لقيت في دربي مع رديات من الزملاء

[الطائر المهاجر]

لقيت في دربي من الزين شلقه= وبديت اناظر في جمال البنيات
قالن وش تدور تبي كم علقه = وإلا تأدب تترك اللي ستيرات
قلت استحن فعقولكن دوم غلقه= تحررن حنا بعصر الحضارات
لفن علي وبينهن تقل طلقه = لكن تبين هرش جسم وعضلات
يومن نصاني واتتغص بحلقه=بكفخه وحيده ضعت بين المسارات
وليتي سلمت وما حصل غير فلقه= لقيت فكي انطلق ماله اوقات
وآسلق من الهيئة على الكيف سلقه= تزيد علاتي مع الوقت علات

[الطائر المهاجر]

ياشيخ خاف الله هذيك خفقه=وش لك من العشاق واهل المتاهات
ياخوي انا خابرك مافيك خقه= دايم تناظر للعلوم الرفيعات
لاتنزل الشارع وخلك بشقه = وان جوك فاضربهم وتبشر بفزعات
نوقف معك ونقول ناوين سرقه = ونقول ذا مضلوم وابلوه بالذات
اما في الشارع فلو جاك شرقه= ماحد بيفزع لك بمويه ولفات
والله لتغدي مثل من ضاع حقه = والناس بتقول ان ذولي عفيفات
خذها نصيحه لاتقول انت صفقه= والله اني ابغي الخير لك والمسرات

فلاح بن منشار

[الطائر المهاجر]

فلاح ترى عثمان لوشق حلقه=وصيح بوسط السوق عقله سلامات
ضاعت اعلومه وصارت اليوم بلقه=ماهوعلىخبرك كثير الصلوات
اليوم لوتعطيه مليون علقه=مسبهن تايه وحكيه خرافات
دكتورمافش الرعابيب خلقه=شف له من السكراب بعض الونيتات
خله يعربدبه ولاهوبيلقه=مثل العرواي لوفطس سبع فطسات
هذاك شفه لوزلق فيه زلقه=طرقي ويقطع به كثير المسافات

منيع

[الطائر المهاجر]

وش بك منيع اليوم تسلب بحقه = حق اللذي يكتب له اليوم ابيات
من موقف ٍ سوا على القلب شقه = شق ٍ تسرب منه بعض المعانات
ون كان ابن منشار يشره برقه = علم الدواني مايجي منك موفات
فأنت الله العالم تبي اليوم طقه = ونا اعرفه عثمان ماينطح الشات
خله منيع يباري اليوم شفقه = على الغزايل زينه ٍ فاق غنجات
والعذر معهن شافن الزين خقه = شاعر وما له بالشعر زلّ هوات

نسناس الهوى

[الطائر المهاجر]

نسناس ماودك على الخد طرقه=يغدن سنونك مثل بعض الحصايات
من وسطك من بيننا فيك نهقه=ارجع وراك وخل عنك المراوات
انا مع عثمان نهبط ونرقه=وترى المخبط له معي سبع كيات
خلك بعيد وشرب مروقك بشرقه=ماني على مثلك كثير الحسافات
تراك في صفي مثل طفل هقه=مصاصته عندي وبعض الحلوات
وعثمان ماجاه الابعض حقه=رضيت ولادوك سبع السموات

منيع

[الطائر المهاجر]

بسم الله اللي عارف ٍ كل دقه = حتى دبيب النمل بالليل موفات
لامن لفاك منيع لقفاك لقـــه = خلك من اللي ينهش الذيب مردات
فقت شفاكم عن ثلاثين فقه = مايسوى فقك له ولو جاك معدات
قله ليامن قال خلوه حقه = حقك ترا ماجاك ون جاك هبات
وعجاجنا يامنيع بالحيل سقه = لا ينتثر بعجاج ماله مسافات
هذا الهواش اللي يريده لطرقه = ويستاهل اللي راد ذاليوم هوشات

نسناس الهوى

[صعبة المنال]

جزلة

سلمت وصح لسانك

صعووب

[نفحات حساسة]

تسلم على قصيدتك
وصح الله لسانك
ابيات متكامله..لاهنت
تحياتى..

[الطائر المهاجر]

شكرا لكل من مر هنا
وهذه من القصائد التي انحذفت مع التنقل من مستضيف لآخر
ولم اجد الا ردود بعض الزملاء محتفظ بها مع المسوده

[الطامي]

هههههههه
الت ليت الشباب يعود يوما
هذا ينطبق على الجميع
ذكرني بهالبيت الشعري ابيات الدكتور والبنيات
ههههههههه
صح السانك ولاهنت