استراحة قلم من عناء الواقع

[ترانيم المطر]

السر بيـن إثنيـن لا زال مدفـون=وإن شاع بين الناس يصبح مطيـه
لا عاشو اللـي لنميمـه يشيلـون=ولا عاش من يفخر بزلـة خويـه
ليه ثلاث سنين يا بنت فـي كـون=وحولي صقور الطيب صبح وعشيه
أعاند عنيد القوم والقـوم يـدرون=إني عنيـده خنجـري فـي يديـه
طيبي مع الطيب هماليـل ومـزون=وشعري غمرته بالثنـاء والتحيـه
تمطر هماليل السحابه على غصون=ونشرب من الهتان شربـه هنيـه
منزالنا فـوق الثريـا ومـن دون=سطح الثراء فوق الجبـال العليـه
شخصيتي فيها أكثر الناس يثنـون=عليـت نفسـي عنـد هـذا وذيـه
عقلي رسا لو يصبح القلب مطعون=مشكـاي للمعـبـود رب البـريـه
يمناي سيف الطيب والسيف مسنون=مـا ينثلـم حـده ونفسـي غنيـه
لو غرد القمري على الغصن بلحون=ما هزنـي بغنـاه صبـح وعشيـه
صديت عن درب الرعا يوم يرعون=ما شاقني ريـح النفـل والنصيـه
صحيح شفت اللي له الناس يطرون=وذكرت ربـي نـار والنـار حيـه
ضؤ القمر ما ينحجب لو يحجبـون=والكيف مـا يعشـق بـلا شاذليـه

[سعيد الصاعدي]

الاخت الفاضله/ترانيم المطر
صح لسانك ولاهنتي..
نص شعري رائع من شاعره متألقه
تحياتي..
أخـــــوك
س/ص

[ترانيم المطر]

المشاركة الأصلية كتبت بواسطة سعيد الصاعدي

الاخت الفاضله/ترانيم المطر
صح لسانك ولاهنتي..
نص شعري رائع من شاعره متألقه
تحياتي..
أخـــــوك
س/ص

مشرفنا القدير

مرورك شرف لي طال عمرك ولا هنت

تقبل من التحيه أغلاها

ودمت بود

الله الله شاعرة متمكنه ونسج من خيال
لله در الحروف .... وصاحبتها

صح لسانك وفكرك

[منيع]

ياسلام عليك
كل الروعه والابداع
بارك الله فيكم
تحياتي

[الطائر المهاجر]

سلمتي وسلم فكرك
مبدعه وجزلة في قصيدة شموخ وعزه
انتي اهلها
لاهان راسك
تحياتي

[احمد الجريفاني]

والف مليون نعم فيك قصيدة رائعة بعفويتها ابدعتي سلم احساسك

[الطامي]

ترانيم
الف الف صح السانكي
جزلة وطيبه من شاعرة عملاقة متألقه
والنعم اختي بنت واخت رجال
شكرا لكي

[داعي الشوق]

صح لسانك يالشاعرة ترانيم

ابداع رائع في الوصف و التعبير

شاعرة مميزة و مبدعه

صح لسانك مع التقدير لك

**********

[الراقي]

قصيدة معانيها

كـ زخات المطر

صح لسانك و اعتلا شانك

كل الشكر لك

#######