|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
لا ياقلبي وش يفيد اللوم او كثر العتاب = لا ياقلبي وش يفيد الحزن او كثر الأسيّه
وش يفيد إنّي اراجع صفحةٍ سودا بكتاب= واتذكّر كل ماضٍ كانت جروحه نديّه لو تحاول ما اطيعك انقشع ذاك الضباب = وبانت الأفلاك تجري مادرت بالجاذبيّه كنت واهم ، كنت ضايع، كنت اطارد في سراب= كنت واثق، كنت طيّب ، لاخصوم ولا قضيه كنت ما أقدر افرّق بين حبل وبين داب = حتى في يومٍ لدغني ما يخاف الله فيّه مخطيٍ منهو توهق نام باحضان الذياب = ناسي إنّ الذيب ذيبٍ لو يغيّر في الهويّه والنتيجة يافؤادي انت واخطيت الحساب = احترق زرعٍ زرعته ولا بقى منّه بقيّه ما تفيدك لو وليتَ ولا ترجّع لك شباب = ما يصيب إلاّ نصيبٍ قدّره ربّ البريّه فابتسم للكون واصبر ترتجي حسن المآب= يفرج الله كل همّك بين صبحٍ او عشيّه واعمل المعروف وانسى لا تحرى له جواب= غير من ربٍ كريمٍ عالمٍ كل الخفيّه واعرف إن الوقت غيّر في البشر شيب وشباب= انطفت ذيك العقيده وخبثت ذيك السجيّه تحكم الناس المصالح في الذهاب وفي الإياب = كان ما تعطي ما تاخذ حتى لو حالك رديّه وكان منتَ ذيب تفرس ما تعيش بوسط غاب= وكان قلت الحق تخسر محد يرضى بك خويّه لعنبو هالنفط حوّل كل شيهان لغراب = لعنبوها من حضاره افقدتنا للهويّه ليه نحقد ، ليه نكره ، ليه نحيا في عذاب= ليه ما نصفّي النفوس بهذه الدنيا الدنيّه وليه تخدعنا الحضاره بسم في شهدٍ مذاب= نحسب إنّه دوم بلسم للجراحات النديّه والنهايه في تخبط ما عرفنا للصواب = ضعنا من بين الخلايق في زمان العنجهيّه ليه ما نصحح مسارٍ اتضح إنه سراب = كم خدعنا في بريقه وكم خسرنا من قضيّه لو رجعنا للعقيده ينتهي كل المصاب = دامه مقدّر علينا لا اعتراضٍ للمشيه ونعرف الدنيا قصيره تنقشع مثل الضباب = عمرها مايوم دامت لاحد من كل البريّه |
||
![]() |
![]() |
رقم المشاركة : 2 | ||
|
تنقل لهمس القوافي |
||
![]() |
![]() |
رقم المشاركة : 3 | ||
|
صح لسانك وجاد بنانك |
||
![]() |
![]() |
رقم المشاركة : 4 | ||
|
صح لسانك واعتلا شانك |
||
![]() |
![]() |
رقم المشاركة : 5 | ||
|
صح السانك دكتور |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قبيلة عنزة [ بني وائل ] | الخنساء | القبائل بلدانها وشعرائها | 152 | 24-08-2020 03:25 PM |
العرب قبل الإسلام قوم لهم حضارات | الطائر المهاجر | تاريخ وآثار | 18 | 18-07-2014 03:40 PM |
مفتاح النحو | مازن حجازي | مرآة الأدب العربي | 15 | 16-12-2010 06:50 AM |