الظلم في بعض الأحايين مطلوب

[الطائر المهاجر]

الظلم في بعض الأحايين مطلوب= لاصار في صالح شعوبٍ جهيله
فالشعب لامن صار جاهل ومضروب= بالتفرقه والحقد شعب وقبيله
حتى يؤسس منه دوله لها رتوب= مهيوبة ماهيب اية دويله
ولو حاولت بالعدل دستور مكتوب= رضا الخلايق غايةٍ مستحيله
فهذا يشوف انه بعد عز مغلوب= وهذا تمكّن بعد عيشه ذليله
وهذا يشوف انه من الحق مسلوب= وهذا بشطاره صار دوحه ظليله
لكنهم صاروا كيانٍ له حسوب= من بعد ما كانوا بحالٍ عليله
كلٍ يحس الأمن بالبيت ودروب= لو هو مشى بالليل ماخاف غيله
ومن ناظر العالم دويلات وشعوب= ف الغرب والاّ الشرق فكره دليله
يدرك بأن اللي تسيّد ومهيوب= يومٍ توحد بعد حربٍ طويله
ما ينبني مجدٍ على اشتات وحزوب= ولا يردع العادي فئاتٍ قليله
وحنا توحدنا بعد جهد وتعوب = وصارت لنا الهيبه ولا هي دخيله
احفاد من ساد الورى شرق وغروب= امه لها التاريخ اوفى بكيله
انهار تحت اقدامها كل مجذوب= ممن حقرها وانتهى بالفشيله
كسرى وروما وكل من كان معطوب= فكره ولا قدر رجال الشكيله
اللي بعد توحيدهم جوه بقلوب= وحده تبي ترفع شعار الفضيله
من دون وحدتنا ترى الخزي مجلوب= فلا ننخدع باللي يدور وسيله
يحاول يفرق بيننا تقل مطبوب = مذهب وعرقٍ شان يشعل فتيله

[داعي الشوق]

بيض الله وجهك يا بو عبدالله

كلام سليم

ترجمته بقصيدة عالية المستوى

و الغاية تبرر الوسيلة

و الله يعز الاسلام و المسلمين و يديم الأمن و الامان بالعالم الاسلامي

و صح لسااااااانك مليار

*********************

[روح الشعر]

صح لسانك يبوعبدالله


والله يكفينا شر الظلم واهله ولا أظن ان بالظلم خير



تحياتي

[فارس القوافي]

صح لسانك يابو عبدالله وبيض الله وجهك

يعطيك العافية

دمت بخير

[الطامي]

ما ينبني مجدٍ على اشتات وحزوب
ولا يـردع العـادي فئـاتٍ قليلـه
وحنا توحدنا بعـد جهـد وتعـوب
وصارت لنا الهيبه ولا هي دخيلـه
،،،،،،،،،،،،،،،،،،،،،،،
الطائر
بدعت فابدعت وأجدت لافض فوك دكتور
صح السانك ملايين
رائعة جدا
لاهنت

[الهذلول]

ابداع × ابداع
صح لسانك
ولاهنت
ودي واحترامي

[الاهدل]

من دون وحدتنا ترى الخزي مجلوب=فــلا ننـخـدع بالـلـي يــدور وسيـلـه
يحـاول يفـرق بينـنـا تـقـل مطـبـوب=مذهـب وعـرقٍ شـان يشعـل فتيلـه
لاهنت
تحياتي

[الـزلـزال]

الطائر المهاجر

نص في قمة الجمال والروعة والجزاله
من شاعر عودنا على اتقان وجزاله حروف شعره
أبدعت وأمتعت طائرنا
حلق بشعرك فوق القمم ولنا الأستمتاع به
صح لسانك ملايين ملايين
ولك فائق تحياتي وتقديري

[عمر ال شيبي]

يا زين المنطوق
ويا زين الفكر
صح لسانك لا هنت قايدنا الحكيم

[منيع]

ابيات جزلة ورائعة
والعدل اساس الملك
شكرا لك
ودي وتقديري