ملحـــــــــــــــــــمة حــــــزن

[عبدالمحسن الرحمه]

الله من هم ٍ بقلبي ما اكبره
متعب ٍ حالي وخلاني حزين
الفرح في وسط جوفي بعثره
صرت في عالم معاناته سجين
لأنفتح باب السعادة سكره
أصفق ابكفين يسرا باليمين
ضحكتي والله صراحة تستره
لأبدى ليلي أسامر دمعتين
كاس من يمنى حياتي كسره
طاحت احطامه بجوفي كسرتين
والله إنه في طريقي عنتره
سيفه الأبتر بقلبي مستكين
من زمان أول وهذا متجره
قلبي اللي مهتنا دوم ٍ رهين
ليت لي قدره أزيله واقبره
أنتهي منّه واريح مايجين
والله ان الحال ماهي تقدره
بشتكي لله ربي هو يعين
يا إله الكون قلبي صبره
الطف ابحاله شكى هم ٍ دفين
كن في قلبي مصانع منجره
و الله إنه ياإلهي مهتوين
شوكة اللي في طريقي بذره
كله من شان السعادة ما تجين
و الله إنه يا جماعة ما خبره
فارق القلب المعنا ساعتين
يلعب بقلبي يمين و ميسره
صوب اسهومه وخلاني طعين
جوي اللي مهتني به غبره
في ظلامه في يميني شمعتين
كل حظ ٍ في زماني سنتره
كل بسمة من شقاته ما تبين
كل جرح ٍ في ضميري ثوره
كل باب ٍ سكره قفله متين
مزنة اسنية بجوفي ممطره
تمطر وتسقي بقلبي بذرتين
هم غم ٍ كسر ربي يجبره
ليتها تنبت ورود وياسمين
من عذابه دمع عيني نثره
يبتهج لامن سمع صوت الونين
حلمي الغالي رسمته شفره
مخفي ٍ رقمه عليّه ما يبين
بيته اللي في حشايا عمره
ناوين يسكن على طول السنين
كلما شاف الاماني مثمره
جاك مستفزع معه هم ٍ عوين
آه من هم ٍ صراحة ما قشره
سارين بالدم يوم إني جنين
سهمي الرابح ببنكي خسره
مالفاني يا جماعة مشترين
ليتني أقدر أهينه واحقره
مير همي يا هلي والله ذهين
لا لمح طير السعادة ذيره
عيني تنظر له والوح باليدين
صرت في عالم زمانه مسخره
مره يطعني ومره يكتوين
أحمد المعبود ربي واشكره
محصي ٍ خلقةإله العالمين
بصبر بحكمة إلاهي واذكره
خالق ٍ خلقة من ماء ٍ مهين
ياعظيم الشان دربي يسره
يسره له لي يادليل الحايرين
أنت رب الكون بأمرك نوره
يا إلاهي يا مجيب السائلين

( مخـــــــــــرج )


ناس ٍ بها الدنيا سعيده بالفراح
وناس ٍ شقيه تشتكي من تعبها
وناس ٍ تحده للقصى وين ما راح
وناسٍ تجيله طايعه ما حسبــها
وناس ٍ بتالي الليل ترقد وترتاح
وناس ٍ من همومه تزايد لهبــها
وناس ٍ تشوفه مبتسم دوم مزاح
همه على روحه خطير ٍ عطبها
وناس ٍ زمانه ما صفاله ولا رتاح
جمع حباله في يديه وكربــها
وناسٍ ٍ تذوق الماء مبرد ومرتاح
وناس ظماها بيّن ٍ من تعبها
وناس ٍ لها مال ٍ كثير ٍ ولا نزاح
وناس فقيره لقمته ما كتسبها
وناس ٍ زمانه صوبه بحد الأرماح
من شدّ همه دمعـته ما سكبها
وناس ٍ تضارب سهمها حدّ الأرباح
وناس ٍ تناجي ربها من غلبه

[حوريه]

نص رائع رغم من المعناة والحزن الذي يتوشحه
وسلامتك عبدالمحسن من الأحزان الله ييعد عنك الهموم ويحقق آمالك
تحيتي لك و ودي

[هترل]

صح لسانك ياعبدالمحسن ملاايين
نص جميل وخيال اجمل
ابدعت وامتعت لاهنت


تحياتي وتقديري

[منيع]

ابيات اكثر من رائعة
رعاك الله
تحياتي لكم

[منصور العبدالله]

رائع ياعبد المحسن

صح لسانك

وياليت كل قصيده بمتصفح

لان كل واحده تستاهل الاطراء الخاص بها

[داعي الشوق]

صح لساانك يا عبدالمحسن

كلمات جميلة رغم الألم في النبره و بحة الصوت

لاهنت لاهنت

وصح لسانك مليون

و الله يسهلها من عنده

تحياتي

[الطامي]

العمر
ياسلام عليك وعلى الأبداع الفذ
صح السانك ملايين ولا يوفون حقك
رائعة وهادفه لافض فوك اخي
شكرا لك

[طوفـــان]

صح لسانك على هالأبيات أخي عبدالمحسن ..

نبعك صافي وفياض ..

تحياتي

[فارس القوافي]

حياك الله ياعبدالمحسن
صح لسانك يالغالي ولاهنت

يعطيك العافية

دمت بخير

[كظيم]

ياسلام ياسلام

عبدالمحسن العمر
رغم مابهـا إلا إنهـا جزلـه ووافيــه
وفيت للحزن وهو وافين لك .. الله يسعدك يارب
ويبعده عنك ويعجل الفرح ويكتب لك الهنــا
صح لسانك وكلك يابعـدي
ابيات في قمة البذاخـه رغم مابهـا
ابدعت يالغـلا
تقبلني وتقبل اعجابي ومروري المتواضع لاهنت
ودي وتقديري