غارت الخيل الاصايل مع بدايات المغيب

[ماجد الزيد]

ياقلم جاوب على صوت(ن) بعيدن لـه نحيـب=وانت كلك فدوت(ن) له وفي يدينـه كالزمـام
حي من صوته ينادي مـن بعيـد(ن) للقريـب=دامِ صوته وسط جوفـي يبشـر انـه مايظـام
ياقصايد وكفخي من مدرج(ن) خطّطـه شيـب=احملي اذكى القنابـل لزمـت الغـارة لـزام
اقصفي كل المواقع واقصفـي كلمـا يريـب=الكدي الباس بقدمكي وارخي للعنـف اللجـام
العدو من كنت احسبه عـام الآول كالصحيـب=بيّنت فيـه الخوافـي وطيّـر الرّيـح الخيـام
لو برزّلي في قتال(ن) ضربتي ملهـا طبيـب=اجعلـه متضـرج(ن) بدمـاه للبيـداء طعـام
كيف لا وانـا الـذي ماقيـل نيشانـي يخيـب=يرمي نيشاني الهدف ولوهو في عتـم الظـلام
حي مصهال الفرس لاطارت وغـز السبيـب=كنّهـا وقـت اللقـا قصايـدي بيـن الانــام
عبيت(ن)1 عربا وابوها حصانن مسلسل عريب=مهرتـن مرباطهـا مـن مخلديـات2 العمـام
هـذا انـا عسافهـا واهديتهـا بكيفـي لذيـب=لاعوى ثم امتطاهـا شقـق صفـوف الزحـام
المهلهل جنـب قلبـي يعـوي ويقنـب قنيـب=يقنب اقنيب الضواري ويعوي من فرقا الهمـام
غارت الخيل الاصايل مـع بدايـات المغيـب=ويل من تصبح بساحه وقايد الجيـش السقـام
السحب ترمي رماح(ن) والورق ساح وكتيـب=وقايد الحرب الدماغ وفكـره يقـص العظـام
كبدي ماهي بـارده والقلـب مـاوالله يطيـب=ومن سئلني كيف حالك قلت لـه مانـي تمـام
لكن الهقوة بقصايد لارمـت كبـد(ن) تصيـب=وتفزع اليا صاح قلبي وجردت يـدي الحسـام
ياقصايد هاك رمحي اللي مضرابـه عطيـب=اصعقيبه مثـل برقـن لاتدلـى مـن الغمـام
ماني ماجد بن حمـد ولانـي ذيبـن للكتيـب=انما خليت العـدو متزلـزل(ن) قلبـه حطـام
هو يحسب ان المبادي لعبت(ن) بيـد اللعيـب=او هو يحسبها سوالـف مثلهـا مثـل الكـلام
جل ربي وعـز شانـه ياهـب بليـا حسيـب=ولا لوهي بكيفهـم ماحيـروا ربعـي النعـام
المهلب ماحسـب لابـن الفجـاءه او شبيـب=ولوهم اشرف من عدوي لكـن التشبيـه قـام
الخـوارج يحسبـون انّـا خـوارج يالحبيـب=نسيـوا ان الديـن تـم وكلنـا راعـي عـلام
عيرونـا بالكبيـرة ولاحـدن منهـم مصيـب=كنّا حنّا مـن الـولاه وهـم عصاتـن للامـام
مانسينـا يالوجيـه السـود ماضينـا الرهيـب=يوم شيدنا مبانـي العـز وانتـم فـي ركـام
جايز يطـول الظـلام ولكـن العقـل اللبيـب=يعلم ان الله حي والشـرع لـه يومـن يقـام
القصايد واضحة والمعنى في صـدري يغيـب=لكن اللي يشوف شوفي يشوفها باعلى السنام؟؟
ماجد بن حمد الزيد الخالدي=1427هــــ

[الطائر المهاجر]

هلا ومرحبا بك أخي الكريم/ ماجد
في محلك وبين اخوانك وربعك
مصافحة جزلة من راس جزل وشاعر متمكن
صح لسانك
ولا هان راسك
قصيدتك الأولى تم نقلها للمنقولات لأنها مخالفة لتعليمات الموقع
الذي يمنع الهجاء المباشر وغير المباشر ، فأرجو حسن التفهم
كما أرجو التكرم بتزويدنا ببعض روابط قصائدك المنشورة في
مواقع اخرى حفاظا على حقك وحقوق الآخرين
ارحب يالغالي
مع أطيب تحياتي

[الخنساء]

صح لسانك اخي الشاعر ماجد

لاهان راسك قصيدة رااائعة

سلمت وسلم شعرك

دمت بخير

[سناعيس]

الأخ الشاعر ماجد الزيد
ياهلا والله ومرحبا
صح لسانك
قصيدة ومصافحة جزله من شاعر متمكن
بس ياليتها لم تكن هجائيه لأن الهجاء ممنوع في هذا المنتدى بكافة أشكاله وأنت خير من يقدر لأسباب كثيره
وآمل أن تمتعنا بقصائدك الغير هجائيه لأنني أحس بأنك مبدع في كل أنواع الشعر فأرجو أن لاتحرمنا
الله لايهينك ويبيض وجهك


تحياتي

[ماجد الزيد]

اخي الفاضل د عثمان العبدالله صح بدنك تشرفت بمرورك طال عمرك اما بالنسبة للقصيدة المنقولة انا يا اخي لم احد شخص بعينه والقصيدة مبطنه , اما بالنسبة لسؤالك عن روابط لقصائدي انا انشر في منتديات الخلود وفي منتدى بني خالد الرسمي وفي منتديات العجمان وفي منتديات الرياض وبوابة العرب بدأت الان بوضع ديوان لي فيها , اذا كان هذا ما تسئل عنه بالروابط
والف شكر لك مره اخرى

[الطائر المهاجر]

هلا بك اخي الفاضل
ومشكور على حسن تفهمك
وحنا ما وضعنا تعليمات وضع الهجاء ‘ إلا لإدراكنا انه سيكون عامل تفرقة
ونحن حريصون على بناء منتدى اخوي تقوم العلاقة فيه على المحبة في الله
وتجاوز الأمور الشخصية او القبلية . والقصيدة المعنية ليست الأولى وقد لاتكون
الأخيرة ، وطالما انها نشرت في المواقع التي ذكرت فقد وصلت لمن وجهت له
وهذا هو المطلوب.
حياك ربك بين اخوانك وربعك الذين اجتمعوا للإفادة والإستفادة من بعضهم
ليس في الشعر فقط ولكن في شتى المجالات .
تحياتي الطيبة

[ماجد الزيد]

اخوي عثمان العبدالله يسعدني وجودك وانا متفهم اخي وتامر طال عمرك وانا نزلت قصيدة جديدة وهي بعنوان تتبعني البلاوي وهي على طلبك طال عمرك والله ماكنت ناوي انزلها الان لاني ماودي اكون مكثر وودي يكون بين القصائد مدة زمنية لدفع الملل لكن بحكم اني جديد على المنتدى الطيب تحمست شوي فاعذرني على العجلة

[الطائر المهاجر]

لا بأس بذلك ولعل المشرفين يلاحظون توجيهي عليها
فهم في العادة يطبقون التعليمات ، فلا بد من 3 ايام
بين كل قصيدتين ، حتى لايحرق بعضها البعض ويحصل
كلا منها على كفايته من الردود.

[ابومياس]

ماجد حمد الزيد انت شخص راقي باخلاقك
ومتفهم ومدرك للامور 0 لذلك احييك من كل قلبي0

وبالنسبة للقصيدة فلا شك بانها رائعة

وانا سعيد بان حطت بي الرحال هنا

لاستزيد من العذوبة وجمال الاسلوب

وحياك اخوي بين اخوانك وخواتك في منتداك

ونتطلع لما يفيض به نهرك الجاري

صح لسانك مدد بلا عدد

دمت بخير

المشاركة الأصلية كتبت بواسطة ماجد حمد الزيد

ياقلم جاوب على صوت(ن) بعيدن لـه نحيـب=وانت كلك فدوت(ن) له وفي يدينـه كالزمـام
حي من صوته ينادي مـن بعيـد(ن) للقريـب=دامِ صوته وسط جوفـي يبشـر انـه مايظـام
ياقصايد وكفخي من مدرج(ن) خطّطـه شيـب=احملي اذكى القنابـل لزمـت الغـارة لـزام
اقصفي كل المواقع واقصفـي كلمـا يريـب=الكدي الباس بقدمكي وارخي للعنـف اللجـام
العدو من كنت احسبه عـام الآول كالصحيـب=بيّنت فيـه الخوافـي وطيّـر الرّيـح الخيـام
لو برزّلي في قتال(ن) ضربتي ملهـا طبيـب=اجعلـه متضـرج(ن) بدمـاه للبيـداء طعـام
كيف لا وانـا الـذي ماقيـل نيشانـي يخيـب=يرمي نيشاني الهدف ولوهو في عتـم الظـلام
حي مصهال الفرس لاطارت وغـز السبيـب=كنّهـا وقـت اللقـا قصايـدي بيـن الانــام
عبيت(ن)1 عربا وابوها حصانن مسلسل عريب=مهرتـن مرباطهـا مـن مخلديـات2 العمـام
هـذا انـا عسافهـا واهديتهـا بكيفـي لذيـب=لاعوى ثم امتطاهـا شقـق صفـوف الزحـام
المهلهل جنـب قلبـي يعـوي ويقنـب قنيـب=يقنب اقنيب الضواري ويعوي من فرقا الهمـام
غارت الخيل الاصايل مـع بدايـات المغيـب=ويل من تصبح بساحه وقايد الجيـش السقـام
السحب ترمي رماح(ن) والورق ساح وكتيـب=وقايد الحرب الدماغ وفكـره يقـص العظـام
كبدي ماهي بـارده والقلـب مـاوالله يطيـب=ومن سئلني كيف حالك قلت لـه مانـي تمـام
لكن الهقوة بقصايد لارمـت كبـد(ن) تصيـب=وتفزع اليا صاح قلبي وجردت يـدي الحسـام
ياقصايد هاك رمحي اللي مضرابـه عطيـب=اصعقيبه مثـل برقـن لاتدلـى مـن الغمـام
ماني ماجد بن حمـد ولانـي ذيبـن للكتيـب=انما خليت العـدو متزلـزل(ن) قلبـه حطـام
هو يحسب ان المبادي لعبت(ن) بيـد اللعيـب=او هو يحسبها سوالـف مثلهـا مثـل الكـلام
جل ربي وعـز شانـه ياهـب بليـا حسيـب=ولا لوهي بكيفهـم ماحيـروا ربعـي النعـام
المهلب ماحسـب لابـن الفجـاءه او شبيـب=ولوهم اشرف من عدوي لكـن التشبيـه قـام
الخـوارج يحسبـون انّـا خـوارج يالحبيـب=نسيـوا ان الديـن تـم وكلنـا راعـي عـلام
عيرونـا بالكبيـرة ولاحـدن منهـم مصيـب=كنّا حنّا مـن الـولاه وهـم عصاتـن للامـام
مانسينـا يالوجيـه السـود ماضينـا الرهيـب=يوم شيدنا مبانـي العـز وانتـم فـي ركـام
جايز يطـول الظـلام ولكـن العقـل اللبيـب=يعلم ان الله حي والشـرع لـه يومـن يقـام
القصايد واضحة والمعنى في صـدري يغيـب=لكن اللي يشوف شوفي يشوفها باعلى السنام؟؟
ماجد بن حمد الزيد الخالدي=1427هــــ

صح لسانك وعلى شانك
اريد اقتباس بيت او بيتين من اجمل بيوت هذه الفاخره
فلم استطع استبعاد اي بيت فـ اقتبست القصيده كامله
لكونها دره نادره
لك كل ودي
سراب الراحل