سوالف عاشق وليل

[شاكـر محمـد]

سوالف عاشق وليل ومسافة كايده بالحيل=سوالف حلم وآماني وبرد وحظن دفّايه
خواطر تنكتب بالدمع في كشكول للتجميل=ذرفها القلب قبل الموق ما يذرف بها مايه
وفا للي امتلك عرش الفواد وكمّل التشكيل=قيادات وجنود وعسكر يسووا له حمايه
جيوشه رائع *اخلاق ومواقف ماتبي تحليل= وصل لا ناصية قلبه رقاها وأركز الرايه
يدللها بفن وذوق لو *يفرط في التدليل = يقول اكبر دلال الكون فيها ماهو اكفايه
يسميها (غلا روحي) وبعض أحيان ب(الإكليل)=يناديها *بياسلطانتي *يا غاية منايه
لها قلبه ولو تطلبه روحه ما لقته بخيل =يحسسها انها فعلا حياته وأنها آيه
وتستاهل وتستاهل وتستاهل تراها قليل=عطت له حب بانواره يدل ويرشد التايه
تسولف كل قطرة دم فيها عنه بالتفصيل=جسدها كله يسولف عنه ويألف روايه
تنام وروحها تسرح معه في عالم التخييل=تعيش بعالمه وبكل نومه تحكي حكايه
وانا ما شدني للسالفة الا سطر في منديل=تبيني انساك كيف انساك وانتي منتهى الغايه
وضحكه خافته فيها أمل كنه ضوى قنديل=كأنها شايبٍ متعب وقام يغرّد بنايه
سوالف عاشق وليل ومسافه كايده بالحيل=سوالف حلم وآماني وبرد وحظن دفّايه

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[عاشقة السحاب]

جزله ووافيه
صح لسانك وفكرك

[الطامي]

شاكر
صح السانك ملايين
الله يعينك على هالسطر وغيره
على الاقل انت لقيت سطر بمنديل غيرك مالقى نظرة عبور ههههههههههههههه
لاهنت اخي

[داعي الشوق]

صح لسانك

و سلمت يمناك ودام نزف قلمك
ضافيه و وافيه
سجــل إعجــابي بما سطرت

ولاهنت

[حرف وشعر]

وانا مـا شدنـي للسالفـة الا سطـر فـي منديـل
تبيني انساك كيف انساك وانتي منتهى الغايه
وضحكه خافتـه فيهـا أمـل كنـه ضـوى قنديـل
كأنـهـا شـايـبٍ مـتـعـب وقـــام يـغــرّد بـنـايـه
سوالف عاشق وليـل ومسافـه كايـده بالحيـل
سوالـف حلـم وآمانـي وبــرد وحـظـن دفّـايـه

ياسلاااااام

[سااامر]

صح اللسانك على هالقصيده الجزله

ووالله اني لا اميل لقراءة البحر الطويل


لاكن هنا غير وتسلسل المفردات رائع

[شاكـر محمـد]

اشكركم جميعا على التشجيع اللطيف
فخر ما اكتبه انه يكحّل انظاركم وتنطقه السنتكم
مشكورين والله
بالتوفيق

[ساهر الليل]

يا سلام عليك يا شاكر

ابدعت وامتعت في البناء والتعبير

قصيده من اجمل ماقرات

يدوم نبضك وجمال حرفك

تقبل تحياتي واعجابي

[التخيفي]

مبدع ورائع
وقصيدة صادقة الإحساس
صح لسانك ولاهان راسك
تحياتي