غلاء الأسـعــــار ( فكاهية )

[سعود القت]

ما عاد نقدر ناكل الا زبادي = بعد وحوش السوق زادو فالأسعار
يا راعتي يا خوفتي ياهجادي = يا صفق قلبي صفقة الدف والطار
صبرت صبرٍ ما صبره المهادي = على وحوشٍ تلبس ثياب الأخيار
زاد الدخل مير السلع بزديادي = وكلٍ درا واونس لها سر وجهار
ماهو مزوح الا كلامٍ وكادي = حتى ولو ما ذيع من عبر الاخبار
الاكل كله من صناعة بلادي = لكن شبوبه قصيرين الاشبار
بعض الطعام ندوره فالمزادي! = وبدل عصير الفاكهة قرص فوار
ونستانس ليا حل حتن الجرادي = لو كان نونس منه فالمعده أضرار
قضو علينا جعلهم للبيادي = كنهم يبيعونا كريمات الأحجار
راحو يلوفونا على غير قادي = لوف السموم الصلف لوراق الأشجار
لا جيت افصل ثوب فصلت عادي = مافيه داعي للكبك ميّت النار
والألف ما يكسي ضبيّ الحمادي = اللي لباسه مالنا منه معذار
ومن قلت له مخطي يقول انت غادي = وبنالك من الكذب دورين وجدار
جده ما عرف المعركة والطرادي = ولا باع عمره للوطن درع وسوار
مغير عند امه يحوس الرمادي = ولا له مع اهل الطيب والمعرفة كار
وبقرشه اصبح له مكانٍ ريادي = وقام يحفر ببلادنا كنه الفار
لحق وذاه الحاضره والبوادي = مغير يصلخ فالبشر تقل جزار
تسعين مره قد عشاه السوادي = على المواطن راس شاكوش نجار
كلٍ يقص لذن المواطن وصادي = با بقر با شوكه با فرزه وبا فار
لكن شكوانا لطير الهدادي = اللي بنا عز المواطن مع الدار
لا يابو متعب يا كعام المعادي = ينخاك شعبك كله صغار وكبار
افزع تراهم دودحو يا سنادي = الشعب هالك والسبب رفع الأسعار
فتحت حصالة مضنة فوادي = ويا دوب جابت بن وشوية بهار

[مروان الشيخ]

قضـو علينـا جعلهـم للبـيـادي
كنهم يبيعونـا كريمـات الأحجـار


آمين


ههههههههههههه وربي يستاهلون هالدعوة

الله المستعان بس

صح لسانك سعود

[مبروك بن ماضي]

الاخ الشاعر / سعود القت
فكاهية فيها رساله جميلة
أتمنى ان يقرونها من يهمهم الامر
والعمل على متابعة الاسعار
وكبج جماح الغلا عند التجار
تقبل تحياتي واحترامي

[سعود المسعد]

سعود القت
بيض الله وجهك ورساله
عظيمه تاصل للقلوب
واتمنى يتوسع انتشارها
لتعم الفائده
دمت بحضورك اللمميز

[منيع]

الشاعر/ سعود
ماقلت الا الواقع
ولديك رسالة امل ان تصل الى من يعنيه الامر
تحياتي وتقديري

[احمدابوانور]

لا يابو متعـب يـا كعـام المعـادي=ينخاك شعبك كلـه صغـار وكبـار
افزع تراهـم دودحـو يـا سنـادي=الشعب هالك والسبب رفع الأسعـار

هنا الزبدة ...

صح لسااانك مــــــــــدد بلا عــــــــدد

مودتي لك

ابوانور

المشاركة الأصلية كتبت بواسطة سعود القت

ما عاد نقدر ناكل الا زبادي = بعد وحوش السوق زادو فالأسعار
يا راعتي يا خوفتي ياهجادي = يا صفق قلبي صفقة الدف والطار
صبرت صبرٍ ما صبره المهادي = على وحوشٍ تلبس ثياب الأخيار
زاد الدخل مير السلع بزديادي = وكلٍ درا واونس لها سر وجهار
ماهو مزوح الا كلامٍ وكادي = حتى ولو ما ذيع من عبر الاخبار
الاكل كله من صناعة بلادي = لكن شبوبه قصيرين الاشبار
بعض الطعام ندوره فالمزادي! = وبدل عصير الفاكهة قرص فوار
ونستانس ليا حل حتن الجرادي = لو كان نونس منه فالمعده أضرار
قضو علينا جعلهم للبيادي = كنهم يبيعونا كريمات الأحجار
راحو يلوفونا على غير قادي = لوف السموم الصلف لوراق الأشجار
لا جيت افصل ثوب فصلت عادي = مافيه داعي للكبك ميّت النار
والألف ما يكسي ضبيّ الحمادي = اللي لباسه مالنا منه معذار
ومن قلت له مخطي يقول انت غادي = وبنالك من الكذب دورين وجدار
جده ما عرف المعركة والطرادي = ولا باع عمره للوطن درع وسوار
مغير عند امه يحوس الرمادي = ولا له مع اهل الطيب والمعرفة كار
وبقرشه اصبح له مكانٍ ريادي = وقام يحفر ببلادنا كنه الفار
لحق وذاه الحاضره والبوادي = مغير يصلخ فالبشر تقل جزار
تسعين مره قد عشاه السوادي = على المواطن راس شاكوش نجار
كلٍ يقص لذن المواطن وصادي = با بقر با شوكه با فرزه وبا فار
لكن شكوانا لطير الهدادي = اللي بنا عز المواطن مع الدار
لا يابو متعب يا كعام المعادي = ينخاك شعبك كله صغار وكبار
افزع تراهم دودحو يا سنادي = الشعب هالك والسبب رفع الأسعار
فتحت حصالة مضنة فوادي = ويا دوب جابت بن وشوية بهار

سعود القت

لله درك يالبيطار



فكاهيه ولكن غيررررررررررر


صح كلك ملالالاييييييييين

[سناعيس]

رسالة اجتماعية ساميه وبأسلوب مقبول جدا
أتمنى أن يكون لها الصدى الذي يدوي في آذان المسئولين
صح لسانك ياسعود وبيض الله وجهك يالجزل

تحياتي

[الخنساء]

صح لسانك اخي الشاعر سعود

لاهان راسك قصيدة رائعة


ترجمت الواقع


سلمت وسلم شعرك

دمت بخير

[أم ريما]

صح لسااااااانك

قصيده جميله وفكاهيه

يعطيك العافيه يارب