمعه 28/12/1357 هـ الموافق 17/1/1939 م ، عن عمر لا يتجاوز اثنين وثلاثين عاماً

[الطائر المهاجر]

ماسمح قلبـي يـروح ولا يـرى = زول محبوبه ولو هو مـن بعيـد
آه واويـــلاه يالـيـتـه درى =.كيف حبه في حشا روحي يزيـد
أو درى إني منه قد حالـي بـرى = ذايب بالي عقـب ماهـو حديـد
ونَ من الأبعاد موحـي المقبـرا = يحفرونه لـي وموقـن بالوعيـد
يالزيمـي قـول للـي يحـفـرا = يوسع الملحـد علشـان اللحيـد
ويحجز بيني ومـا بيـن الثـرى = عـن عظـام ناحـلات كالجريـد
وأنـت يادفـان ياللـي تقـبـرا = يامهيل الترب بالسرعـة مجيـد
حط من فوق القبر حتـى يـرى = بنيتيـن كالنصايـب لـه شهيـد
يعرفون القبر مـن جـا ينظـرا = يعرفونـه قبـر مذبـوح الوديـد
قبر من صـان المـودة وستـرا = قبر من لا خـان عهـدِ للعهيـد
من صبـر للحـب حتـى بتـرا = زرع قلبه وأودعه حـبِ حصيـد
تـم عاميـن بجوفـي ينـسـرا = نسر ملهوف الضواري في المصيد
كود ليمـن جـاه علمـي يذكـرا = وانعتوا قبـري لمعلوقـي وكيـد
ياتي لقبري ويذكـر مـا جـرى = يوم أنا وياه في الدنيـا عضيـد
ويترحـم بالدعـا ليمـن قــرا = يوم خلاَني وسط قبـري وحيـد
وأن سمـح بالدمـع ودي ينثـرا = فوق قبري عبـرة مثـل الوليـد
آه منـه ليـن صــد ودبــرا = رايـح عنـي وخلانـي فـريـد
كيف قلبـه ساعفـه ثـم صبـرا = كيف رجل له مشت فوق الصعيـد
كيف أجـل لـو مـات وأنـا أرا = كان طريت السِلـب طـر العنيـد
وأحترقت وكـان قلبـي قـد ورا = شـب نـار كنهـا نـار الوعيـد
تحتطم وسط الضميـر وتسعـرا = ما يبرَدهـا لـو الثلـج الجميـد
ثـم تلقانـي علـى روس الـذرا = نايـح مـع كـل قمـري يشيـد
لين غرد طـال نوحـي وأطهـرا = وإن هجع جريت أنا نوحي سهيد
وأنهمل وإنهـل دمعـي وأمطـرا = مقلتين العيـن وأدعاهـا هميـد
ماهقا أني عقب موته في الـورى = عايـش الا وأنـا مثلـه فقـيـد

[الطائر المهاجر]

امانتكم لها

شبعنا من عناهم وارتوينا=وعند رسوم منزلهم بكينا
وعقب فراقهم شنا وحنا=وحنينا وثم انا عوينا
وسايمنا وساقمنا وحنت=لنا حتى المنازل والعنينا
ونادينا وقلنا خبروهم=ترانا من محبتهم نعينا
وثرنا من مفارقهم نحلنا=وكان فراقهم طاول فنينا
الى جيتم منازلهم فقولوا= لهم باقوالنا يا راحلينا
ولاتنسون ماقاله محمد=امانتكم لها يا حاملينا
ترانا للذي قالوا سمعنا=وباللي هم بغوا منا رضينا
وكل شروطهم نقدم عليها=قدمنا باللي فنوا علينا
وثرنا من مخالفهم رجعنا=وهونا عقب ماحن عصينا
وثرنا في محبتهم حفرنا=وسيسنا ومن فوقه بنينا
وثرنا في محبتهم ربطنا=ووثقنا وثر فيها عضينا
وثرنا في محبتهم سكرنا=وتيهنا وثرنا مهتدينا
وفيها آه واويلي غرقنا=وهدينا الجدا وبها سنينا
نخينا من يذكر بالمروة=ولاهل الذات والشيمه عزينا
تكلفنا وهم عنا براحه=وذبنا وهم عنا غافلينا
وناموا وارقدوا واحنا سهرنا=عليهم وهم رويوا والتظينا
وهذا الحب بالزفرات يشوي=الا ياويلكم ياعاشقينا
يلين من المحبة كل قاسي=ولو قلبه حجر يازي طحينا
وانا من حر فرقاهم عليهم=تعلمت النياحه والحنينا
أرى راعي الهوى حتى هلكنا=ولولا الحب ما والله لعينا
ولا نحنا ولا صحنا وقلنا=لكم يا اهل الموده خاضعينا
ولا قمنا نسال الوصل منهم=وحنا لا نبالي لي عطينا
برمنا وافتلوا هيهات نقضي=وهم لي من برمنا فاتلينا
اقول ايش لون ياهذي مصيبه=وسواها الهوى ياناس فينا
انا مادري ومن يدري متى هم=لنا عقب التعذب راحمينا
ومن النار لي عذب يسامح=ويخرج من له الأسلام دينا
وحنا في تعذبهم خلدنا=عجب والله وحنا مسلمينا
وراهم ماعفوا والعفو سنه=علام قلوبهم عيت تلينا
افكان نفوسنا زلت وعالت=واخطينا وكنا مذنبينا
فحنا للعفو منهم طلبنا=وفي حد القصاص لهم مشينا
وتبنا من عظيم الذنب تبنا=لوجهك ياغفور التائبينا
حلفنا مانعود بعزة الله=وغلظنا علينا بالف دينا
برب البيت والكعبة وزمزم=اله العرش رافع طور سينا
حشى لله مانخطي عليهم=وان عدنا فانا ظالمينا
وان نكذب فان الله ربي=يقول اني لعنت الكاذبينا
ومن يمكر ورب البيت ضامن=ومكره فوق مكر الماكرينا
الهي اسالك ترحم محمد=بجاه المصطفى والتابعينا
اسالك بالزبور ومن نزل له=وبالقران وايات تلينا
بتوراة على مسوى سالنا=وبانجيل على عيسى دعينا
تلامي ماتفرق شملنا=وتجعلهم علينا راجعينا
على ان عودوا ستين ليله=اصوم ايامها نذر يمينا
وكان استبعدوا عنا وقفوا=وعافوا قربنا لما دنينا
ترانا مانقاطع في وصلهم=نواصلهم ولو هم قاطعينا
نصافيهم على طول الليالي=ولو ماهم غدا كدر وطينا
ولا والله ننسى لو نسونا=على طول الليالي والسنينا
ولو قلنا بننساهم كذبنا=وقل الصدق منا وافترينا
قطعك الله ياروق تغنى=تذكرنا ! على بالك نسينا
فلو ابطت بنا الدنيا وطالت=حشى لله ماعنهم سلينا
ولا فيهم نلين لقول عاذل=ولانسمع ملام اللائمينا
ولو هم بالموده بدلونا=فلا حن عقبهم متبدلينا
عساهم في الرخا لو عذبونا=نراهم في النعيم مخلدينا
طووا عنا كتاب الوصل وحنا=بيبطي عن وصلهم ماطوينا

[الطائر المهاجر]

عمّن ترحّل سالي الدار ياعين = استعلميها وانشدي ياحزينه
قولي هلك يادار منك غدوا وين = من بك وقف ينشدك ماتخبرينه
هل نرتجيهم هم على الأرض حيين = لوهم مع من في المقابر دفينه
قالت حشا ماهم تحت الأرض فانين = أمس الضحى عني غدوا بالظعينه
مدوا على شبه القنا والعراجين = هجنٍ جليلات المرافق متينه
يومك تراهم يامحمد مقفين = عنّك ولا ماعشرتك زاهدينه
راحوا وهم ياولد جاسم معيفين = ما أظنهم لك بالوصال منتوينه
حيث إنهم منك حماسى وزعلين = نيّاتهم راحت وهي مستشينه
قلت إسكتي من ذا الخبر بس تكفين = يادار نقضتي جروحٍ دفينه
هذا الخبر ياعين هلّي نظيرين = بالك لدمعك عقبهم تذخرينه
إبكي على لاماه حتى تذوبين = يمكن تروف قلوبهم يافطينه

[عبدالرحمن الصباح]

مشكور يابوعبدالله ماقصرت بيض الله وجهك والله يرحم الشاعر ويغفرله

[الطائر المهاجر]

أي المنازل على جور الزمان وهلـي=وأيا خليل على عسر الدهور وهلـي
اقضيت عمري عليه أفكر وراح وهلي= ما ريت دار ولا خـل لقلبـي عـزا
ظليت في فكرتي محزون زايد عـزا=وعذرت الابعاد لمن شفت عني عـزا
=أقرب قريبي وخانوا بالمـودة هلـي

ــــــــــــــــــــــــــــــ ــــــــــــــــــــــــــــــ ــــــ

ببحور الأحباب بلدي بالوفا ما نقل=والقلب عنهم من الزلات يا ما نقل
ولا سمع في قفاهم قول حاكي نقل=ما شوف للزين في كل النواحي محل
حتى نشد النضا ونزور ذاك المحل=لا شك أرى كل ما حليت بأرض محل
=وان قلت جرحي برا من داه ند ونقل

ــــــــــــــــــــــــــــــ ــــــــــــــــــــــــــــــ ــــــــــــــ

ما يستريح المولع من صروف النوى=ولا يطيق التسلي لـو بغـاه ونـوى
يزرع تماني زروعه بالمنى ما نـوى=من درب رشده مضيع تيـه ساعـة
قوم انتبه يالمسودن قامـت الساعـة=لا تحسب إن الملا عنك اغفلو ساعة
=إن كان تاكل تمر غيرك يحسب النوى

ــــــــــــــــــــــــــــــ ــــــــــــــــــــــــــــــ ــــــــــــــــ

من زود حبك حبيبي شوف حالي نحل=ومن المفارق وبعدك عضد صبري نحل
يا زين من وصلك اللي لو عطيت ونحل=هم الذي في ضميري من غرامك ورى
واصير الأول عقب ماني بعاجز ورا=يا متلفي مير في هذا الهوى ما ورى
=لا والذي نزّل الفرقان ويا النحل

ــــــــــــــــــــــــــــــ ــــــــــــــــــــــــــــــ ــــــــــــــــ

يا من علينـا علامـات العـداوة شهـر=واستل سيفه لقتلـي وانتضـاه وشهـر
عنك الضحى طير شلوى بالمراجل شهر=يالبوم ياللي بعرض الطايلـه مـا نهـم
زمرور حطيت نفسك في مواقف نهـم=احنا الـذي لـو نوينـا بالعـداوة نهـم
=واليوم من حربنا عند المعـادي شهـر

ــــــــــــــــــــــــــــــ ــــــــــــــــــــــــــــــ ـــــــــــــــــــ

يا من فؤاده من الليعات خال سال=عن ما جرى لي من أحداث الليالي سال
جسم سقيم وجفن بالمدامع سال=وتشوف من ليعة الخلان ما هالك
زعقب المودة ترى حتى وصل مالك=وتزور نيران خازن بابها مالك
=من هجر خل دهر سيف القطيعة سـال

[ابراهيم عبدالحميد]

جزيل الشكر سيدى للمجهود الرائع الراقى
دمت و سلمت و غنمت

[شعيل الزلامي]

مشكور ياابو عبدالله
على هذا القصه والتعريف
بهذا العلم والكم الهايل
من الشعر الجميل

[زهرة اللوتس]

الطائر المهاجر
مجهودات تشكر
عليها
تسلم ايدك
تحية طيبة

زهرة

[صعبة المنال]

يعطيك العااافية

لا بد من عودة للقمم
صعوووووووب