--((ليش غيرت طبعك يـوم ربي عطاك))--

[مبارك الشهراني]

السلام عليكم ورحمة الله وبركاته:-


نعود لكم بهذي المتواضعه

نتمنى ان تنال اعجابكم ورضاكم

وش اســـوي لياصــــديت وابطى نباك= كيف تضحك لــي الدنيا بـــلا جيتك
وش اســـوي وانا اللي ماذبحني سواك=وانت مدري وش اللي تخبي بنيتك
كل مالمــت قلبــــي قــال قلــبي يباك=وانت قلبك يصــــد ولارحم ميتك
لاتغلى علـــينا وانــت تعــــرف غلاك=تو في وســـط قلبي مابــرت كيتك
يوم تشمت على العشــــاق ربي بلاك=تضحك بدون عقـل وتعجبك فيتك
ارضك اللي تقبـــل مانزل من سماك=قــبل اتـــرابـها لاتــرخص ببيتك
مادريت ان وقتـــك لو تعلى وطاك=وان لي الليــالي مـــن وراء ليتك
ليش غيرت طبعك يـــوم ربي عطاك=شــــية الله تراها خـــير من شيتك
والله انــــي جـريح وموشــك للهلاك=ذقت ســــم الحيايا والسبب حيتك
كل يـــوم اتبشـــر يمـــكن الله هداك=الله لاعـــاد ســــاعات لنــا هيتك
مازرعــته هنا بـــكره تحصــده هناك=وبعد عمر طويل تحاســب بسيتك

وسلامتكم


ابو خاااااااااااااالد

[ابو أنس]

ابو خالد...............
عودا حميدا وموفقا بجميلة لاشك انها نالت الإستحسان
سعدت بها وبك
لك كل الشكر

[الطامي]

مادريت ان وقتك لو تعلـى وطـاك
وان لي الليالـي مـن وراء ليتـك
ليش غيرت طبعك يوم ربي عطـاك
شية الله تراهـا خيـر مـن شيتـك
والله انـي جريـح وموشـك للهلاك
ذقت سم الحيايـا والسبـب حيتـك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

الشهراني
صح السانك واعتلا شانك
ابيات عجيبة في معناها وقافيتها وليَاتها
لاهنت وشكرا لك

[مبروك بن ماضي]

الاخ الفاضل الشاعر /مبارك الشهراني
ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[ثار التميميه]

صح لسانك

وسلم بنانك

واعتلى شانك

ابيات جزله ورائعه

[ماجد الزيد]

صح الله لسانك يابو خالد
ابدعت وامتعت لله درك

[صوت الإحساس]

روعه



صح صح صح لسانك



ولله درك



لك ودي

ولهكذا حضور

احترامي وتقديري

[عبدالله المسعودي]

ابو خالد ..؛
صح لسانك وعلا شانك ..؛
لاهنت ..؛

[صعبة المنال]

روعة احساس

صح لسانك وفكرك وحرفك


صعوب

[مبارك الشهراني]

الغالي


سعد الحسن


صح بدنك ولاهان راسك


مروورك واعجابك مكسبي من هذي القصيده


فلا تحرمنا من ذلك اعيون ابو خاااااااااااالد


لك حبي وتقديري


ابو خاااااااااااااالد