ياحظي.......

[ابو أنس]

ياحظّي اللي كلما قلت له قم=اظهر لسانه ثم زوّد شخيره
والى عزمت اوقّظه عكّر الشم=يسمع صريره من جهد في مسيره
وفي يوم شلته قلت له هيه ياعم=ابجدعك في سوق الاسهم بريره
قال الخبر عندي تخيرت واغنم=ابا آخذ حظوظ الخلايق جريره
ثمن تذممهم وبالحيل تغتم=اعطيك علمي مامعي شي غيره
تراك تنسى ضحكتك لو تبسّم=ووجهك يجي خبزه بليّا خميره
مير اعقل وخل العوالم بلا هم=مثلي ترا تخسر اذا تستثيره
تراي صاحي وافهم القول واغنم=ذي حكمتن مني تراها كبيره

أبو أنس

[الطائر المهاجر]

لكن عصيت اللي من العلم يفهم = يومه يقول ابعد عسى الأمر خيره
طمعت مثل الغير مثلي واغشم = وتلوم حظك بعدما انكرت خيره

صح لسانك يا ابوانس

وتراني شرحك سرا

انت حظك قاعد

اما حظي نايم ههههههههههههه



مودتي وتقديري

[ابو زياد]

ابوانس وش هالحظ الاقشر
الله يعينك عليه

وصح لسانك

[يزيد النمي]

والله الحظ المتمرد يابو أنس
ماتلقى احد يشريه منك والا تبدله ؟

ذي حكمتن مني تراها كبيرة

حظك أقشر الظاهر يبو أنس

الله يحفظك يا مستشارنا الغالي

[أم ريما]

ياحظّي اللي كلما قلـت لـه قـم
اظهر لسانـه ثـم زوّد شخيـره

هههههههههههه حلووووووه

صح لسانك
والله يقوم حظك ويعزك

تحياتي لك

[الــذاهبه]

ههههههههههههههه
أبو أنس رائع بكل حالاتك
لاعدمنا روعة قلمك

[ابو أنس]

المشاركة الأصلية كتبت بواسطة المشرف العام

لكن عصيت اللي من العلم يفهم = يومه يقول ابعد عسى الأمر خيره
طمعت مثل الغير مثلي واغشم = وتلوم حظك بعدما انكرت خيره

باب الطمع ياخوي مامنه مسلم=مثل الوهج للنا ر زايد سعيره
كلن فزع بالراي ويقول إغنم=كانك تبي قرشك يجي الف نيره
اخذت قسط رويتبي رحت ادرعم=ثمن رجعت بهم نفسي كسيره

[ابو أنس]

المشاركة الأصلية كتبت بواسطة ثامر الشبيلي

صح لسانك يا ابوانس

وتراني شرحك سرا

انت حظك قاعد

اما حظي نايم ههههههههههههه



مودتي وتقديري

أفا أفا... ياثامر احسبك حلحيل=في سوق الاسهم باغين استشيرك
واقول عاوني على الحط والشيل=واثرك على ما قيل .. شرحك ..خشيرك
لكن نبي نصبر سواة الرجاجيل=وماقسم لك مكتوب ماهو لغيرك
يارب عدلها عن الكسر والميل=ياخيّرن كل الملا تستجيرك