ظاعة الطاسه !!

[عبدالعزيز البليهد]

ياصاحبي لاتبرّق ظاعت الطاسه=الوضع مزري وكل المجتمع حوسه
الله يفك الدراهم شر حراسه = والكفة اللي تخبره فوق.. منكوسه
لجنه وراها لجان وفوج عساسه = ولاعرفنا خيار القوم والكوسه
الصرح يبنى عقب تخطيط ودراسه= واثر الدراسات قص ولزق مدسوسه
مستقبلٍ حلو زاهر فوق كراسه = ومعالمه لابغيت الصدق مطموسه
ياصار فينا المكلف رافعاً راسه=ياطا على هامة المسكين ويدوسه
وان قيل ظلم وتمادي قالو :سياسه= احذر عسى الله يفكك دبس دبوسه
العقد والحل دونه شلة بلاسه=عرادماً عن دروب الخير ملحوسه
حنى نحب الوطن من ساسه لراسه=وحنى دروعه عن الباغين ومجوسه
وحنى خزام العدا وبالسلم غراسه=وحنى شروق الحضاره فخر ناموسه
سلام يادارنا ماهب نسناسه =الله يديم الغلا ويزيل كابوسه

[الطائر المهاجر]

وان قيل ظلـم وتمـادي قالـو :سياسـه
احذر عسـى الله يفكـك دبـس دبوسـه

احفظ لسانك فانت بواقع ابساسه
الام تاكل صغاره اكل سمبوسه

صح لسانك وسلم ضميرك الحي
لاهنت
تحياتي

[عاشقة السحاب]

صح لسانك
جزله ووافية

[عبدالعزيز البليهد]

هههههههه الله يستر يابو عبدالله هالوقت خلك مع الساس وعساك تسلم

لكن مايشجعنا هم ولاة الامر ومطالبتهم دائما بالشفافيه لعلمهم بأن هناك فساد وتقصير

من بعض المسؤلين ،

سلمت يالغالي ولاهنت على المجاراة الواقعيه

[عبدالعزيز البليهد]

المشاركة الأصلية كتبت بواسطة منى الروح

صح لسانك
جزله ووافية

صح بدنك ولاهنتي

شكرا لمرورك

[الطامي]

البليهد
صح السانك ملايين
ونعم اخي قول وفعل
رائعة لافض فوك اخي
شكرال ك

[حي الضمير]

صح لسانك مدد عبدالعزيز
قصيده جزله من راس جزل

[داعي الشوق]

صح لسااااااانك و دام هتانك و اعتلا شانك

تسلم يمناك على هالراقيه

قصيدة جزله وصداها اجزل

صح لسانك ودمت في أبداعك

[عبدالله الشويمان]

صح السانك يا اخ عبدالعزيز

دمت بخير ولا هنت

[عبدالله راشد الثويني]

الله يديم الغلا ويزيل كابوسه

كي يكتمل الحب للوطن فلا بد من إزاله هؤلا الكوابيس
فهؤلا والله قد اجبرونا على ان نقرن اسماءهم بالوطن ووجودهم قد شوه معالم وطننا الحبيب
وكما تفضلت إن اردنا اإنتقاد فكلماتنا لا تؤخذ بعين الإعتبار ويقال بإننا لا نفتهم بما تسمى بالسياسه
وإن كنا كما قالو جهله .. فإلى اين اوصلونا هؤلا العلماء كما يزعمون ؟
كان الله بعوننا وعون جميع المسلمين وكتب لنا مافيه صلاحنا وصلاح مجتمعاتنا
ودي يابعدي