لاباس ياقلبي من الضيم لاباس

[فواز الغسلان]

لابـــاس يـاقــلـــبــي مـن الــضـيـــم لابــــاس=وش حـيـلـتــي دام اللـيـالـي عـنـيـده
وش حـيـلـتي مادمـت من جـمـلـة النـاس=والـوقــت حـاديـنــي عـلـى مايـريـده
حـالـة كـسـيـر(ن)عـاقـتـه قـب الافراس=فوقـه شـجـاع الـقــوم والا عـقـيـده
يشكي وجع ساق(ن)غدت تـقـل مقواس=وان صـاح صيحـات الخـلا ماتـفـيـده
فـي لاهـب الـجــوزاء والاريـــاق يـبــاس=الــحـلـق يـابـس والــمــوارد بـعـــيــده
جـمر العـطـش في ضامره مثل الامواس=والـروح بـشـمـوس الـقـوايل وحـيده
ارض(ن)يحوفه بالدجى ذيـب الاطـعاس=اللي يـقـاسـي بـه وقوت(ن)شديده
يـطـوي صـحـاصـيـح الـفـيـافـي والارماس=والـجـوع وسـط الـكبد مثل الوقيده
مـالـــه تــحـــت نـــار الـبـــواريـــد مـجـــلاس=ورزقــه عـلــى اللـي مايـخـلـي عبيده
حـالــي مـثـل حـالــه تـحـت كل هوجاس=وماراح من هـجـسـي غـبـونـي تعـيده
هـجـس(ن)حرمني من مقاعيد الاوناس=وفي كل يوم(ن)له جروح(ن)جديده
مـنـها سـهــر عـيـنــي وهـرجـات الانجاس=مثل الـمـنـاجـل فـي هـشيم الحصيده
الـلـي غـدى عــنـــد الاجــــاويــد بــلاس=والـصـبــح يـرســل بـالــخــبــاثــه بـريــده
من صاحــب(ن)دونــه مـقـافـل وحــراس=وناس(ن)نـفـوسه بالـحرايب زهـيده
حـطـوا لـهـا عـقـد الـحـبايل والامراس=ومن قارب الغالي شباكه تصيده
لاوالـلـه الا حـال مـن دونـه الـيـاس=ياس(ن)سكن بالقلب يشفط وريده
شاد القصور بـغـبـن قلبي على ساس=يودع جروح القلب ينزف صديده
ويلي عـلــى اللي كـنـهـا عـيـن قرناس=له مخلب(ن)يـمـزر عروق الطريده
عينه تشوف بـنـايـد الروض مرواس=ويودع فروق الصيد ماله شريده
اصفى من الجوهر على عقد الالماس=حدت شجون القلب تنثر قصيده
وصبيت قـيـفاني على بيض الاطراس=ماهـي خرابيط الخبول وعصيده
واصبح لـعـقـال الـشـواعـيــر نـبـراس=ولو يدخل الـمـليون يصبح عميده
تشبه طعون كليب من رمح جساس=وراحت حياة كليب منها فـقـيده
لا شاب قاف اللي شكى نار الافلاس=واعـلـن بـقـيـفـانه نـهـاية رصيده
جبت الشوارد من ورى حد تكساس=وسط الجبال اللي يهيلك جليده
والا غـديت لجـزل الامـثـال غـراس=وان ماقـنـع راع الـمـعـانـد نـزيـده
مانـي بغـلـقـات الـتـمـاثـيــل مـحـتـاس=ولا رحت للـقـيفان وسط الجريده
ميراث عـود(ن)له على الـربع نوماس=والـقـاف يشـهد والخـلايق شهيده
طيبه بوسط اهل الجبل يرفع الراس=وحـروف قـافـه بالمراجل سديده
اسقى ضـمـيـري من قوافـيـه بالكاس=وزدته بـجـزلات الـورود الـفـريده
يـشـبه قصيد فـهـيـد وعـبـيـد ودباس=اللي مـزايـاهــا الـحـمـــايــد عـديده
وبعض العرب ماهي للاشعار مقياس=دام الـنــوايـا فـيـه مـاهـي حـميده
مااطـيـع انـا بالـنـقـد دايـس ودربـاس=دام العرب فيها عـقول(ن)رشيده
وانا بـلاء حـالـي غـلاء زيـن الالباس=اللي برمش العـين تـرمـي ضديده
طـيفه يزور البال في وقت الادماس=يسري على روحـي ويـلـعن كديده
يـطـرق خـفـايا ضـامـري طـق هواس=اللي تـشـق الـقـاع رجـفـة حديده
ويرجف بروح(ن)كلها شوق واحساس=وان داج بارواح النشاما يـبـيده
مطـروحـهـا مايـغــفـــي الـلـيـل بـنـعاس=يرجـي وعـايـدهـا ويـخشى وعيده
مثل العنود اللـي خـذت عـقـل عباس=وعمره قضى يشكي رموشه وجيده
وهذا سـبـب قـولــي لـلاحـباب لاباس=وقـولــي تـرى طـبـع الليالي عنيده

[سناعيس]

الله الله
شاعرنا وراوينا الفذ فواز الغسلان
صح لسانك على هذه الباذخه
وبيض الله وجهك
تستحق القراءة والتمعن فيها مرارا
لاهنت

تحياتي

[مبروك بن ماضي]

اخوي المبدع :
الشاعر /فواز الغسلان
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[ابومياس]

نص جزل وجميل المعاني

ورائع الاسلوب

يستحق الزيارة والوقوف على عتباته مرارا

صح لسانك وبيض الله وجهك

دمت بخير

[الطائر المهاجر]

كم يسعدني تأمل هذا الإبداع
صح لسانك مدد بلا عدد
ولاهان راسك
تحياتي وتقديري

[منيع]

من الروعة بمكان
بارك الله فيك
تحياتي

[عذب القوافي]

فوازالغسلان

في كل حالاتك

مبدع

تقديري

سلم لي عليك

[الـزلـزال]

وصبيت قيفاني على بيض الاطـراس=ماهي خرابيـط الخبـول وعصيـده
واصبح لعقـال الشواعيـر نبـراس=ولو يدخل المليـون يصبـح عميـده
تشبه طعون كليب من رمح جسـاس=وراحت حيـاة كليـب منهـا فقيـده
لا شاب قاف اللي شكى نار الافـلاس=واعلـن بقيفانـه نهايـة رصـيـده
جبت الشوارد من ورى حد تكسـاس=وسط الجبـال اللـي يهيلـك جليـده
والا غديت لجـزل الامثـال غـراس=وان ماقنـع راع المعانـد نـزيـده
مانـي بغلقـات التماثيـل محتـاس=ولا رحت للقيفـان وسـط الجريـده
ميراث عود(ن)له على الربع نوماس=والقاف يشهـد والخلايـق شهيـده
طيبه بوسط اهل الجبل يرفع الـراس=وحـروف قافـه بالمراجـل سديـده
اسقى ضميري من قوافيـه بالكـاس=وزدتـه بجـزلات الـورود الفريـده
يشبه قصيد فهيـد وعبيـد ودبـاس=اللـي مزاياهـا الحمايـد عـديـده
وبعض العرب ماهي للاشعار مقياس=دام النوايـا فيـه ماهـي حمـيـده

فواز الغسلان


عندما نشاهد أبداعك الشعري يصيبنا الذهول

شاعر متمكن فوق الخيال


وشهادتي فيك مجروحه

صح لسانك الى مالا نهايه

تقبل مروري المتواضع


ودمت بالف خير وصحه

[سعود المسعد]

المشاركة الأصلية كتبت بواسطة الـزلـزال

وصبيت قيفاني على بيض الاطـراس=ماهي خرابيـط الخبـول وعصيـده
واصبح لعقـال الشواعيـر نبـراس=ولو يدخل المليـون يصبـح عميـده
تشبه طعون كليب من رمح جسـاس=وراحت حيـاة كليـب منهـا فقيـده
لا شاب قاف اللي شكى نار الافـلاس=واعلـن بقيفانـه نهايـة رصـيـده
جبت الشوارد من ورى حد تكسـاس=وسط الجبـال اللـي يهيلـك جليـده
والا غديت لجـزل الامثـال غـراس=وان ماقنـع راع المعانـد نـزيـده
مانـي بغلقـات التماثيـل محتـاس=ولا رحت للقيفـان وسـط الجريـده
ميراث عود(ن)له على الربع نوماس=والقاف يشهـد والخلايـق شهيـده
طيبه بوسط اهل الجبل يرفع الـراس=وحـروف قافـه بالمراجـل سديـده
اسقى ضميري من قوافيـه بالكـاس=وزدتـه بجـزلات الـورود الفريـده
يشبه قصيد فهيـد وعبيـد ودبـاس=اللـي مزاياهـا الحمايـد عـديـده
وبعض العرب ماهي للاشعار مقياس=دام النوايـا فيـه ماهـي حمـيـده

فواز الغسلان


عندما نشاهد أبداعك الشعري يصيبنا الذهول

شاعر متمكن فوق الخيال


وشهادتي فيك مجروحه

صح لسانك الى مالا نهايه

تقبل مروري المتواضع


ودمت بالف خير وصحه

اخوي سامي والله انك صدقت
ماقدرازيد على ردك
فواز الغسلان تقبل صادق ودي

[صوت الإحساس]

الله اكبر الله اكبر الله اكبر


شعر
شعر
شعر
شعر

بلا حدووووووووووووووووووود


عملاااق لله درك

درة من الدرر

تبقى ما بقي الشعر


صااااااااااااااااااااااااااادق الود


وفائق الاحترام
لهكذا حضور