سعود الحافي أقرب!!!

[احمد حامد الزايدي]

سلام ردية وفاء تكشف عن اللي فالصـدور=طيب(ا) وفـاء مظونها .. والنـار مـن شبابهـا
الصقـر حـر مخلبه يصيد صيده فـالـعـبـور=مـاهـو بعـــاجــــز دونـهـا.. والنار من شبابها

[داعي الشوق]

هلا يا بو حامد

يالله حيـــــــــّــه

،،،،،،،،،،

اهلا هلا بالزايدي يا مرحبا به يالحضور = ريح النفل مكنونها .. و النار من شبابها
الصقر يالصقار له توقيت في بعض الامور = ما يجهلك وش لونها .. و النار من شبابها

[احمد حامد الزايدي]

الله يسلمك ويغليك يالغالي!!

دام البقا ياسعود وأنته ياجودي رجل وقور=والعشره أنت اتصونها..والنار من شبابها
الصقـر حر مـايشــابه يارجــل كل الطيور=كـل العــرب يقـلــونها..والنار من شبابها

[داعي الشوق]

قولك حكيم يا بن حامد مير لا تلف وتدور= من راسها ومتونها .. و النار من شبابها
لك سابقه في ما مضى وأنته ترا منت معذور= لو قلت لي يطرونها .. والنار من شبابها

[حي الضمير]

صح السنتكم ياشعار
واصلواااا متابعين

[الطامي]

ياسلام عليكم
ابداع من عمالقة فن الرد
صح السنتكم

[فهد المري]

ياسلام

واصلو فنحن متابعون


الله يصح السنتكم

[احمد حامد الزايدي]

أحب أنا الحكمه وأنا ياسعود رجال(ن) جسور=وأنا ترى مامونها..والنار من شبابها
لي سابقه فالطيب وعلـوم الوفاء وافي شبور=ياصعبها ياهونها..والنار من شبابها

[سعيد الصاعدي]

الزايدي + داعي الشوق
صح السنتكم

[داعي الشوق]

ما به على هذي خلاف ولا حصل ريبه و زور = و انا معك أصونها .. والنار من شبابها
تركتني وانا انتظر ردك على بعض السطور = كل العرب يقرونها .. والنار من شبابها