يامشتكي ضيم الليالي والايام

[الطائر المهاجر]

يامشتكي ضيم الليالي والايام= كلٍ عليه من الزمن ذيب عاوي
منت الوحيد اللي من الوقت منضام= فاصبر ترى تفرج بأمرٍ سماوي
ولا تشتكي للناس فالناس اقسام= احد يتشفى واخرٍ عنك راوي
ويصير سرك في طريقك كالالغام = لو ما انفجر بك جتك منه البلاوي
ولا تقول ادور ما ينسّيني العام= وتطيح في بيرٍ بعيد الهقاوي
تبحث عن الإقلاع في جو الاوهام= وتصير اسير الكاس تدفع اتاوي
فكم من صميدع جره الكاس بخطام= حتى لقى نفسه من العقل خاوي
وكم هد بيتٍ صاحبه كان لطام= واصبح هو الملطوم من كل واوي
فواجه امورك مثل عنتر ف الإقدام= وحكم لعقلك لاتحكمك شهاوي
وان كان ما تقدر على علاج الاسقام= فدور لسقمك من بعلمه يداوي
وابعد عن مصاحب خسيسين وازلام= واعرف من اللي في حياتك تخاوي
ووقتٍ بلا تنظيم للرجل هدام = فالوقت مثل السيف ماهوب ياوي
لا صرت فاضي جت همومك بالاكوام= فلا تنبطح في البيت مثل الضراوي
اشغل لنفسك خارج البيت حوام= بين الرجال وكل حرٍ نداوي
تكسب علوم رجال تنفعك قدام = وتحميك لا تاقع ببعض النزاوي

[داعي الشوق]

وابعد عن مصاحب خسيسين وازلام= واعرف من اللي في حياتك تخـاوي
ووقتٍ بـلا تنظيـم للرجـل هـدام = فالوقت مثل السيف ماهوب يـاوي

..........................

صح لسااااااااااااااانك يا بو عبدالله

قصيدة جدا جميلة

لله دررررررررررك

وصح لساانك مدد

و لاهنت

******************

[منيع]

ابيات هادفه وواقعيه
تحياتي

[زهرة اللوتس]

صح لسانك وفكرك
جزلة ورائعه
لاهنت
تحية طيبه

[الـزلـزال]

الطائر المهاجر

نص مميز وهادف ومتقن

من شاعر متميز ورائع في كل حالاته

ابدعت وأمتعت شاعرنا رعاك الله

حلق بشعرك الراقي الهادف

ولنا الأستمتاع بكل مايحيويه من تميز وأتقان

صح لسانك ملايين ملايين

ولك فائق تحياتي وتقديري

[هترل]

يامشتكـي ضيـم الليالـي والايـام
كلٍ عليه من الزمـن ذيـب عـاوي
منت الوحيد اللي من الوقت منضـام
فاصبر ترى تفرج بأمـرٍ سمـاوي
ولا تشتكي للناس فالنـاس اقسـام
احـد يتشفـى واخـرٍ عنـك راوي


الله عليك يادكتور عثمان

صح لسانك واعتلا شانك

ابيات مميزه وجميله استمتعت بقرأتها

كل الشكر لامتاعك لنا هنا


دمت بسعاده

[عبدالعزيز العمار]

الطائر المهاجر

صح لسانك وجاد بيانك

كتبت فأبدعت وأجزلت

تحياتي وتقديري

[عبدالكريم العياش]

الطائر المهاجر
صح لسانك اخي ابو عبدالله
حقيقة نص ينضح صدقا وحكمة تجارب السنين
فلقد طوعته بمهاره الشاعر المحنّك فكل نصيحه يقابلها ومضه عن مصير من لايأخذبها
ولقد جائت تلك النصائح لتحذر من بعض الكبائر وترغب
في امور نغفل عنها احيانا مثل الرياضه
رائع ابوعبدالله
تحياتي وتقديري

[سناعيس]

الله الله
صح لسانك يابو عبدالله
اجتماعية رائعه وجزله
ولاغرابه
لاهنت يالغالي

تحياتي

[الطامي]

ولا تشتكي للناس فالنـاس اقسـام
احـد يتشفـى واخـرٍ عنـك راوي
ويصير سرك في طريقـك كالالغـام
لو ما انفجر بك جتك منه البـلاوي
ّّّّّّّّّّّّّّّّّّّ
صح الاسنك يالعود
رائعة جدا
لاهنت اخي