شريت لي مشلح..مدح بعير

[الطائر المهاجر]

شريت لي مشلح وفصلت ثوبين = ومعهن شماغ وارد الشيخ عجلان
وسهرت طول الليل اكتب من الزين= ابيات شعر امدح بعير لفلان
واحمسه كوده يجيب النياشين = يفوز لو يضلع وهو حيل جربان
من شان عين اللي رصيده ملايين= لا من تغر فالكرش بالمال مليان
واخذت تكسي ما سمح دون عشرين= وآصل والآقي الناس حضر وبدوان
شعار واجد والخلايق ضلاعين = كل يبي يدخل من الوضع طفشان
وادفش معاهم لين قربت مترين= قال الحرس ..لا وين لاتكون غلطان
قلت اسمي الشاعر ولا فيه تخمين= وعندي قصيده ما تعادل بالاثمان
قالوا تودر وامسك الدور يومين = وقصيدتك تحتاج ضبطٍ وميزان
وارجع بدربي حافي الرجل مسكين= ضاعت نعولي والبخت مابعد لان
واشوف لي حلاق احمر علابين = كنه خواجه دام اصوله بلبنان
واشكي عليه الحال والفقر والدين= لعل يفزع لو خذا النص كسبان
جلسني في الكرسي حلاقه وتزيين= بالشيب يصبغ ثم بيّض للاسنان
حتى غديت بلمعتي كالمذيعين = ثمن خذاني لصاحبه "بيه" عدنان
واختار لي بنطال لو زاد شبرين = وقميص يلمع فيه اشكال والوان
وشفته يكلم ..بس ماقال لي مين= واثره خذا موعد مع الشيخ كرشان
ورتب لسياره على يوم الاثنين = وجانا الدريول منخره تقل شكمان
سواق معه الروز كشخه بلونين = ومن قبل ما نمشي همس لي بالآذان
وفهمني الخطه بدقه وتمعين= فإنا رجال أعمال عالين بالشان
ومن يوم قبلنا وذا الخلق بلشين= فتح الطريق وفتح باب وبيبان
ولمن وصلنا الشيخ قربنا الاثنين= ودرب الطمع جره ولاهوب فطنان
وقمنا نوريه الصور والعناوين= وعماير ما مثلها شاف في "كان"
عربن على وحده بخمس وثلاثين= والثانيه بخمسين في البيع شفقان
وقلنا في امان الله من بعد يومين= نجيب لك في البيع علم وبرهان

[محمد بن عمار]

المشاركة الأصلية كتبت بواسطة المشرف العام

كيبورديه

شريت لي مشلح وفصلت ثوبين = ومعهن شماغ وارد الشيخ عجلان
وسهرت طول الليل اكتب من الزين= ابيات شعر امدح بعير لفلان
واحمسه كوده يجيب النياشين = يفوز لو يضلع وهو حيل جربان
من شان عين اللي رصيده ملايين= لا من تغر فالكرش بالمال مليان
واخذت تكسي ما سمح دون عشرين= وآصل والآقي الناس حضر وبدوان
شعار واجد والخلايق ضلاعين = كل يبي يدخل من الوضع طفشان
وادفش معاهم لين قربت مترين= قال الحرس ..لا وين لاتكون غلطان
قلت اسمي الشاعر ولا فيه تخمين= وعندي قصيده ما تعادل بالاثمان
قالوا تودر وامسك الدور يومين = وقصيدتك تحتاج ضبطٍ وميزان
وارجع بدربي حافي الرجل مسكين= ضاعت نعولي والبخت مابعد لان
واشوف لي حلاق احمر علابين = كنه خواجه دام اصوله بلبنان
واشكي عليه الحال والفقر والدين= لعل يفزع لو خذا النص كسبان
جلسني في الكرسي حلاقه وتزيين= بالشيب يصبغ ثم بيّض للاسنان
حتى غديت بلمعتي كالمذيعين = ثمن خذاني لصاحبه "بيه" عدنان
واختار لي بنطال لو زاد شبرين = وقميص يلمع فيه اشكال والوان
وشفته يكلم ..بس ماقال لي مين= واثره خذا موعد مع الشيخ كرشان
ورتب لسياره على يوم الاثنين = وجانا الدريول منخره تقل شكمان
سواق معه الروز كشخه بلونين = ومن قبل ما نمشي همس لي بالآذان
وفهمني الخطه بدقه وتمعين= فإنا رجال أعمال عالين بالشان
ومن يوم قبلنا وذا الخلق بلشين= فتح الطريق وفتح باب وبيبان
ولمن وصلنا الشيخ قربنا الاثنين= ودرب الطمع جره ولاهوب فطنان
وقمنا نوريه الصور والعناوين= وعماير ما مثلها شاف في "كان"
عربن على وحده بخمس وثلاثين= والثانيه بخمسين في البيع شفقان
وقلنا في امان الله ومن بعد يومين= نجيب لك في البيع علم وبرهان
وارجع لداري كاسب الصاع صاعين= واحرق قصيدٍ كان في مدح بعران
دامه حرامي سرقته ما بها شين = ولا اذوق الجوع والكرش شبعان

-------------

ا لسلام عليكم ..
ههههههههههه الشايب
الظاهر آخر الطب الكي
هههههه صح لسانك يالعود ولا هنت
أخوك / محمد بن عما ر

[الخنساء]

صح لسانك مشرفنا
قصيدة رااائعة تصور واقع اليوم
لاهان راسك والله يفرجها من عنده
سلمت وسلم شعرك
دمت بخير

[ابراهيم السنيدي]

لاهنت وصح السانك شاعرنا المبدع والكبير ابو عبدالله

الله لايحرمنا منك وقصيدة جزله وتحكي واقع

بالفعل من له حيله فليحتال

يعطيك الف عافيه

اخوك ابراهيم السنيدي

[أم ريما]

صح لساااااااااانك


قصيده جميله يعطيك العافيه

تحياتي لك

[حمد العيد]

د/ ابو عبدالله

عذبه بعذووبة شخصك الغالي

ما اروع هذا الاسترسال الجميل وهذا الاسلووب المحبب للنفس

ابدعت استاذي وصح فكرك

ودي وتقديري

روض الغلااا

[مبروك بن ماضي]

المشرف العام :
أخي الدكتور / عثمان العبدالله
لحضور حرفك ذلك العبق الخاص والابجديات المختلفه
سجل إعجابي بهذا النزف الجميل الذي نتعلم منه
وهذة الأحرف المضيئة التي طالما أستمتعنا بها
مرووووووووووور تلميذ
كل التحيه والاحترام لشخصكم الكريم
أخوك الصغير ،

[نجم الإبداع]

ههههههههههههههههه

صح لسانك وفكرك يابو عبدالله

ولاتحرمنا من الغنيمه فديت خشمك

لاهنت

تقبل مروري
وودي

ههههههههههههههههه

والله ياستاذ عثمان اول قصيده اقرأها لك

والله روعه

ماشاءالله عليك

اسجل اعجابي

وانتظر جديدك

تحياااااااااااتي

فديتك ياعثمأن





عز الله جزل





ونتعلم منك الشي الكثير





صح لسانك ولاهنت





تقبل اعجابي





تحيتي