غشيم جاكم وانتبه يا عميلي

يا سلام الله سلام ومن يبى الملعب يردي=شاعر ٍ وإسمي غشيم وجيت حاكر لي قصيدة
جيت متحدي الفطاحل مين مثلي ومين قدي=أعسف حروف القوافي من تبوك ليا عبيده

ياسلام ياسلام

صح لسااانك مليووون

وبنتظااار الرد من اخوني شعراء الفطاحلة

غريبه
نص ساعة ولا جا أحد يرد
وين الفطاحل وألا المبدأ شوي صعب
الليل يا عيال

[سناعيس]

شاعر بس غشيم اسمك على غير مسمى
لكن على هونك علينا
أبحاول أصير فاهم

ياهلا بك ياغشيم ملاعبك هو ود ودي=منك ابتعلم لأنك شاعر وانت الوليده
هات جزلات المعاني وخذ مقابلها مردي=لاتغيشم لاتغيشم يابو أبيات فريده

مرحبا بك يا نائب المشرف
كذا الحكومة جات وأنا مقدر أقول شي
في حضرة الحكومة
حياك الله يا سناعيس
استلم وإعذر لكن كذا اللعب وأنا اخوك

البقا بلي يرحب مير خلك مستعدي=أكرب حزامك وحذرا لا تخالف فالوعيدة
أبك أنا العاصي ورراسي ما يخالف بطش يدي=والكلام إللي بقوله سجله جمله مفيدة

[سناعيس]

خليتن حكومه على شان لاأنتصرت
تقول مالي حيله ههههههههههه
شكلك تبي توهقنا لكن أمرنا لله

الهواء لاجاء شمالي مايرد ولايصدي=ولاخبرنا من يصده من تهقوى في عبيده
مير خذلك من كلام(ن) أبقوله هزل جدي=لاتحدى وانت عارف من يطارد والطريده

استلم يا سناعيس
والمعذرة تراني شايب وأبي أنام
بكرة نتقابل إن شاء الله

أركد أركد ثم تركد وإنتبه لا جيت حدي=والله إنا يالسكيبي نعرف الناس الرشيده
من عنتر منت سالم حظك أقشر ومتردي=لا تباهى يالفطيحل مثلكم واجد نصيده

[سناعيس]

جابني لك حظك اللي ليت ربي له يلدي=كود تسلم ياالغشيّم من أمور ماتريده
ويش عنتر ويش سالم مايجون عويد ندي=في زنودي لاجبروني مابقى منهم شريده

[سناعيس]

شكلك فعلا طلعت شايب ونمت
بس لاتكون نمت على الجهاز
انتبه لايجيك فايروس والا هاكرز ثم تقوم بكرا وتروح للدوام ترى بكرى خميس هههههههههههه

تصبح على خير يالغالي

تحياتي

[ابو زياد]

المشاركة الأصلية كتبت بواسطة سناعيس

جابني لك حظك اللي ليت ربي له يلدي=كود تسلم ياالغشيّم من أمور ماتريده
ويش عنتر ويش سالم مايجون عويد ندي=في زنودي لاجبروني مابقى منهم شريده

شاعر بس غشيم
سناعيس
صحة السنكم وعاشت ابياتكم القوية
عجلوا علينا لا تبطون