عيني فراشن لك والاخرى تغطيك

[احمد الجريفاني]

[align=center]

يامبدعه با الحرف جاني بيانك=رسالتك وصلت ولاني بناسيك
الحرف زينتيه مايوم زانك=والقاف يتشرف يخاطب مباهيك
ابيات شعري كل ابوها عشانك=الشعر واللي يكتب الشعر يفديك
محتاجتن روحي لدافي حنانك=لا تحرمينه جعل ربي يخليك
صيري مكاني وابي اصير بمكانك=لجل تحسي كيف انا هايمن فيك
لو تذبحيني حب قلبي مدانك=والله لحبك موت واقبل تجنيك
وقدام كل الناس اعللي كيانك=ولو يزعلك غيري من عيوني ارضيك
ولا يمكن اخسر يا الحبيبه رهانك=من خلقتي وافي ولاهو بخافيك
كان الزمن مع بعض الانذال خانك=اصابعك ما هي سوى في اياديك
اكيد ما ترضين شخصن اهانك=وشلون ترضينه وهو مرخصن بيك
يمكن طمع بك من حلاوة لسانك=ما يدري انك واثقه في خطاويك
تونسي غدر البشر ماهو شانك=عسى الذي صور جمالك يهنيك
ونامي على كفي وخوذي امانك=واذا حلمتي لا تناسين مغليك
وتدللي يا ذوق عيشي زمانك=عيني فراشن لك والاخرى تغطيك

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[نفحات حساسة]

ونامي على كفـي وخـوذي امانـك

واذا حلمتـي لا تناسيـن مغلـيـك

وتدللـي يـا ذوق عيشـي زمانـك

عيني فراشن لك والاخـرى تغطيـك

صح السانك,اخوى.. ولاهنت
نص رائعه..سلمت وسلم فكرك

تحياتى لك وتقديرى..

[مبروك بن ماضي]

الشاعر القدير / احمد الجريفاني

وقفت طويلا بين كلمات هذه الرائعه

ولم يكن هناك سبب سوى الانبهار والاعجاب

لله درك ولنا دُررك شاعرنا المبدع

تحياتي العاطره وتقديري الجم ،

[زهرة اللوتس]

الجريفاني
صح لسانك ولا هنت
جزلة من شاعر تعودنا منه الابداع
تحياتي لك

زهرة

[احمد الجريفاني]

دكتورنا الرائع لك تقديري على الحضور البهي

[حوريه]

(ما يدري انك واثقـه فـي خطاويـك )

حرف راقي خط بيد شاعر مبدع

صح لسانك أحمد ودام حرفك ونبضك

00000000

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[داعي الشوق]

صح لسانك يالشاعر احمد الجريفاني

شاعر كبير وصاحب ابداع و معروف

تقديري لك

و صح لسانك مليوووووون

مع التحية لك

،،،،،،،،،،،،،،،،

[عبدالله راشد الثويني]

شاعرنا الجـــزل / أحمد الجريفاني
صـــح لسانك مليون ولا يكفون
شاعر جزل ومتمكن دائماً مايـُمتع القارىء بأحرفه العذبه
تسلم يمناك ولا عدمنا جديدك
تقبـّل تحيتي