الأم تربه والرجاجيل محصول

[الطائر المهاجر]

الأم تربه والرجاجيل محصول= والأب آلة صرف في كل الاحوال
في وقت فيه الأب مشدوه مذهول= مما يشوفه في عياله من افعال
لو جاء يعدل مايلٍ زاده ميول = فالنبت من ارضه شقيصٍ وفحال
هذي حنون وترضع الحب معسول= دينٍ وعقل بطيبة افعال وخصال
تنتج رجالٍ فعلهم يسبق القول = فيهم فخر للأب والعم والخال
وهذي جهنم بالقشر كنها الغول= اولادها والرجل زادتهم هبال
فالشوك يطلع شوك والطيب معزول= وش ترتجي من شجرةٍ كلها اعبال
وهذي انانيه على غير معقول = لو وصلت الخمسين بعقول جهال
لو كان تنسل كل عامين حاقول= ما عندها حس الأمومه بمثقال
يطلع لها طفل اتكالي ومغلول = مبرمج على تفكيرها فعل واقوال
ولا واجه الدنيا تقل شبه مشلول= يفشل فلا هو قادرٍ شيل الاحمال
ويرمي التهم من غير منطق ومدلول= ويمكن يسير بدرب يوصله الاغلال
فالأب مهما كان للخير مجبول= ومهما يربي كود يطلع له رجال
يطلع له اجسام بلا فكر وعقول= والطيّب اللي ما يدخله باشكال
امراض جتنا دون تطعيم مبذول= مع انفتاحٍ زادنا جهل واضلال
حبل التراخي زاد بالعرض والطول= فافسد حريم ولا توقف على عيال
وانفلت السبحه على عزف وطبول= وحق المره والطفل في كل موال
حتى غدينا ما نقلد ابو الهول= ولو كل عانا قال في احسن الحال
خذنا قشور الغرب والغرب معلول= واللي امر به ديننا صار باهمال
هذا نتاج الوقت في بعض محصول= والخافي اعظم من زمن ضيّع اجيال

[عدنان كريزم]

فالشوك يطلع شوك والطيب معزول

وش ترتجي من شجرةٍ كلها اعبـال

=========================

ابو عبدالله

انت راائع جدا

ما شاء الله بحر مع موج

لا هنت

[نجم الإبداع]

الله الله

صح لسانك يابو عبدالله

قصيده وافيه وجكمه زاهيه

صوره باهيه

لاهنت

تقبل مروري

وتقديري

[داعي الشوق]

صح لسانك

مليووووووووووووووون

يا بو عبدالله

رائعة جدا

صح لسانك و اعتلا شانك

مع التقدير
،،،،،،،،،،،،،،،،،،،،،،،

[منيع]

حكم ومعاني راقيه جدا
شكرا لك ولحرفك
تحياتي لكم

[حي الضمير]

ابدعت ولامست الواقع
وعوااااايدك ياشاعر العثمانيات
ومن هناااا ليوم الدين صح لسااااااانك

[الـزلـزال]

الأم تربـه والرجاجيـل محصـول=والأب آلة صرف في كـل الاحـوال
في وقت فيه الأب مشدوه مذهـول=مما يشوفه في عيالـه مـن افعـال

الطائر المهاجر
قصيده إجتماعيه رائعه في حروفها ومعانيها
من شاعر تعودنا منه تقديم كل جميل
أبدعت شاعرنا في عزفك الفريد
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[صوت الإحساس]

الله اكبر



اشهد بالله عصااارة سنين


لله درك



وصح لسااانك يا دكتور


من الوزن فوق الثقيل


وذو اللب يعي ذلك



احتراااامي

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[بنت العز]

صح لسانك وعلا شانك
تسلم لاهنت
شكررررررررررا