افرش لهم قلبي على زهر نيسان

[نجم الإبداع]

يابحر وين اصحابنا اللي لهم نور = يضوي على حرف القصايد والالحان
يابحر لي عامين وايام وشهور=ماشفتهم وتبدلت كل الاوطان
يابحر انا من عقبهم صب مقهور=راحو وخلو خافقي بين الاحزان
يابحر لو هم ذنب لي قلت مغفور=دائي وهم بلسم جروحي والاشجان
يابحر بلغهم هوى الروح بالدور = وارسل معاناتي من الهجر باحسان
يابحر واطلب عذرهم لي على المور=وافرش لهم قلبي على زهر نيسان
بابحر لولا ودهم شهد بلور = ماكان ذكراهم على الفكر نيشان
ولا كان يابحر الهوى جيتك ازور=واشكي عليك الهجر واشقيك حرمان
انا اشهد ان فراقهم يفري الزور=ووصالهم زينه على كل بستان
يابحر خذ علمي وبلور منثور =مخلخل عقوده ومظبوط الاوزان

[بنت النور]

صح لسانك وعتلى شانك
ياصاحب القلم روعه قليله في حقك
يعطيك العافيه على هذا لابداع والتميز
وبنتظارجديدك
تقديري لسموك

[منيع]

كل الروعه والابداع
تحياتي لكم

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[جهاد الشعلان]

ياسلام عليك

مبدع شاعرنا فلاح كعادتك

صح لسانك

تقبل مروري

[الطامي]

صح السانك ملايين
ابداع متجدد من شاعر علم
ولاهنت بو محمد

[نجم الإبداع]

صح بدنك بنت النور

وشكرا لشرف مرورك

لاهنتي

[الخنساء]

صح لسانك ملايين
جزلة من شاعر متمكن

سلمت ولاهنت

[عبدالله السويلم]

صح لسانك ياشاعرنا
مشاعر فياضه
نابعه من القلب

لافض فوك

تحياتي لك

[نجم الإبداع]

المشاركة الأصلية كتبت بواسطة منيع

كل الروعه والابداع
تحياتي لكم

الروعه في حضورك ابراهيم

لاهنت