قصيدة اتعبتني يالجيب

[سعيد عوده الحويطي]

اخواني اعضاء منتدى الفطاحلة الكرام هذه قصيدتي في معاناتي في البحث عن الجيب وهي بعنوان ( اتعبتني يالجيب ) ارجو ان تحوز على رضاكم .

اتعبتني يالجيب بالشيل والحط=اسبوعين ادور لك ولاني بلاقيك
من المملكة وديتني دار مسقط=وبالشارقة ودبي جينا محاريك
وفي معرض المنصور شفتك مصفط=وحلفت مافوتك ولاني مخليك
ورديت على فلوسي وحطيتهن حط=وبلا تردد مامعي كشتهن فيك
والله لو مانته بقلبي مبلط=ماجيت ادور لك عشان باشريك
لانك على كل المواتر مقشط=ولاني اعرفك من زمان(ن) مخاويك
انت الذي ما فيه مثلك على الخط=في بر ولا اسفلت يصعب تحديك
قالو لي اليوكن وتاهو مجنط=فخامه وراحة عن الجيب تغنيك
قلت ايه ماقبل فيك عاذل محبط=كل الشفر والجمس ما تعيضني فيك
وارد امريكا لو يقولو مزبط=يالجيب لاندكروزر ماهو مساويك
اللي الى جا بالصحاري تورط=واكبر مصيبة لا غرز بالتماتيك
الحيل يبرد والحرارة على الخط=ولا عاد ينفع فيه خطه وتكتيك
والا انت ما يهمك صعود ومهبط=لو تصعب الطرقات ما هبتهن فيك
مركب شيوخ في المجالس تقلط=للشيخ هيبة وانت هيبتك بوديك

[داعي الشوق]

صح لسانك يا بو توفيق

و الله يعطيك من خيره و يكفيك شره

ابدعت في وصف من توده يالشاعر

و صح لسانك مدد

ولاهنت

[حرف وشعر]

ههههههههههه الله يعينك

يالحويطى

[منيع]

ابيات اكثر من رائعة
والجيب يستحق ذالك
دمت مبدعا
تحياتي

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[الظميان]

ابيات راقيه من شاعر راقي
صح لسانك
ولاهنت
تقديري واحترامي

[عبدالله راشد الثويني]

صح لسانك يابعدي
.. والله يعطيك خيره ويكفيك شره ..
وانا اشهد إن الجيب هو الموتر اللي يستاهل العنوه

[عبدالإله]

صح لسانك وعلا شانك
على هذا المتصفح الراقي

شاعر جزل الى ابعد الحدود

ولاهنت فكرا وحضورا

[المستبشر]

لمسات جماليه في لوحة خالده
صح لسانك
ولاهنت
مع اجلالي وتقديري

[عبدالرحمن الصباح]

صح السانك اخوي شاعر مبد ومتميز لك ودي وتقديري