الرسن ,,,,,

[حرف وشعر]

يامعين الشعر ياعذب اللحن= ياترانيم المشاعر بالصدور
يانوابض حرف من قلب الشجن=ياعيون الشعر ياروح الشعور
ادرجيني في دواوين الزمن=واكتبي حرفي علي شلال نور
الشعر ماهو وزن كيلو وطن= الشعر بيت (ن) وبوابه وسور
للشعر فرسان من شام ويمن=يقطفون الشهد من كل الزهور
ومن يسوس الخيل من دون الرسن=كيف يامن لا جفل خيل (ن) نفور
ومن جهل قدر النمور ولا فطن=ماسلم ياسعود من بطش النمور
ومن تهقوي كل طير(ن) للدجن= صير الصيصان مع شيب النسور
اه من وقت (ن) تبلي بالمحن=يوم صار الزير في الناس أمغتور
لو تولي كورها بن ذي يزن=عابه الجاهل ولو بالقول زور
يازمن وش جاك قلي يازمن= مكثر الداعين فينا بالثبور
دار ياوقت العنا ظهر المجن= وماهقيته بالغدر فينا يدور
ان حكينا قالوا الواشين جن = وان سكتنا بان مابين السطور
ومن عشق في الناس خضراء الدمن=مثل من هو يبذر القفرا بذور
لعتبار الدين والوجه الحسن= راس مال (ن) للمحبه والسرور
المنا كالريح في وجه السفن= تذري الشطئان وتلج البحور
والحياه تفني واخرها كفن=وعند ربك كل تقسيم الاجور
اعظم الافات افات البدن= واقبح الشهوات مشيك للفجور
مير حب الله ثم حب الوطن= ثم طاعة من تولي بالامور
طاعة الحكام مدرات الفتن= والخبيل اللي علي شيخه يثور
جاك حرف(ن) يعربي (ن) مارطن= من بديع الشعر من بوح الصدور

[الطائر المهاجر]

ان حكينـا قالـوا الواشيـن جـن
صح لسانك وقلبك
جزله وطيبه بالحيل
دام نبضك بجميل الإبداع
ولا هنت
تحياتي

[منيع]

كم انت رائع ومبدع
تسلم اخي الكريم
دمت بخير وعافية
تحياتي

[عبدالله راشد الثويني]

الله الله

حرف وشعررر


وفعلاً

هذا هو الشعـــــر

صح قلبك ايها المُبدع ولا هنت ولا هان مغليك

طامعين بجديدك دائماً

تقبـّـل تحيتي

[حرف وشعر]

المشاركة الأصلية كتبت بواسطة الطائر المهاجر

ان حكينـا قالـوا الواشيـن جـن
صح لسانك وقلبك
جزله وطيبه بالحيل
دام نبضك بجميل الإبداع
ولا هنت
تحياتي

الدكتور صح ربي بدنك

واشكرك من قلبي علي جميل متابعتك

دمت ايها الفاظل

[عبدالعزيز العمار]

صح لسانك وفكرك يامحمد

قصيدة عانقت السحاب بجمالها وشموخها

سلمت ولاهان راسك ونظمك

تحياتي وتقديري

[أم ريما]

صح لسانك

قصيده جميله


لاهنت

[الطامي]

ومن عشق في الناس خضراء الدمن
مثل من هـو يبـذر القفـرا بـذور
لعتبـار الديـن والوجـه الحسـن
راس مال (ن) للمحبـه والسـرور
المنا كالريـح فـي وجـه السفـن
تـذري الشطئـان وتلـج البحـور
والحيـاه تفنـي واخرهـا كـفـن
وعند ربـك كـل تقسيـم الاجـور
اعظـم الافـات افــات الـبـدن
واقبح الشهـوات مشيـك للفجـور
،،،،،،،،،،،،،،،،،،،،،،،،
بن عمران
صح السانك ملايين
قول صحيح وواقعي
رائعة جميعها لافض فوك
شكرا لك

[سناعيس]

صح لسانك يامحمد
دائما تأتي بالجزل
لاهنت

تحياتي

[مسلم عواد العميري]

صدقت ياحرف وشعر
الشعر بيت(ن)وبوابه وسور
صح لسانك وفكرك
نص رائع وجزل
لاعدمنا تواجدك ياغالي
تحياتي