تعال وشوف وش بي يابن شيبي

[عيدالماجد]

اطيب تحياتي للجميع اهديكم هذه الابيات وانتظر من الاخ عمر ال شيبي الذي اسندت عليه القصيده الرد مع اطيب تحياتي

تعال وشوف وش بي يابن شيبي= ذبحني صدقي وحبي وطيبي
علام الناس كل همها المصالح =وراعي الطيب بين اهله غريبي
سالت الحظ علامك دوم مايل = وقال ان طيبتك ياعيد عيبي
تعجبت وتفاجات بكلامه= كلامه كان في سمعي عجيبي
شكيت الهم للدنيا واهلها= الين اتعبت من دمعي ونحيبي
خذلني الكل ولا احدن وقفلي = انادي كم انادي ولا مجيبي
وحيد بمجلسي ماحد معايا = ماغير الله هو ربي وحسيبي
ابي اسالك عن هذي الماسي= خطا مني ترى او هي نصيبي
وختام القول لك اطيب تحيه= وانا ناطر على شعري تجيبي
واصلي عالنبي مليون مره= شفيع الامه الهادئ الحبيبي

[الطائر المهاجر]

صح لسان وقلبك
ولا هان راسك
بانتظار رد الشيبي
تحياتي الطيبة

[منيع]

ابيات رائعه ومعبرة
وفي انتظار الاخ الشاعر عمر
تحياتي لكما

[عبدالعزيز البليهد]

صح لسانك ولاهنت

ربي يعينك ياعيد

وننتظر رد عمر

[سناعيس]

صح لسانك
وبانتظار الصدى من الشيبي
لاهنت

تحياتي

[الراقي]

نص اكثر من راائع

وحضور جميل

و ناطرين الجمال يكتمل من الشاعر ال شيبي

صح لسانك

[داعي الشوق]

صح لسانك يالشاعر عيد

و الشاعر عمر ال شيبي يستاهل من يسند عليه

و لا يقصر في الرد

و لا هنتوا

*********

[عبدالعزيز العمار]

الشاعر عيد الماجد

صح لسانك وجاد بيانك ..

وننتظر الرد من عمر آل شيبي ..

تحياتي وتقديري..

[عمر ال شيبي]

المشاركة الأصلية كتبت بواسطة عيدالماجد

اطيب تحياتي للجميع اهديكم هذه الابيات وانتظر من الاخ عمر ال شيبي الذي اسندت عليه القصيده الرد مع اطيب تحياتي

تعال وشوف وش بي يابن شيبي= ذبحني صدقي وحبي وطيبي
علام الناس كل همها المصالح =وراعي الطيب بين اهله غريبي
سالت الحظ علامك دوم مايل = وقال ان طيبتك ياعيد عيبي
تعجبت وتفاجات بكلامه= كلامه كان في سمعي عجيبي
شكيت الهم للدنيا واهلها= الين اتعبت من دمعي ونحيبي
خذلني الكل ولا احدن وقفلي = انادي كم انادي ولا مجيبي
وحيد بمجلسي ماحد معايا = ماغير الله هو ربي وحسيبي
ابي اسالك عن هذي الماسي= خطا مني ترى او هي نصيبي
وختام القول لك اطيب تحيه= وانا ناطر على شعري تجيبي
واصلي عالنبي مليون مره= شفيع الامه الهادئ الحبيبي

صح لسانك يا عيد الماجد

الين انك من هلا الطيب

وتستاهل كل خير

وستلم ما جاك

لفاني الصوت من عيد ٍ صعيبي = حزين البال مهمو م ٍ غريبي
ماْ بين الناس بيّح بالكنينه = سِكاب العين قطر الغيم صيبي
وردّ القول من خبره وثقافه = وعمر طويل مرقاب المشيبي
تِقول الحب حظي ما هوْ طيبي = ثلاثه من نواة الغم جيبي
الا ويلي ياْعيد الماجد اسلم = سندك الطيب بشراع العذيبي
لكان الحب واعمرك صغيره = تراه اعجاب مو عشق اللهيبي
رحايل فكر من شق النهاره =وتال الليل مشروبك صبيبي
واذا عَ الطّْيب يا راع المطايب = تراك بخير ما به من معيبي
يا كم شفنا بدنيتنا المصايب = وراع الصيت مذكور المطيبي
واذا ع البخت ما ندر بحرابه = الين انّي ما ْ آمن به قليبي
لان الخير والشر بكتاب ٍ = من الاقدار مخطوط بكتيبي
ما ْهي مأسات يا قلبن تظلم= ترى مبلاك تدرابه قريبي
وَاقول اختامها صبر ٍ جميل ٍ = ع لله في خلاة الليل نيبي
عقب مشهات قلبك من صلاة ٍ= دعاء الليل بشفاهك حسيبي
بِقول الله يا ربّي دخيلك = بجاه الزين مبشار الصحيبي
محمد احمد المحمود عندك = عليه افضل صلاة ٍ من رحيبي

[صعبة المنال]

سالت الحظ علامـك دوم مايـل
وقال ان طيبتك ياعيـد عيبـي

المتميز

عمر الطيب وما كان عيب يا عيد

صح لسااااااااانك

صعووووووب