قصيدة غزلية رائعة

[ضعيان البدرانى]

.قصيدة للشاعر:عبدالله بن زويبن الحربي.

يا وجودي وجد مجروح الفـوادي=من هنوف ثوبهـا يجـرح نهدهـا
شافهـا بالملعبـة يـوم العيـادي=طشت الشيلة و ماحت في جعدهـا
كنهـا بالملعبـة صفـرا تـرادي=بالحبـال اللـي ملـواتٍ عقدهـا
سمعت أصوات العزاوي والهنادي=من عياطير السطر يطفـر زبدهـا
تحتري شيـخٍ يقـود ولا يقـادي=منكفٍ بطماعـةٍ لحقـوا طردهـا
لحقوا الفرسان بظهـور الجيـادي=وكل راعي مهرةٍ ركـب ولكدهـا
لابةٍ تقلط علـى جمـع المعـادي=مير ربي عاقها وأطفـى سعدهـا
خيلهم يم الخلا عقـب الطـرادي=ما تبقي مـا يبقـى مـن جهدهـا
روحت مثل النعام امـع الحمـادي=يوم سمعت صوت خيـالٍ رهدهـا
بنت شيخٍ مـا ينافـس بالشـدادي=كلمتـه كـل القبيلـة تعتمـدهـا
ما تلد بعينها في شخـص عـادي=ولا يسود الغابة إلا حكـم أسدهـا
أتفق معها علـى غيـر الفسـادي=ايتزوجـهـا وياخـذهـا بيـدهـا
فوق خبرا جمعـت كـل البـوادي=كل من علم بهـا شـد ووردهـا
سيلتها يـوم هـل قـران حـادي=مزنةٍ كبر القطاة أصغـر بردهـا
وكل مدة قيضهم والوضع هـادي=وأن حصل له فرصة جدد عهدهـا
لين قام الحـر ينقـص والبـرادي=يتزايد والمـزون أوحـم رعدهـا
ناحرت لديارهـا قطـم التـوادي=أورحت ريح الحيـا يمـت بلدهـا
وأرسلوا عساس للعلـم الوكـادي=ثم جاهم فـي علـومٍ مـا بعدهـا
ما بعدها غير صوت اللي ينـادي=وكل راعي خيمـةٍ شلـع وتدهـا
وقربوا حمر الونيتـات الجـدادي=والبيوت السود طاروا في عمدهـا
أستخفـوا تقـل قافيهـم هجـادي=كل ما جو مصغرٍ شالـوا ولدهـا
مالهم يـم الغنـم شـف ومـرادي=مـا شقـوا بنعيمهـا ولا نجدهـا
روحت قطعانهم مثـل الجـرادي=تتعب الحساب ما يحصي عددهـا
والهوى معروف شـيٍ لا إيـرادي=والنتيجة موسفة ما أحـدٍ حمدهـا
يتسرب مع حـلاه مـن المبـادي=سم حية والفـراق أمـر وأدهـى
لو صبر راع الهوى صبر المهادي=الجروح تبيـن لـو أنـه جحدهـا
أنطلق مع دربهـم حاديـه حـادي=وكل ما جاء نزلـةٍ مـر ونشدهـا
لين بـاد ولا لقـى علـمٍ وكـادي=باهت الأخبار عنهم مـا وجدهـا
كنت غادي وأحسب المدّل غـادي=والنتيجة تنكشف لو طـال أمدهـا
كنت أغني مـع مغنـي يابـلادي=وأحسب أن اسمي مسجل في سندها
لين عرضت للمسـاوم والمـزادي=عكس ما جاء في كتاب اللي مهدها

[محمد عبدالله البدراني]

العزيز الغالي ضعيان البدراني سلمه الله


الله الله الله هذا الشعر لله درك ياضعيان على هالنقل الاكثر من راااائع


يالللرررررررررروعه :
كنت غادي وأحسب المدّل غـادي
..........................والن تيجة تنكشف لو طـال أمدهـا

يالروعة ماغزى اليه الشاعر ؟!!!


سلمت يداك وسلم فكرك وربي يحماك


تحياتي
مع اسمى ايات الشكر والامتنان فائق التقدير واطيب المنى رعاك الاله

[نجم الإبداع]

شكرا ياضعيان على اتحافنا

وصح لسانك ولسان شاعرها

نقل رائع


لاهنت


تحياتي وودي

[ابراهيم عبدالحميد]

ضعيان البدرانى

جزيل الشكر أخى لإمتاعنا بهذه الرئعه الراقيه
دمت و سلمت و غنمت

[الخنساء]

صح لسان الشاعر

اختيار راائع وجميل

لاهنت ودمت بخير

[صعبة المنال]

نقل متميز
صعووب

يعطيك الف عافيه

اختياار موفق للغايه

سلمت

[عالي مستواها]

الله الله ،،

صح لسان قايلها قصيده شامخه ،،

تسلم ضعيان على النقل الرائع ،،

يعطيك العافيه ،،

[المورد]

مشكور
على المعلومه الجيده
تحياتي

[خميس]

وفقك الله
وسلمت اناملك
تحياتي وتقديري