(عهود العـِشْقٌ) ,،, مصافحة اولى

[مشاري بن محمد]

بسم الله الرحمن الرحيم



والسلام عليكم ورحمة الله وبركاتهـ


مصافحه اولى

متواضعه علّها تحوز على بعض الرضاء



من وهج الخيال



نمنّي النفس بهـا ,



..

يا سعود لا تنشد عـن الـهم والريـب=يا سعود لا تشقى , تـرى البـال شفـقان
يا سعود عهد الحـب منّه على الطيـب=اروى ضماي , ورجع (مشـاري) انسان
يوم اللقى صدفـه ومن دون ترتيـب= من دون لا نحسب مشاويــر وازمـان
من دون لا نبحث عن ارواحنا غـيب= روحي على روحه والاثنــين. شتـّان
الله جمعهم حب , عشق واصـاحيب= والله قـديـر , وحبنـا زان وانــبان
على (عهود) العشق نرقـى المراقيب=على (عهود) العشق نصـدح بالالـحان
على (عهود) العشق سـلم الشواريب= على (عهود) العـشق ننـسى هالاحزان
على (عهود) العشق نمضي طواريب=نبدع اغانيـنا علـى كـيف الاشـجان
نسرح كما يسرح مع الـكايده ذيـب=ولا نسـتمع لأقـوال كـاذب وفتّــان
نعيش دولة (حبنا) دون ترهيــب=انا رئيس الحكم , وطيوفــها اعـوان
ننـفي بعالـمنا هروج المـكاذيب= ولا نفتـكر وش قـال عـلاّن لـفلان
نموت ما خفـنا يـقولوا لنا عـيب= حنا على وضح النقى حـب وإحـسان
يا سعود تدري وش هو الهم والريب؟= انك تعـيش العمــر مـن دون خلاّن

وسلامتكمـ

[الطائر المهاجر]

هلا ومرحبا بك اخي مشاري
في محلك وبين اخوانك وربعك
مصافحة جزلة من شاعر جزل ومبدع
ارحب يالغالي
وارجو موافاتنا بإسمك الثلاثي الصريح
والأسماء التي تنشر بها قصائدك
مع روابطها ، يمكن مراسلتنا من خلال
الإتصال بنا ، اسفل الصفحه
ولي عودة
تحياتي

[الطامي]

مشاري
صح السانك وبنانك
لاهنت
وشكرا لك

[سعيد الصاعدي]

الاخ الفاضل / مشاري بن محمد
صح لسانك لاهنت
يا سعود تدري وش هو الهم والريب؟
انك تعيش العمر من دون خلاّن
جزل جزل جزل
وحياك الله يامشاري
تحياتي
أخــــــــــــوك
س / ص

[حي الضمير]

صح لساااانك يامشاري
قصيده رائعه وابدعت بارك الله فيك
تقبل مني الاحترام والتقدير

[الـزلـزال]

مشاري بن محمد

يا سعود تدري وش هو الهم والريب؟=انك تعيش العمر من دون خلاّن

أبدعت في نزف الخيال

حياك الله بين أخوانك في الفطاحلة

وصح لسانك ملايين ملايين

لك تحياتي

[الأموره]

بــن محمد

صح لسانك ملايين يخوي

سلمت و سلم فكرك

قصبده رائعه

الف شكر لك

و يا هلا بك في الفطاحله

دمت برعاية الخالق

[عبدالعزيز العمار]

الفاضل مشاري ..

صح لسانك وجاد بيانك ...

قصيدة جزله من راس جزل لاهنت ...

كل عام وانت بخير وتقبل اجمل تحية

[سناعيس]

الفاضل مشاري بن محمد
صح لسانك وبيض الله وجهك
مصافحة رائعه من شاعر رائع
لاهنت وحياك الله في منتداك

تحياتي

[حوريه]

الفاضل مشاري ..

صح لسانك وجاد بيانك ...

قصيدة رااائعه من شاعر رااائع ...

وكل عام وانت بخير