من اللي على شانه تركتيني ورحتي بعيد

[سعود المسعد]

اخواني الاعزاء اسعد الله اوقاتكم بكل الخيرللغياب عذروقصيده للتواصل

من اللي على شانه تركــتيني ورحتي بعـــيد=اجل هويستحق اللي تركتيني على شانه
أنا ماقصدي اجرح وامارس لعبة الـتـنكـــيد=انا أحـن الخفوق اللي غــذاك بدم شريانه
لمستي في قصيدي رقة ألاحساس والتجديد= وددلـــتـك بحب ماهـديته قـبـلك أنسانـــه
أكلمك بحدود وخايف لاجيب معك العـــيد=واناأعرف قصة ألمركب ووجهاته وربانه
مافيه داعي نجيب السالفه بخيوطها ونعـــيد=مافــيه داعي تجازي وقـفة الطيب بنكرانه
قبل للوضع ياصل بي معاك لذروة ألتصعيد= نقاط ألضعف أوضحها ولاتروحين زعلانه
تملكــتي أحاسيسي ورحتي يامهـــاة ألغــيد=أجل هــو يستحـق أللي تركتيني على شانه

[سلطان العطاوي]

يا ساتر

الله عليك

وصح كلك

تشرفت بالمصافحة الاولى

[الطائر المهاجر]

سلمت وصح لسانك
واعتلى شأنك
نص رائع من شاعر رائع
لاهنت
دمت بخبر

[الـزلـزال]

سعود المسعد
نص شعري رائعه وجميل
من شاعر متميز فيما قدمه
أبدعت شاعرنا رعاك الله
صح لسانك ملايين ملايين
ولك فائق تحياتي وتقديري

[نفحات حساسة]

صح الله لسانك..سعوووود
ولالالا هنت وفيت وكفيت

[همس الورد]

الله الله الله

صح لساانك

و صح بدنك

قصيدة رائعة

لاهنت

[بنت العز]

صح لسانك وعلا شانك
قصيده روعه
تسلم لاهنت

[مبروك بن ماضي]

الاخ الغالي الشاعر القدير / سعود المسعد
حضورك له بصمته الخاصة
وشعرك يستحق الوقوف والتأمل
سعيد بحضوري هنا
متميز بما لديك دايماً
تقبل تحياتي وفيض ودي
أخوك / بن ماضي

[الطامي]

المسعد
صح السانك ملايين
جزلة وطيبة للغايه
لاهنت

[سعود المسعد]

سلطان العطاوي
كم اسعدني مرورك
لاعدمتك