* يا زمـــــــان % الـعــجـــــايب !! *

[محمد العسكر]

دنياك لو ضاقت عليك وتكدرت
ــــــــ إصبر عسى صبرك يزيل المصايب

وان شانت ظروف الزمان وتحيرّت
ـــــــــ مانته لحالك في زمان العجايب !!

انجح وسيله للزمن لو تبصرت
ــــــــــ تقنع بما قدر كريم الوهااااايب
.
.
.
.
.

دنياك لو ضاقت عليك وتكدرّت = إصبر عسى صبرك يزيل المصايب
وان شانت ظروف الزمان وتحيـّرت = مانته لحالك في زمان العجايب !!
انجح وسيله للزمن لو تبصرت = تقنع بما قـدّر كريم الوهايب
ولو جاك ما جالك من الهم وإنهرت = ترى همومك والمعاصي نسايب !!
ماراح مايرجع لو انك تحســــرت = وقت الشباب ايروح وتعود شايب
تمضي ليالي وقتنا ما تذكرت = والعقل كنـّه بعض الاحيان غايب
وتبقى على حال الجهل ما تغيرت = والعمر يمشي مثل مشي الركايب
كم درس مـــرّك للاسف ما تأثرت = لو شفت في عينك كثير النوايب
وان طال وقتك في زمانك وعِـمّرت = توفيق من ربك امدير الهبايب
اغنم سنينك بالعمل لا تاخرت = وابعد عن دروب الردى والمعايب !!
وان كنت باعراض المخاليق تاجرت = ذنبك كبير وفعلك اليوم خايب
وان شفت نفسك ثم رحت وتكبرت = تـنـبذ من اقصى الخلق وايضا القرايب
لا تعتقد انك بكبرك تطورت = الذنب يمحى لارجع منه تايب
يمكن يكون اللي بعينك تحاقرت = شهم ٍ وطيبه ما تجيه الشوايب
ولو نفرض انك لاخر الكون سافرت = خلك سفير لطيب الاخلاق نايب
تلقى احترامك بالبشر وين ما سرت = دايم وذكرك يابن الاجواد طايب
وان جيت تقضي لازمك ثم قررت = احذر من عيون الحسد والزلايب
ياكثر ناس ٍ عايشه مالها كرت = بفجوجها ضايع وتايه وسايب !!
قلت الصحيح وصادق القول ما درت = بابيات مافيها غموض وغرايب
ودنياك هذي فانيه لو تدبرت = لابد ما توضع عليك النصايب

شعر / محمد العسكر
واعذب الود لقلوبكم

[عبدالمجيدالعنزي]

الله الله الله

عليك يامحمد من اول حرف لاخر حرف


قرأتك بتمعن انت كلك حكم



بيض الله وجهك ولاقصرت على الرساله الساميه


تحياتي لسموك الراقي

[داعي الشوق]

و صح لساآآنك

يالشاعر الرائع

محمد العسكر

[وليدالبسطي]

الشامخ


محمد العسكر


صح لسانك على هذا الابداع


تحياتي وتقديري


اخوك

وليدالبسطي

[الطامي]

العسكر
صح السانك وبنانك ملايين
جزلة من جزل عملاق
لاهنت اخي

[عذب القوافي]

صح لسانك

أبوعبدالله

وافية من وافي

لله درك يالغالي ,,,,,,,

[نجم الإبداع]

الله الله

صح لسانك يامحمد

مصافحه وافيه من شاعر متمكن

وجزل


لاهنت

تقبل مروري

وتقديري

[منيع]

حكمة وابداع وتميز
بارك الله فيكم
تحياتي لكم

[الـزلـزال]

انجـح وسيلـه للـزمـن لــو تبـصـرت=تقـنـع بـمــا قـــدّر كـريــم الـوهـايـب
ولو جاك ما جالك من الهـم وإنهـرت=ترى همومـك والمعاصـي نسايـب !!

محمد العسكر
بوح في قمة الجمال
من شاعر رائع ومميز ومبدع
أبدعت شاعرنا في توجيهاتك المتقنه
صح لسانك ملايين ملايين
ولك فائق تحياتي وتقديري

[الطائر المهاجر]

تميز في الإبداع
وجزاله من راس جزل
سلمت وصح لسانك
ولاهنت
تحيتي واحترامي