سلام الله

[الطائر المهاجر]

سلام الله سلام الله على سوقٍ خذا قرشي= وانا مشغول بالنادي ارتب في عناوينه
وش اللي دحدره من بعد ما هو صامدٍ حرشي= وانا اللي احسبه يعلي وبكسب في ميادينه

[عبدالله الشويمان]

هلا والله هلا والله وعوضك الله يا حمشي=يعل الامر به خيره ولا تدري مضامينه
مدام السوق دحدر عدل الاسعار وبه تمشي=عقب يومين ولا بعد سهم اعمار تحسينه

[الطائر المهاجر]

اشوفك داعم للسوق تغير قافي الأشي = وتجلب قافيه ماهي على القاف وموازينه
ابي ترجع تعدلها فانا لا يمكن آمشي= وتعطينا من التحليل ما طمن مساكينه

[عبدالله الشويمان]

انا عدلت يا الصاحب وجمشك صار من جمشي=وزليت الطريق انته وعدل قافك إلزينه
اشوفك تخمش الابيات مثل الدب بالخمشي=وهذي هي تحاليل الرعد وسمع لتلحينه

[الطائر المهاجر]

الا يا الرعد دل الدرب اشوفك ماشيٍ عمشي = تعدل ثم تاخذ كلمتي والفعل ياشينه
ترى رعدٍ بليا غيث يدوش صاحب الجمش= يطيح البيت لو غيرت قافك في مطامينه

وراك كذا ... فيك النوم ، مرة القافية الأولة وهالحين القافية الثانية حطيتها يمه ، وهي ينه

[عبدالله الشويمان]

اجل طحنا ولا سمي علينا ونت محتمشي=على هونك لجل تكسب سهومك مكسب زينه
نبي نسبح معك بالبحر وخلك منقذ ٍ ونشي=وإفطن للوحل لا تقربه وتعيش بسنينه

[الطائر المهاجر]

من المسؤول في ظنك كبير العقل او الكرشي= على ماصار من سرق وحنا نسدد لدينه
متى يرجع لنا حق وذاك القرش متعشي = بنا ثم رجع ينهش بقايانا بطواعينه

[عبدالله الشويمان]

على الهامور ثلثينه وثلث مضاربٍ هشي=يبي ربحٍ سريع ولا يثمن عاقبه شينه
على الله الخلف يا صاحبي ليمن بدوا لشي=وثمن بالخديعه شكلوا مجموعةٍ حينه

[الطائر المهاجر]

اخاف انك هويميرٍ كلامك غش في غشي = تدله ضاعف مثلي وتمعط في مصارينه
فخاف الله في عودٍ رميته كنه الفرشي = من اعلا طويق للوادي ولو قدمه بزارينه

[عبدالله الشويمان]

اقول احذر من الهامور إلى من هم بالرش=على غفله ينكسكم الى القاع ومدافينه
ونا عودٍ قنوعٍ ما اضر الناس ولا انشي=ومن غش البشر يوم الحساب يصفق بكفينه