قول كيسنجر نحارب الإسلام بالإسلام

[الطائر المهاجر]

قول كيسنجر كشف كل البنود = "نحارب الإسلام بإسلامٍ" جديد
يخدم امريكا على مر العهود = وتضمن الثروات للوقت البعيد
خطة استعمار من خلف الحدود = ابتدت بارض العرب تحصد حصيد
اوكلت تنفيذها لبعض الجنود = من عمالاتٍ من الفكر البليد
من حصاني لبستهم كالأسود= تفتفت بالدين تخدع من تريد
ودعمتهم بالسلاح وبالنقود = والحمايه في تصاريح ووعيد
وايقظوا بالتفتفه بعض الرقود= وسيروهم كالبهايم والعبيد
بين جايع مالقى لقمه تفود = وبين مجرم كل همه ما يفيد
وبين زاهد يبتغي دار الخلود= مادرى بالمكر والفكر المكيد
والنتيجة للعيان وللشهود= دم اسلامي وذبحٍ بالوريد
مسلم يقتل اخاه ابلا قيود = والحصاني توقد النار وتزيد
وتختبي لاشافت الجد بعضود= من سفاراتٍ عميله ما تحيد
ساعدت باعلامها حقد الحقود= تقلب الصوره وتخدم للضديد
تحسب العادي يوفي بالعهود= مادرت به يحرق انصار وعضيد
لا خلص منهم يخليهم وقود= فالورق يحرق اذا ماهو مفيد
لغير ربي ما عرفنا للسجود= ومن سجد للخلق يبشر بالوعيد
ومن يخادع بالتدين بالوجود= منافقٍ افّاك خسران الرصيد
ومن يخون الدار للعادي اللدود=لو مكر بالدين مكر الله شديد
ديننا ماهوب دينٍ لليهود= يصرفه حاخام او راهب زهيد
مايبي له من قياده او مقود= ولا وساطه بين رب او عبيد
لا متى والجهل ف الأمه يسود= تنخدع باللي منافق لو بليد
كل متأسلم ولو شفته ودود= خائنٍ للغرب عنهم ما يحيد

[داعي الشوق]

صح لسانك و طاب حالك يا بو عبدالله

كل شي صار خادع و مخدوع بهالوقت الله يرحم الله

و صح فكرك و لاهنت

[نجم الإبداع]

صح لسانك يادكتور

والله له الامر من قبل ومن بعد

تقديري

[عبدالله السويلم]

صح لسانك يادكتور

الله يصلح الحال


تحياتي وتقديري

[منيع]

احسنت والامر جدا خطيروللاسف المغفلين كثر والهمج الرعاع عد وقلط
تحياتي لكم

[ساهر الليل]

صح لسانك يابو عبد الله

والله يعين على كل حال

تقبل تحياتي

[احمد الكثيري]

اولاً / كل عام وانتم بافل خير
ثانياً / شكرا لك على هذا النص الجميل والرائع
لقد ابدعت وكان الابداع عنوانك يا ابا عبدالله
لك تقديري

[الطائر المهاجر]

شكراً داعي
على كريم الحضور
لاهنت
تحياتي

[سعيد عوده الحويطي]

الله الله يدكتور عثمان ابدعت وبينت القضيه باسلوب راقي لايتقنه الا المبدعون تقبل تحياتي

[الطامي]

الطائر
صح السانك ملايين
ابداع هادف وتحليل مميز
شكرا لك