(يا أيتها النفس المطمئنة) ... مرثية

\
(

(يا أيتها النفس المطمئنة , ارجعي إلى ربك راضية مرضية , فادخلي في عبادي , وادخلي جنتي)

)
/
هنا أشخاص لاتستطيع أن تتقبل العزاء بهم
كانتي عمتي الشيخة (ترفه بنت ذعار بن نايف إبن غبين ) أخر هالاشخاص
فقد وافتها المنيه صباح يوم الجمعة الماضي في سويسرا
رحمك الله وأسكنك فسيح جناته يا أم فيصل
فدعواتكم لها بالرحمة أية الأحبة
فهي أخت الشيخ / خلف بن ذعار بن نايف ابن غبين
و والدة لكل من أخوالي
الشيخ / فيصل بن فياض بن نامي الغبين
والشيخ /طلال بن فياض بن نامي الغبين
والشيخ /خالد بن فياض بن نامي الغبين
والشيخ / مرشد بن فياض بن نامي الغبين

من يعزيني
بها
والعزاء ماله قبول
لا ياخالي
لا يامرشد
لا تقول
لا تقوووووووووول
جو يعزونا بها
لا تقول
قلهم
مالي عزاء
من يعزيني بها
قلهم مالي عزاء
قلهم
خلاااص
لاتعزوني خلاص
حتى لو مامن محاص
لا تعزوني خلاص
ما بها اقبل
عزاء
بس لحظة ..؟
عزوا ..اليتمان فيها
واللي تكسيه ..بيديها
واللي خيره ..من هديها
عزوا ..اللي ماعرفو طعم السعاده
الا يوم ٍ جاتهم
وشالت الهم وبهم
سافرت لرض السعادة
ووصلتهم
حلمهم
وعزوا اللي ..لالفى العيد يتحروا
من يجيهم منها
ومايجيبه منها
من كرم حاتم ..خذت
ومن عطاء غبيني
عطت
من يعزيني بها
ذيك ..ترفه
ذيك ترفه
بنت من سل المهند
من غماده
ولا حد ٍ في يوم
قاده
وجدها ..أبن غبين نايف
اللي بالجزلات
نايف
الامير الأول ..بوقت الامير
اللي قاد القوم ..لفياض وغدير
وقادها
لامجاد ..محد ٍ قبلهم
قد رادها
ذيك ترفه
بنت ذعار الخيل
اللي ذاق إعـداه الويل
واللي بلحاله ..قد قـيل
رد الخيل
ذعار الخيل
ذيك ترفه
لا لالا
مابها اقبل
عزاء
من يعزيني بها وهي الحياة
من يعزيني بها وهي الممات
عمة ٍ مامثلها بالكون عمه
يمه
يمه
ردي يمه
عمة ترفه
عمه ترفه
ردي عمه
حتى لو إنك بعيده
ردي ردي
ردي
يمه
ردي يمه
مابقى بالصوت ..صوت
والدموع اللي تسيل
ماهي يا يمه دموع
أحرقتني قبل تضهر
واضهرت غصبن علي
ومنهو لي
الا أنتي
ياللي ثوبك
كم بكمه
لملم دموع اليتيم
واخضر اليابس
هشيم
وكم بكمه
لملم الحزن بمتمه
حتى تمه
حزن ..لو يكتب على هذا الورق
أنتج أرق
حزن ..لو يلهب على العالم
حرق
وانتج أرق
من بعيد الذكريات
وانتي ..كنتي
من كفل حق اليتيم
ومن يديها
تقل ديم
لا امطرت ..تمطر حياة
ولا تهل
الا ديم
وكنتي انتي
غير كل الامهات
لانك الحضن الكبير
وكنتي انتي
عمتي
وكنتي
غير
فاسمحي لي أنتثر بين
الدموع
حتى لو قالوا
جزوع
مابعد هاللوع
لوع
والله ياعمه فراق
واحتراق
حول عيوني
شموع
واحرقتني
مابعده اليوم
روع

من صرخ صوت الدموع اللي فقد صوت أمه=لا تلومونه (يصيح ) ولو يموت من الصياح
لاتلومون الحزين اللي جرع بالعلم سمه=يوم شق الثوب ..للي كانت لعزه وشاح
ولا تلومون اليتم اللي بكى ..من همه=كان أكبر همها ..الين تنفيه بسماح
يوم يبكى ..ثوبها اللي كم مسح بالدمع كمه=كم دموع عيشت في كمها كل ارتياح
من مسيل الحزن ينزف من بعدها دم دمه=من نثر حزنه دمائه فوق حربات الرماح
البحر بالحزن عاتي والضلوع اللي تزمه=والصدى وسط المحاني رددت أأأه النياح
أأأه وا ويلأأأه من حزن ذبحني في مغمه=ماكفاه اللي سكني ..من بعد كسر.. الجناح
يا جناحي ..وين رحتي ..ليه رحتي ليه عمه=ليه رحتي ..وانتي اللي ..تعطي الصبح انشراح
ياصباح الخير وينك ..يوم رحتي من يتمه=والصباح ببعد يومك ..عمتي ..ماهو صباح
ليش رحتي يالحبيبه ..وانتي الحب وخضمه=ليش رحتي يالحبيبه ..وانتي دواة الجراح
ليش رحتي ردي عمه ..ليش رحتي ليش عمه=وكل عرق من فراق هده الحزن إجتياح
السواد بكل غيمه ..يحظن الحزن ويشمه=والعيون من الدموع السود تعصفها الرياح
يمه يامه ..ردي يامه ..يامه يامه يامه يامه=وين صوتك ..ليش راح ..ليش فرقاك أستباح
كل عرق به مشيتي عيشه بالهم ..همه=وعلمه وش لون يعني ..ما على الدنيا ..إرتياح
ااه ياكبر المصاب ..واااه يا مصعب ملمه=وش يلم الطيف لامن مر بك طيف ٍ ولاح
كنها تقول ..قله ..ياولدي يافهد ..علمه=البقى لله ..واعلم كل ما بالارض ..ماح
من صرخ صوت الدموع بعين طفل صاح يامه=ليش رحتي ..ليش عمة وانتي فرقاك صياح

[الصريح العتيبي]

الاخ/فهــــــــــد الغبين--------------سلمه الله
اولاّ عظم الله اجرك واسكن الفقيده فسيح جناته والهم الجميع الصبر والسلون
إنا لله وإنا إليه راجعون
الله لايريكم مكروه ويرحم الفقيده برحمتة الواسعه
وهذه القصيده عبرت بصدق عما يجول في الخواطر لفقد الغاليه
بارك الله فيك.
دمت بخير حال

[سعيد الصاعدي]

الاخ الفاضل / فهد الغبين
انا لله وانا اليه لراجعون
رحم الله موتاكم وجميع موتى المسلمين
قصيده من القلب الى القلب
من اجمل ماقرأت فالرثاء
تحياتي
أخـــــــــوك
س / ص

[رفيعة الشان]

ااه ياكبر المصاب ..واااه يـا مصعـب ملمـه
وش يلم الطيف لامن مـر بـك طيـف ٍ ولاحقصدية رائعه

ولا نستطيع الا ان نقول لاحول ولا قوة الا بالله

[عذب القوافي]

الجزل أينما حل الأخ الشاعر / فهدالغبين

أولا ً أحسن الله عزائك في وفاة عمتك الشيخه (ترفه بنت ذعاربن غبين)

أسكنهاالله فسيح جناته مع النبيين والصديقين والشهداء وتجاوزعنها إنه جواد كريم

نص من الإعماق أجدته أستاذ / فهدلله درك

ومن عطاء غبيني

صدقت يالغالي

عطيت غبيني

تقبل مروري

أخيك

:::::أبوابراهيم:::::

[الطامي]

الغبين
اولاّ عظم الله اجرك وأسكنهاالله فسيح جناته
مع النبيين والصديقين والشهداء وتجاوزعنها إنه جواد كريم والهم الجميع الصبر والسلون
إنا لله وإنا إليه راجعون
صح السانك ابيات معبره لاهنت عيني
وشكرا لك

[الطائر المهاجر]

الله يغفر لها ويرحمها
ويتقبلها في فسيح جناته
صح لسانك ولا هنت
تحياتي

[الأموره]

الغبيــن

رحم الله عمتك و اسكنها فسيح جنآته

،،

قصيده جسدت صدق المشآعر

صح لسانك ملايين

سلمت و سلم فكرك

الف شكر لك

دمت برعاية الخالق

[إستبرق]

أسأل الله أن يرحمهـا بواسع رحمـته

وأن يجعـل قبرهـا روضـاً من ريـاض الجنـة ..

قصيـدة تبكـي لهـا القلوب والأعـين ..


لا فـض فوكـ أخـي ..

[حي الضمير]

اعظم الله اجرك اخي فهد واسكن الفقيده فسيح جناته
وصح لساااانك على هالقصيده الرثائية المؤثره