زد وفا تزداد ملعنْة الإناث

[ماجد الزيد]

لا حشا ما انتي من عداد الأثاث=سيدة قلبن حكمتي فيه ميث
ما لغيرك في ثنا قلبي اكتراث=العبي في روضته لعبات حيث
العقل. والقلب والروح. الثلاث=رهن امرك والجسد عيثيه عيث
زبروه من الهوى تحت الدماث=من مهاتن طوحت بالعين ليث
ادركيني إنما مثلي يغاث=حين مثلك تنظر بعينن تغيث
عودي حثي الخطا يمي احْتثاث=مثل عيد ٍ يبدل ثياب الرثيث
قد قرأنا في بعض كتب التراث=باب فضل اقوام تصدق بالحديث
ليس خير الناس اكثرهم ميراث=خيرهم منلا غشى قلبه خبيث
لك غلا لو بثه القلب إبتثاث=عود العالم إلى ماقبل شيث
اجرحيني وابعثي حزني ابتعاث=فارسن مالي من الدنيا وريث
لو حرثتي قلبي الطاهر حراث=مالقيتي به سوى عطْرك بثيث
الخيانة ليست إلا اختباث=ما فتح ابوابها غير الخويث
واحدن مثلي حشا مثله يُعاث=اعلم إنّ الشّكّ عنْدك مُستبيث
ما تظيغثت المحبه اظتغاث=خلطة المتقِن لتخليط البغيث
زد وفا تزداد ملعنْة الإناث=الوفا إفلاس بالوقت الغثيث

[حوريه]

مااااجد

بوح رائع من شاعر رائع

بس يااماجد مو كل الأناث....

لاهنت ولا هانو الأناااث

صح لسانك مليون

[ام العمده]

صح لسانك واعتلى شانك
لاهنت
مبدع
دمت بخير

[عذب القوافي]

الشاعر / الجزل ماجدالزيد

نص عالي لايجيده إلا الكباروأنت منهم

تقديري

:::::أبوابراهيم:::::

[ماجد المهدي]

صح لسانك يالسمي

قصيدة وافيه وقافيه قويه ومعاني جزله

لله درك

لا هنت

تحياتي

ماجد المهدي

[الأموره]

الزيد

صح لسانك ملايين

سلمت و سلم فكرك

الف شكر لك

دمت برعاية الخالق

[حي الضمير]

نجم ومميز ياماجد
ابدعت بالجديد كعادتك
والف صح لسااااانك

[سعيد الصاعدي]

الاخ الفاضل / ماجد جمد الزيد
صح لسانك لاهنت
نص شعري راقي جدااااااا
دائمااا مبدع
تحياتي
أخـــــــــوك
س / ص

[عبدالعزيز العمار]

الشاعر المبدع ماجد الزيد//

صح لسانك وجاد بيانك ...

قصيدة رائعه وشامخة امتعتنا بها وبمحتواها..

جزلة من شاعر وافي الجزاله .. لاهان راسك ..

تقبل اجمل تحيه وتقدير...

[نجم الإبداع]

ماجد الزيد

صح لسانك على المصافحه الجزله

ابدعت ياشاعر

ولاهنت

تقبل مروري

وودي