|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
يا الله ياخالـف علينـا تعبنـا=بدنيا نجاذبهـا و عيـت تجينـا
صكوا علينا الباب واقفوا عربنا=وضاعت هقاوينا ومن به هقينا لو هي عليهم كـان والله تعبنـا=باموالنـا وعيالنـا مـع يدينـا يا ابن دويحس عقب هذي ذهبنا=والله ما يشـرى بحـق حدينـا سار القلم يا أبو محمد وشبنـا=واليوم مـارد الفوايـت علينـا اسباب فتح الباب سيرة سببنـا=اوهام ياتي من سببهـا عدينـا برباعنـا يامـا ويامـا قصبنـا=من حول ضان وناب نوق سمينا وياما على شهب النواصي ركبنا=وياما على عوج العصى التوينا ياما على طوعاتهن قـد لعبنـا=وياما فهقنا روسهـن وانتحينـا بظهورهن يامـا ويامـا ركبنـا=وكم واحد فارق هله من يدينـا وياما على جرد السبايـا ركبنـا=وقلايع فوق المسـارج خذينـا وياما على ملح الفرنجي تعبنـا=وياما على فرق وهيـق بدينـا وياما لجزلات العطايـا وهبنـا=وياما رفعنا النفس عما عطينـا وياما على شقر الجزاير طربنـا=شقر سماويـات تنقـل يدينـا وياما بها من فرق ريم سببنـا=ووعول في روس الشخانب ثنينا وياما على زين القطايف لعبنـا=وياما حديناهـم ويامـا حدينـا وياما لحسنا الرشم وياما وهبنا=وياما لجزلات الوهايب عطينـا وياما على غصن الصبايا لعبنـا=نلوي على سمر الذوايب يدينـا وياما من الشهد المصفى شربنا=من غصن غضات الصبايا روينا واليوم من كثر الدواكيك عبنـا=من كثر ما نفقد مـن الغانمينـا هيهات ياعصر مضى لو ندبنـا=هيهات وين اللي مضى عاد وينا حنا عمود البيت والبيت يبنـى=والبيت ما يبنـى بليـا حدينـا صرنا كما فرق الضحايا جلبنـا=يالله يا غافـر عـن المذنبينـا ولي عجوز من بلاويـك شبنـا=لو ينجلي عن دارها قـد جلينـا اليوم من تعديـل الأيـام شبنـا=وباكر نخليهـا لمـن مقتفينـا ياخيبة الدنيا ولـو بـه طربنـا=ياابو محمد تقل ماشفـت زينـا |
||
![]() |
![]() |
رقم المشاركة : 2 | ||
|
تحية تقدير و إعجاب لإختيارك الراقى المتميز |
||
![]() |
![]() |
رقم المشاركة : 3 | ||
|
يا الله ياخالـف علينـا تعبنـا=بدنيا نجاذبها و عيـت تجينـا |
||
![]() |
![]() |
رقم المشاركة : 4 | ||
|
شكرا ع الاختيااار المميز |
||
![]() |
![]() |
رقم المشاركة : 5 | ||
|
شكراً على المعلومه |
||
![]() |
![]() |
رقم المشاركة : 6 | ||
|
بارك الله فيك |
||
![]() |
![]() |
رقم المشاركة : 7 | ||
|
لك الشكر |
||
![]() |
![]() |
رقم المشاركة : 8 | ||
|
مشكور |
||
![]() |
![]() |
رقم المشاركة : 9 | ||
|
لك الشكر |
||
![]() |
![]() |
رقم المشاركة : 10 | ||
|
بارك الله فيك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|