الوصل يصِل من حباله رهدنا

[الطامي]

تأثرت بما تمر فيه والدتي لكبر سنها احسن الله خاتمتها بخير وجميع المسلمين،،، وتذكرت مانمر فيه اذا وصلنا لما وصلت له وهاضت قريحتي بالتالي :-

يالله ياللي لاجل وجهه سجدنا = اللي عطانا الدين نمشي بنوره
مما نشوف اوصي محمد ولدنا = وكل الاخوان اخذو كلامي ضروره
يامحمد المنعور والا فهدنا = مع احمد وايضاً صغير البزوره
يالقرم ياللي من خوالك نشدنا = اسمع لقولي ثم تمعن سطوره
ياليث ياضرغام وانتم سعدنا = اقولها للكل ماهي محكوره
من بعد مشراف الشعيب انلهدنا= وزماننا ذقنا حلاه ومروره
اوصيكم فينا لاتردى جهدنا = واقبل خريف العمرواقفى بشوره
ان كان مامتنا ومعكم قعدنا= بعد الشباب العمر يمشي حدوره
ماينعرف برق لنا من رعدنا = واللي فقدنا من قديم ندوره
قرب البكاء منا وقرب حشدنا = قصرالنظروالسيرجابه خطوره
اشرف علينا ان صحينا ورقدنا = واشرف على ماكولنا مع بهوره
مانقدرانضيف اللحاف ان بردنا = والسلك مع صغره مانقدرعبوره
نمدح ونهثم والعتب هو مددنا = وندوج بين ابيوتكم تقل دوره
وقفو هل القالات معنا بعهدنا= البعض جاه اشوار تخلف بشوره
وان جالكم في كبرنا من هددنا = اخوان والااخوات ماهي معوره
افرش لهم ردنك وكنه بيدنا = وافرح بهم والوجه زود سروره
الاسم واحد به نزود عددنا = ويمنا بلا يسرى تراها معثوره
واذا سؤلت تقول ذولا عمدنا = الدم واحد شوف الاسم بسطوره
لاتطيع فيهم من تسلطن بعدنا = حقده دفين ومرمسات بذوره
واكرم قراباتك والادنا بالادنا= ومن كان لك مٌحرم لزومٍ تزوره
الوصل يصِل من حباله رهدنا = والقطع يهلك من دنياه معموره
لاعل يدعو لك ولنا في مهدنا = وزيارة ود الأب ماهي محظوره
واوصيك دينك حيثنا به رشدنا = ان كنت وسط البحر والا بروره

[داعي الشوق]

صح لسااااااااانك مليوون يا بو محمد

و الله يشافي الوالده و يخليها

و القصيدة متوافقه مع الحدث

ارشاديه جميلة

لاهنت يالشاعر

و صح لسانك

[الطامي]

داعي
صح بدنك
وشكرا لمرورك وتعليقك
لاهنت اخي

[منيع]

ابيات رائعه ومؤثرة
تسلم ياالطامي وجعلك الله من البارين باالوالدة
تحياتي لكم

[حرف وشعر]

الاخ منصور المري

متعك الله بوالدتك وبنيك

واشهد ان الحق في ماقلت

بارك الله فيك

[عبدالعزيز العمار]

شاعرنا الطامي

صح لسانك وفكرك

وأسأل الله أن يلبس والدتك لباس العافيه بإذن الله

تحياتي وتقديري

[عبدالله مذكر العقيلي]

الله اكبر

قمة الابداع

صح لسانك

وبيض الله وجهك

والله لايهينك


تحياتي

[هترل]

منصور صح لسانك لا هنت

والله يحفظ لك الوالده ويلبسها

ثوب الصحه والعافيه ويعطيها طوله العمر

تحياتي لشخصك الكريم

[عمر ال شيبي]

المشاركة الأصلية كتبت بواسطة الطامي

تأثرت بما تمر فيه والدتي لكبر سنها احسن الله خاتمتها بخير وجميع المسلمين،،، وتذكرت مانمر فيه اذا وصلنا لما وصلت له وهاضت قريحتي بالتالي :-

يالله ياللي لاجل وجهه سجدنا = اللي عطانا الدين نمشي بنوره
مما نشوف اوصي محمد ولدنا = وكل الاخوان اخذو كلامي ضروره
يامحمد المنعور والا فهدنا = مع احمد وايضاً صغير البزوره
يالقرم ياللي من خوالك نشدنا = اسمع لقولي ثم تمعن سطوره
ياليث ياضرغام وانتم سعدنا = اقولها للكل ماهي محكوره
من بعد مشراف الشعيب انلهدنا= وزماننا ذقنا حلاه ومروره
اوصيكم فينا لاتردى جهدنا = واقبل خريف العمرواقفى بشوره
ان كان مامتنا ومعكم قعدنا= بعد الشباب العمر يمشي حدوره
ماينعرف برق لنا من رعدنا = واللي فقدنا من قديم ندوره
قرب البكاء منا وقرب حشدنا = قصرالنظروالسيرجابه خطوره
اشرف علينا ان صحينا ورقدنا = واشرف على ماكولنا مع بهوره
مانقدرانضيف اللحاف ان بردنا = والسلك مع صغره مانقدرعبوره
نمدح ونهثم والعتب هو مددنا = وندوج بين ابيوتكم تقل دوره
وقفو هل القالات معنا بعهدنا= البعض جاه اشوار تخلف بشوره
وان جالكم في كبرنا من هددنا = اخوان والااخوات ماهي معوره
افرش لهم ردنك وكنه بيدنا = وافرح بهم والوجه زود سروره
الاسم واحد به نزود عددنا = ويمنا بلا يسرى تراها معثوره
واذا سؤلت تقول ذولا عمدنا = الدم واحد شوف الاسم بسطوره
لاتطيع فيهم من تسلطن بعدنا = حقده دفين ومرمسات بذوره
واكرم قراباتك والادنا بالادنا= ومن كان لك مٌحرم لزومٍ تزوره
الوصل يصِل من حباله رهدنا = والقطع يهلك من دنياه معموره
لاعل يدعو لك ولنا في مهدنا = وزيارة ود الأب ماهي محظوره
واوصيك دينك حيثنا به رشدنا = ان كنت وسط البحر والا بروره

صدقت القصيد فجا مصدوق صح لسانك وبارك الله بك

[أحمد عوده الشامي]

واوصيك دينك حيثنا به رشدنـا
ان كنت وسط البحر والا بـروره

الله يعطيك رضا والديك

والله يشفي والدتك

وصح لسانك ياالطامي