سلام الله سلام الله وجاك اللعب يالغالي

سلام الله سلام الله وجاك اللعب يالغالي=نبي طاروق خَفَّاِفي يشيل الهم ويذيبه
إذا ناسب نبا نواصل على يا ليل يا لالي=عميلي إن كان مو جامد ترى يا ناس بسريبه

[الطائر المهاجر]

هلا بك ياهلا باللي يغيب ورد من تالي = ولا يدري عن الحاصل بشعر من تعاجيبه
خذا وسام التميز وانت غايب دون تسآلي= وهو مفروض ماياخذ لشاعر طول الغيبه

المشاركة الأصلية كتبت بواسطة المشرف العام

هلا بك ياهلا باللي يغيب ورد من تالي = ولا يدري عن الحاصل بشعر من تعاجيبه
خذا وسام التميز وانت غايب دون تسآلي= وهو مفروض ماياخذ لشاعر طول الغيبه

المشرف الغالي
أشكر لك صنعك والحقيقة في من هو أكفأ مني
ولكن هذا كرم منكم تعودناه في هذا المنتدى الشامخ
لا يسعني حياله إلا أن أكرر شكري لحضرتكم ونوابكم والمشرفين

استلم

يدوم ابك البقا يالشيخ ياعمي وياخالي=ولكن ظرفنا قاسي وعذر ٍ لك بنجيبه
تميزنا بفضل الله رب الكون والوالي=ثم بفضل من يسأل بلا شك ٍ ولا ريبه

[الطائر المهاجر]

ترى ميزاننا واحد بعدل الله مامالي= نقدر من فرض نفسه ونعلي في مراتيبه
نحاول قد ما نقدر ولو شلنا للاحمالي= نبي قصر الفطاحل موطن الاخوان عن طيبه

المشاركة الأصلية كتبت بواسطة المشرف العام

ترى ميزاننا واحد بعدل الله مامالي= نقدر من فرض نفسه ونعلي في مراتيبه
نحاول قد ما نقدر ولو شلنا للاحمالي= نبي قصر الفطاحل موطن الاخوان عن طيبه

أنا أشهد كل ماقلته صحيح . تروم للعالي=وكلن ينشد النايف ولكن منهو يجيبه
وترى القرناس له فالنايفه عش ٍ ومنزالي=ولك يا صاحبي فالقلب منزل تو بانيبه

[الطائر المهاجر]

وش اللي غيبك عنا ولك تقدير واجلالي= ضربت البحر ولا البر والا الجو مع عيبه
معك شوزنك يالصياد او مربوط بحبالي= ولاتقدر على موج تعلا في مناسيبه

المشاركة الأصلية كتبت بواسطة المشرف العام

وش اللي غيبك عنا ولك تقدير واجلالي= ضربت البحر ولا البر والا الجو مع عيبه
معك شوزنك يالصياد او مربوط بحبالي= ولاتقدر على موج تعلا في مناسيبه

لا والله كنت في ديرة بها أبو رمش وأكحالي=وقد ٍ من صفا لونه تشوف الماي يجريبه
جديله ياصل أردافه وخصره دوم ميالي=وصدره لعنبو صدره ذبح صاحبك تركيبه

[الطائر المهاجر]

اخافك رايح للهند مثل عودٍ تهيالي = لقى صوره على غرشه وخرب كل ترتيبه
ويومه شافها واثر الحمامه صارت كحالي= نكس مفجوع مايدري وطار اللي حوى جيبه

المشاركة الأصلية كتبت بواسطة المشرف العام

اخافك رايح للهند مثل عودٍ تهيالي = لقى صوره على غرشه وخرب كل ترتيبه
ويومه شافها واثر الحمامه صارت كحالي= نكس مفجوع مايدري وطار اللي حوى جيبه

تبى تخاوي فيا مرحب بدون جنان وهبالي=تراها ديرة ٍ للي معاكيف ٍ أشانيبه
بها المزيون ما ترحم عيونه كل رجالي=أسرني يا فدا عينه برمش ٍ طوله امصيبه

[الطائر المهاجر]

وعليهم عمة سودا وحمرا في بعض حالي= شواربهم إلى الآذان لكن مالهم هيبه
يهز الراس ما يحكي بجسم كبر البغالي= ولكن عندهم صيدٍ جديله شبه تركيبه
تلاقي زين غزلانه الى من رحت لشمالي= بكشمير وما جاور جباله مع مساهيبه