البارحه هاضت علي الهواجيس

[عبدالله السويلم]

البارحــه هاضت علي الهواجيس=قامــت تجيــب من الهمـــوم وتـــودي
صارت تجي وتروح مثل الكوابيس=لاغمـــضت عيــني دقيــــقه تــــردي
ودموع عيني فــوق خـــدي مراويس=ادمــن جفـــون العـــين وادمن خــدي
هــــم (ن) بقلبي مايشـيله قراطيس=ولو ينكتب من ما البحـــر مايسدي
لوجيـت اترجمها يبــي لي قواميس=من كثرها مـــدري وش اللي ابــدي
جيت اتحدى الوقت وغيص وقيــس=ولقيتـــني مانــــيب قـــــــد التحـــدي
لو انها بالكف توخــذ وبالكيس=هانـــت ولو انخـا لها عـــيال جــــدي
اللابـــــه اللــي للطـــلايب مقابــيس=ولضيــــوفها بـيــبانهـــا مــا تـــــــردي
لكنها بلــوى (ن) بلانـي بـها بليـس=حاولـــــت اعـــديها وعــــيت تعـــدي

[ساهر الليل]

عيت تعدي,,,,,,,,,,,,,,,,,,,,

صح لسانك يابو جهاد وسلامتك من الكوابيس

تقبل مروري وودي قبل ردي

[عبدالله السويلم]

صح بدنك ياساهر

شرفني مرورك

تحياتي لك يالغالي

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[عبدالله السويلم]

هلابك
وصح بدنك يادكتور

وشرفني مرورك واطرائك

تحياتي لك

[بنت النور]

صح لسانك وعتلى شانك
جزل ومبدع
لاهنت
تحياتي لــ سموك

[منيع]

ياسلام عليك
مبدع وجزل
وماشدت الا فرجت
شكرا لك
تحياتي

[نجم الإبداع]

الله الله

ابداع وجزاله

صح لسانك يابو مجاهد

تقديري

[عبدالله السويلم]

صح بدنك بنت النور

تشرفت بمرورك الكريم

تحياتي لك

[عبدالله السويلم]

شكراً على المرور اخوي منيع
والله يكون بالعون


تحياتي لك يالغالي