لا لا توهق تونا ماااااا بدينا!!!!!!!!!!!!!

[سـعـد الحويماني]

ننسى الغلط من واحداً ماعرفناه=ولا سفيهـاً في لقاه ابتليـنـا
مانجادله لاصار وضعه بخصناه=من كلمة الرجال كلـش يبينـا
ان كرر الغلطه علينا نصحنـاه=باسلوب عصري مارفعنا يدينـا
وان عادها بيشـوف مالاتمنـاه=يقضي حياته كلها ما نسينا
والشايب اللي كبرسنه خبرنـاه=نضحـك ولويلعـن حداوالدينـا
تقدير اله ان كان حنا سفهنـاه=منقوود لو حنا بحقـه خطينـا
يعني كلامه كننا مـا سمعنـاه=لاصار ناقص عقل طبعي رزينـا
وخطا الرفيق ان كان غالي دمحناه=يومـاً لنافالدهرواخـر عليـنـا
ماتنتهي عشرةعمرمعه عشنـاه=سهم الصداقه كنزغالـي ثمينـا
ومن يفعل المعروف فيناشكرناه=ولااحتاجنامن قبل يطلب عطينـا
في وقتنا ما فيه شـي جهلنـاه=من كثر ما جتنا المصايب شقينا
مافيه درس الا ترانـا درسنـاه=حتـى قطعنـا شكنـا باليقينـا
اليا فعلنا طيب عكسـه لقينـاه=واليااعتذرناالشين حطـوه فينـا
كلن على ماقيل يرجـع لمجنـاه=ان طاب طبناوان تردى مشينـا
هذا اختصار الوضع حناشرحناه=ويفهم علينا كـل حـراً فطينـا
قافاً بدعتـه يـوم ردك قرينـاه=لا لا توهـق تـونـا مابديـنـا

[الينوفي]

لى عووووووووووووووده

الغالي / ابو حسن ..
والله انك ذيب يالعتيبي ..
جبت الزبده وبس ..
تدري ؟ والله انك شاطر يابو حسن ..
صح لسانك وعلا شانك ..
من محاسب الصدف ان يكون لي شرف المرور الاول على هذه الرائعة ..
تحياتي ,,,,

الينوفي ..
خلك بالسرا يابو نوره ..
والله اني قبلك لكن طلعت أذكى مني بالحجز ..
يالله الدنيا دروس ..

[الطائر المهاجر]

والشايب اللي كبرسنـه خبرنـاه
نضحـك ولويلعـن حداوالديـنـا

من احترم نفسه ترانا احترمناه = ومن غلط جاه اللي بحقه يهينا
شباب او شايب فلنّا عرفناه = الرجل عقله من حروفه يبينا

صح لسانك مليار
لي عودة لهذه الدرة
تحياتي الطيبة

[نجم الإبداع]

صح لسانك يابو حسن



نص حكيم من رجل حكيم



لاشلت يمينك



تحياتي واحترامي

[ابراهيم السنيدي]

صح السانك ولاهنت اخوي الشاعر سعد

ابدعت ايه الرائع

في وقتنا ما فيـه شـي جهلنـاه
من كثر ما جتنا المصايب شقينـا

ياسلام عليك
سلم فكرك

مشاء الله عليك
وربي قصيده رائعه تحمل بين طياتها الحكمه وتجربة الحياة

يعطيك الف عافيه

اخوك ابراهيم السنيدي

وخطا الرفيق ان كان غالي دمحناه
يومـاً لنافالدهـرواخـر عليـنـا
ماتنتهي عشرةعمرمعـه عشنـاه
سهم الصداقـه كنزغالـي ثمينـا
ومن يفعل المعروف فيناشكرنـاه
ولااحتاجنامن قبل يطلـب عطينـا


صح السانك والله لايهينك تسلم يالغلي


اخوك / هاوي النفود

[نسناس الهوى]

في وقتنا ما فيـه شـي جهلنـاه
من كثر ما جتنا المصايب شقينـا
مافيـه درس الا ترانـا درسنـاه
حتـى قطعنـا شكنـا باليقيـنـا

الله عليك
صح لساااانك ياسعد ..
مخطي اللي يحارشك (:

[الخنساء]

ماتنتهي عشرةعمرمعـه عشنـاه
سهم الصداقـه كنزغالـي ثمينـا
ومن يفعل المعروف فيناشكرنـاه
ولااحتاجنامن قبل يطلـب عطينـا
صح لسانك اخي الشاعر سعد
قصيدة رائعه تترجم تجارب الحياة
وتظهر الحكمه والمواعظ
سلمت وسلم شعرك